PAGGUHIT NG MGA

PRODUKTO NA
GINAMIT SA
KALAKALAN
 Ang ating bansa ay napapaligiran ng yamang-
tubig, dahil dito maraming manlalakbay at mga
dayuhan ang nakipagkalakalan sa ating mga ninuno.

Maganda ang lokasyon ng ating bansa kaya

maraming mga dayuhan ang pumunta dito upang
ipagpalit ang kanilang produkto. Ipinagpalit ng mga
Tsino ang kanilang produkto tulad ng lata,
porselana, bakal, karayom, seda at tingga sa ating
mga produkto tulad ng bulak, ginto, perlas, sibuyas,
banig at kakaw.

Barter ang tawag sa kalakalan noong unang

panahon.
 Ugnayan ng mga Sinaunang
Pilipino at mga Dayuhan
 Ugnayang Pilipino at Orang Dampuan

 • Sa pagitan ng mga taong 900 at 1200 AD, may isang

pangkat ng mga dayuhang dumating sa Pilipinas. Ang pangkat
ay tinawag na Orang Dampuan o ang mga taong galing sa
Champa. Ang Champa nasa Timog Annam na ngayon ay kilala
sa tawag na Vietnam.

 • Mahuhusay silang mandaragat. Nagtatag sila ng pook –

kalakalan sa Sulu. Ang mga sentrong ito ng kalakalan ang
naging daan ng mabilis na pag-unlad ng kalakalan sa pagitan
ng mga taga – Sulu na tnatawag na Buranun at mga tao mula sa
Timog Annam.
 Ugnayang Pilipino at Tsino

 • Nagsimula ito noong 960 AD. Dumating sa bansa

ang mga Tsino dala ang mga sari – saring paninda
tulad ng lata, porselana, bakal, karayom, seda at
tingga.

 • Ipinagpalit ng mga Tsino ang kanilang mga

kalakal sa mga produkto ng mga katutubong
mangangalakal sa iba’t ibang pulo.

 • Ang mga produkto ng mga sinaunang Pilipino ay

bulak, ginto, perlas, sibuyas, banig at kakaw.
 Paglipas ng panahon, ang mga mangangalakal na Tsino
ay nagtayo ng kanilang pamayanan sa mga baybayin ng
kapuluan. Ang iba ay hindi na nagbalik sa China at
tuluyang nanirahan at nakapag-asawa sila ng babaing
katutubo. Dahil dito, nagsimulang mahaluan ng
kulturang Tsino ang kulturang Pilipino. Natuto ang mga
Pilipino sa paggamit ng porselana, payong, pilak at ang
paggawa ng pulbura.

 • Ang camisa de chino at maluwang na salawal ng

mga babaing muslim ay impluwensya rin ng mga Tsino.

 • May mga salita ring galing sa mga Tsino tulad ng

pansit, mangkok, susi, gusi, tinghoy at siyanse.
 • May mga kaugalian din ang mga Pilipino na
impluwensya ng mga Tsino. Ilan sa mga ito ang
paggalang sa matatanda, pagbubuklod ng
pamilya, pagsamba sa kaluluwa ng mga
ninuno, pagkaroon ng tagapamagitan sa
pamamanhikan at pakikipagkasundo ng mga
anak upang makapag-asawa.

 • May mga pagkaing Tsino na natutuhang

kainin ng mga Pilipino tulad ng pansit, lugaw,
siopao, siomai, kikiam, ampaw at iba pa.
Ugnayang Pilipino at Arabe

• Masigla ang naging kalakalan ng mga



Tsino at mga Arabe nang buksan ang

Canton sa dayuhang kalakal. Subalit
noong ikasiyam na dantaon, ipanagbawal
ng Dinastiyang Tang ang pagpasok ng
mga Arabe sa kanilang bansa. Dahil dito,
napilitang maghanap ng ibang ruta ang
mga Arabe hanggang sa matagpuan nila
ang Kalah sa Malaysia.
 Ayon kay Ceasar Majul, dalubhasa sa
kasaysayan ng Islam sa Pilipinas, may tala ang
mga Tsino na nagpapatunay na nakarating na
ang mga Arabe sa China noon ika – 10 dantaon
mula sa ilang pulo sa Pilipinas.

 • Hindi lang ang mga mangangalakal ang

dumating sa Pilipinas, dumating din ang mga
misyonaryong Arabe upang ipalaganap ang
Islam. Unang dumating si Karim al-Mukdum.
Pormal niyang ipinahayag ang mga aral ng
Islam noong 1380.
 Dumating din si Rajah Baguinda noong 1390. tinuruan
niya ang mga katutubo ng mga aral ng Islam.
Sinundan ito ni Abu Bakr noong 1450. Isang iskolar na
Muslim si Abu Bakr. Siya ang nagpatuloy ng
pagpapalaganap ng Islam sa Sulu at sa karatig na mga
pulo.

