PANGKAT APAT

KOMUNIKASYON AT PANANALIKSIK
11-STEM B
ANG TEKNOLOHIYA SA PILIPINAS

Sa kasalukuyan, parami nang parami ang mga taong gumagamit ng

mga kompyuter at mga gadgets sa kahit saang sulok ng mundo.
Bagamat ang Pilipinas ay nabibilang sa mga pinakamahihirap na
bansa, tayong mga Pilipino naman ay di nagpapahuli sa paggamit ng
teknolohiya. Halos araw araw mong makikitang puro pinoy ang tema
ng mga worldwide trends sa twitter. Ang mga bata ngayon ay madaling
maimpluwensya dahil tuwing nakakakita sila ng ibang tao na
mayroong pinakabagong modelo ng telepono o kahit anong
magandang gadget, gusto na kaagad nila makabili ng tulad noon.
 Ang ilang teknolohiya sa Pilipinas na hatid sa atin ng mga dayuhan ay isang malaking
problema dahil ang unang inaapektuhan nito ay ang mga kabataan at hindi maganda ang
epekto nito sa kanila. Una, ang oras ng kabataan ay nasasayang dahil sa mga
teknolohiyang ito. Hindi na nila pinapansin ang mga importanteng gawain na kailangan
nilang gawin dahil sa sobrang paggamit nila sa mga gadgets. Ako ay isang biktima nito
dahil ako man ay nakakagamit ng gadgets katulad ng mga tablets, game consoles, smart
phones at computer ng sobrang lubos na hindi na ako nakakakain ng tanghalian o
hapunan. Ang isa pang problema na dinala ng teknolohiya ay ang mataas na presyo nito.
Ang mga Pilipino naman, sa pag-iisip na ang mga bagong produktong ito ay isang simbolo
ng pagiging sibilisado, ay gagastos ng libu-libong pera para lang sa isang telepono na
maaari pang masira pag hindi inalagaan ng mabuti. Sa huli, sayang lang ang perang
ginastos nila. Marami pang mas-importanteng bagay na maaaring mabili ng ganung
kalaking pera tulad ng pagnenegosyo. Kung mas marami sanang pilipinong
namumuhunan, mas marami sigurong trabaho para sa lahat. Maaari rin namang gamitin sa
eskwelahan, sa bahay, o sa iba pang mas mahalagang bagay. Habang ang teknolohiya ay
nagiging mahalagang bahagi ng ating buhay, ito parin ay mananatiling isang problema lalo
na’t nakikita lang natin ito bilang parte ng fashion at trends. Hindi tayo matututong
makuntento at patuloy lang tayong magiging sunod-sunuran sa tuwing mayroong bago.
Hindi natin maiisip na ang produksyon nito ay tuloy-tuloy. