Araling

Panlipunan
(4 Quarter)
th
Leksion 2: Dagiti
Nainsigudan a
Kinabaknang ti
Rehion
Ania dagiti
pagsayaatan-ekonomia
a maited dagiti
nainsigudan a
kinabaknang ti bukod
a probinsia ken rehion?
Naparaburan ti Rehion I ti uppat a dadakkel a
probinsia ken siam a Siudad. Daytoy ti
mangipakita a ti Rehion I ket addaan ti adu a
nainsigudan a kinabaknang a
maipagpannakkel iti sangalubongan. Dagitoy a
kinabaknang ti mangmangted ti pagbibiag
dagiti tattao. Daytoy pay ti makagapu no apay
a ti rehion ket nadur-as iti amin a banag.
Candon
 Adalen
Nalalatak a Kabambantayan ti
Rehion I
Tallo kadagiti kangangatuan a bambantay
ti rehion ti Bantay Sicapoo ken Bantay
Burnay ti Ilocos Norte ken Bantay Malaya
ti Ilocos Sur.
 Adalen
Adu ti dadakkel a kaykayo dagitoy a
bambantay a paggapgapuan dagiti
materiales nga ar-aramatenda iti
panagaramid kadagiti muebles a kas ti
tugaw, aparador, lamisaan ken dadduma
pay.
 Adalen
Katurturodan pay ti dadduma a paset ti
rehion. Dagitoy ti pagipaspastoran dagiti
tattao kadagiti aywanda nga ayup a kas ti
baka, nuang, kabalyo, kalding ken dadduma
pay. Dagiti karne dagitoy nga ayup ket
mailaklako tapno adda aramaten dagiti
tattao a paggatang kadagiti dadduma pay a
kangrunaan a kasapulan dagiti pamiliada.
 Adalen
Adu pay ti nalalatak a nainsigudan a
kinabaknang ti rehion. Sumagmamano
kadagitoy ti Hundred Islands ti Siudad ti
Alaminos iti Probinsia ti Pangasinan, ti San
Juan ti Probinsia ti La Union a pappapanan
dagiti adu a turista gapu ti napintas ken
dadakkel a dalluyon
 Adalen
Malaksid kadagitoy, adu ti pupukan iti
Siudad ti Dagupan a pagtartarakenanda ti
bangus ken dadduma pay a klase ti ikan.
Dagiti karayan ken baybay iti aglawlaw ti
rehion ti paggapgapuan dagiti ikan, padaw,
tirem, rasa, kappo ken dadduma pay.
 Adalen
Nabaknang pay ti Rehion I kadagiti mineral a
kas ti copper, gold, chromite, iron,
manganese, pitak, limestone, silica ken
guano. Adda pay karkarna a pitak a
masarakan iti Siudad ti Vigan, Probinsia ti
Ilocos Sur. Ar-aramatenda daytoy a pitak iti
panagaramid ti burnay ken dadduma pay a
produkto.
iron
limestone gold
 Adalen
Nalawa ti kataltalunan ti Rehion I. Daytoy ti
makagapu no apay nga agrikultura ti
kangrunaan a pagbibiagan ken
pagsapsapulan dagiti tattao. Adu ti produkto
ti rehion a kas ti bagas, mais, tabako,
nateng, prutas a kas ti manga ken dadduma
pay.
1. Ania dagiti adda iti aglawlaw
ti Rehion I? ___________
2. Ania dagiti naindagaan a
kinabaknang a makita kadagiti
aglawlaw ti Rehion I?
Ania dagiti produkto a maala manipud
kadagiti naindagaan a kinabaknang?
Nainsigudan a Kinabaknang Maala a Produkto
4 Kasano a mapasayaat ti biag dagiti tattao nga
agnaed iti Rehion I babaen ti tulong dagiti
naindagaan a kinabaknang? Ania ti mapasamak
kadagiti tattao no awan ti naindagaan a
kinabaknang?
5. Ania dagiti pagsayaatan a maited dagiti
produkto manipud kadagiti naindagaan a
kinabaknang iti panagdur-as ti ekonomia ti
rehion?
Ti aglawlaw ti paggapgapuan dagiti
naindagaan a kinabaknang. Manipud
kadagitoy a kinabaknang, adu a
produkto ti maala ditoy. Mangted pay
dagitoy ti trabaho a pagbibiagan dagiti
tattao ti probinsia ken rehion.
Ti panangaywan wenno panagsaluad
kadagitoy a naindagan a kinabaknang
ket napateg tapno agtultuloy ti
kaadda ti pagsapulan dagiti tattao ken
tapno addanto pay madanun dagiti
umay a henerasion.
 Reference:
• Araling Panlipunan Learner’s Material
• Pictures from Google Credit to the owner