 • Higit na napadali ang pagpapalaganap ng Islam

nang pagsama-samahin ang mga barangay na
tumanggap nito at nang itatag ang pamahalaang
Sultanato. Ito ay isang uri ng pamahalaan na
pinamumunuan ng isang SULTAN. Si Abu bakr ang
kauna – unahang sultan ng Sulu.
 Limang Pangunahing Tungkulin ng mga Muslim

 1. Paniniwala kay Allah bilang nag-iisa at tanging Panginoon

at si Muhammad bilang kanyang propeta.

 2. Pagdarasal ng limang beses maghapon nang nakaharap sa

Mecca, ang banal na lugar para sa Islam.

 3. Pagbibigay ng sakat, ang ikasampung bahagi ng kita, para

sa mahihirap.

 4. Pagtupad sa haj o banal na paglalakbay sa Mecca minsan sa

buong buhay ng isang Muslim.

 5. Pag – aayuno sa buwan ng Ramadan.

Natutunan din nila ang Arabic o paraan

ng pagsulat ng mga Arabe. Ilan pa sa mga
impluwensya ng mga Arabe ay ang
pagbilang, pagsasalita at pagsulat sa
wikang Arabe. Ang salitang sulat, salamat
at alamat ay ilan sa mga salitang
nagpapakita ng impluwensya ng mga
Arabe sa Pilipino.
 Impluwensyang Indian

 • Pangunahing impluwensyang Indian ay

mababakas sa wika ng Pilipino lalo na sa Tagalog
at sa paraan ng ating pagsulat. Ilan sa mga salitang
Indian na naging bahagi ng ating wika ay diwata,
maharlika, pari, lakan, lakambini, saksi, mukha at
hari.

 • Natutunan ng mga Pilipino ang kultutang

Indian sa pamamagitan ng mga Malay na naging
tagasunod ng relihiyong Hinduismo. Tinatawag
silang mga Hindu. Ang mga Malayong Hindu na
ito ay sinasabing duating sa Pilipinas at nanirahan
nang permaente sa bansa.
 • Sa pamamagitan nila, natutuhan ng mga
Pilipino ang paggamit ng belo at sintas kapay
may ikinakasal. Natutuhan din nila ang
paggamit ng turban at sarong. Impluwensyang
Hindu rin ang pagsasayaw ng mga mag-
asawang hindi magkakaanak sa mga patron na
pinaniniwalaang nakapagbibigay ng anak.

 • Natutuhan din natin sa mga Hindu ang

sistemang barangay at ang pagsamba kay
Bathala, sa mga diyos at diyosa. Gayundin ang
mga panitikang may kaugnayan sa epiko ng
India. Sa kanila rin galing ang saloobing
“bahala na”
Mga Produktong Ginamit
sa Pakikipagkalakalan
Produkto ng ating mga
Ninuno
B
U
L
A
K
ginto
P
E
R
L
A
S
S
I
B
U
Y
A
S
banig
Produkto ng mga
Dayuhan
porselana
pilak
P
A
Y
O
N
G
a.Produkto ng ating mga Ninuno
– Iguguhit ng mga mag-aaral
na lalake

b.Produkto ng mga Dayuhan –

Iguguhit ng mga mag-aaral na
babae
1.Saan ang lokasyon ng ating bansa? Anu-
ano ang mga bansa na malapit dito?
2.Anong yaman ang nakapaligid dito?

3.Ano-ano ang mga produkto na ginamit

ng ating mga ninuno sa
pakikipagkalakalan sa mga dayuhan?
4.Ano-ano ang mga produkto na ginamit
ng mga dayuhan sa pakikipagkalakalan sa
ating mga ninuno?
Bakit mahalaga ang lokasyon sa


pakikipagkalakalan?

Sa gawaing pansining, ano ano



ang mga dapat isaalang-alang sa

pagguhit ng mga produkto na
ginamit ng ating mga ninuno sa
pakikipagkalakalan?
Batay sa iyong nalaman ukol sa
pakikipagkalakan ng ating mga ninuno sa
mga dayuhan, ano ang magandang
naidulot nito sa ating kultura at sining?
Paano magiging maunlad ang isang bansa
sa pamamagitan ng pakikipagkalakalan?
Paano napapabuti ang relasyon ng
dalawang bansa sa pamamagitan ng
pakikipagkalakalan?
Suriin ang ginawang likhang-sining
at lapatan ng kaakibat na puntos gamit
ang rubrik.
 Takdang Aralin:
Magsaliksik ng isang produktong


ginamit ng ating mga ninuno sa

pakikipagkalakan at isang
produkto na ginamit ng mga
dayuhan sa pakikipagkalakalan.
Iguhit ang mga ito sa isang malinis
na papel.