MGA LAYUNIN

1.Nasusuri ang tula batay sa mga

elemento nito.
2. Nabibigyang-kahulugan ang
mga matalinghagang pahayag na
nasa tula.
3. Nabibigyang halaga ang pag-
ibig at pagmamahal sa bawat isa.
4. Nakakasulat ng maikling tula
tungkol sa pag-ibig.
Tungkol saan ang awit na iyong napakinggan?
Makatotohanan ba o hindi makatotohanan ang
nilalaman ng awit?
Anong kongklusyon ang nabuo sa iyong
imahinasyon matapos mapakinggan ang awit.
May pagkakatulad ba ang tula at awit?
Sino ba si Elizabeth Barrett Browning
 TALAMBUHAY NI ELIZABETH BARRETT BROWNING

Si Elizabeth Barrett Browning

ay ipinanganak sa Coxhoe Hall,
Durham, England noong 1806.
Isa din siyang makata ng
kilusang Romantisismo. Siya
ang panganay sa mga
magkakapatid. Ang kanyang
mga magulang ay nagmamayari
ng isang plantasyon ng asukal.
 TALAMBUHAY NI ELIZABETH BARRETT BROWNING

Siya ay nag-aral lamang sa bahay. Sa edad na 10 ay

nakapagbasa siya ng mga pahayag galing sa
Paradise Lost at ang ilan sa mga Shakespearean
plays. Noong siya’y labingdalawang taong gulang na
ay nakapagsulat siya ng isang mahabang tula na
naglalaman ng apat na libro na magkakatugma ang
mga salita. Lumipas ang dalawang taon ay
nadiskubre na may diperensya ang kaniyang baga
na habang buhay na niyang dadalhin. Sinubukan ng
mga doctor na gamutin ito ng morphine na kanyang
gagamitin hanggang sa dulo ng kaniyang buhay.
Noong labinlimang taong gulang siya ay
nakaranas siya ng spinal injury. Sa kabila ng
lahat ng ito ay ipinagpatuloy pa din niya ang
kanyang pag-aaral. Sa kanyang pagkadalaga
ay natuto siya na magbasa ng Hebreo para
maintindihan niya ang Lumang Tipan ng
Bibliya; ang kanyang interest ay naghikayat sa
kanya na mag-aral din ng Griyego. Naging
aktibo siya sa Bible and Missionary Society sa
kanyang kinabibilangang simbahan.
Noong 1844 ay nagkakilala sila ni Robert
Browning na naging kanyang kabiyak. Si
Elizabeth at Robert ay nagpalitan ng 574 na
liham sa loob ng dalawampung buwan. Ang
pag-iibigan nila ay tinutulan ng tatay ni
Elizabeth dahil ayaw niyang maikasal ang isa
sa mga anak niya. Noong 1846 nanirahan na
sila sa Florence, Italy kung saan ang
kalusugan ni Elizabeth ay nagbago at
nagkaroon sila ng anak na nagngangalang
Robert Wideman Browning. Ang kanyang tatay
ay hindi na muli niyang nakita.
Namatay si Elizabeth Barrett
Browning noong June 29, 1861
sa Florence,Italy.
Siya ay nakagawa ng
napakaraming tula at prosa.
Kabilang na dito ang “How Do I
Love Thee” na kanyang inalay
para sa kanyang pinakamamahal
na asawa.
 ANG AKING PAG-IBIG
(How Do I Love Thee ni Elizabeth Barret Browning
Isinalin sa Filipino ni Alfonso O. Santiago)

Ibig mong mabatid, ibig mong

malaman
Kung paano kita pinakamamahal?
Tuturan kong lahat ang mga paraan,
Iisa-isahin, ikaw ang bumilang.
Iniibig kita nang buong taimtim,
Sa tayog at saklaw ay walang
kahambing,
Lipad ng kaluluwang ibig na
marating
Ang dulo ng hindi maubos-isipin.

.
Yaring pag-ibig ko’y katugon, kabagay
Ng kailangan mong kaliit-liitan,
Laging nakahandang pag-utus-utusan,
Maging sa liwanag, maging sa karimlan
 Kasinlaya ito ng mga lalaking
Dahil sa katwira’y hindi paaapi,
Kasingwagas ito ng mga bayaning
Marunong umingos sa mga papuri.

Pag-ibig ko’y isang matinding damdamin,

Tulad ng lumbay kong di makayang bathin
Noong ako’y isang musmos pa sa turing
Na ang pananalig ay di masusupil.
 Yaring pag-ibig ko, ang nakakabagay
Ay ang pag-ibig ko sa maraming banal,
Na nang mangawala ay parang nanamlay
Sa pagkabigo ko at panghihinayang.

Yaring pag-ibig ko ay siyang lahat na,

Ngiti, luha, buhay at aking hininga!
At kung sa Diyos naman na ipagtalaga

Malibing ma’y lalong iibigin kita.

 Kahulugan ng Tula
isang anyo ng sining o panitikan
na may matalinghagang
pagpapahayag ng isipan at
damdamin.
Maitutulad ang tula sa isang
awit.Hangngang sa kasalukuyan ,
ang pagsulat at pagbigkas ng tula
ay nananatiling tulay ng kaalaman
mula sa kasaysayan ng kahapon
patungo sa kasalukuyan
Ang binasa nating tula ay isang soneto na
nasa ng tulang pandamdamin o tulang
liriko . Ito ay nagmula sa Italya na may
labing –apat na taludtod at sampung
pantig sa bawat taludtod. Ito ay may tiyak
na sukat at tugma .Malalim na pag-iisip at
mayamang karanasan ang nakakaapekto
Sa isang manunulatupang makabuo ng
Isang mahusay na tula.
Ang bawat taludtod nito sa
karaniwang damdamin at
kaisipan ay nagpapakilalang
matinding damdamin .
 Pangkatang Gawain
Unang Pangkat: Gumawa ng tula tungkol sa pag-ibig
Ikalawang Pangkat: Magbigay ng 5 simbolismo tungkol sa
pag-ibig.
Ikatlong Pangkat: Pagsagot sa tanong na “Bakit mahalaga
ang pag-ibig?” sa pamamagitan ng “Ano Daw?”
Ikaapat na pangkat: Bumuo ng mga matalinghagang
pahayag o pananalita na naglalarawan sa pag-ibig.
Takdang Aralin
Magsaliksik tungkol sa mga uri
ng tayutay.
1. Sino ang may-akda ng “Ang Aking Pag-ibig”?(Elizabeth Barett
Browning)

2. Pinakamaikling uri ng panitikan. Binubuo ito ng mga salitang

maingat na pinili upang maipakita ang isang kaisipan at
nararamdaman. Ito ay inilalahad sa iba’t ibang uri o paraan
a. tula b. epiko c. alamat d. soneto
3. Ang tawag sa bilang ng pantig sa bawat taludtod ng tula .
a. sukat b. tugma c. tono d. talinghaga
4. Tumutukoy sa saloobin ng may akda ukol sa paksa ng tula
a. sukat b. tugma c. tono d. talinghaga
5. Mga salitang magkakasing-tunog sa isang taludtod ng tula.
a. sukat b. tugma c. tono d. talinghaga
Ipaliwanag ang
nilalaman ng tulang
“Ang Aking Pag-
ibig”?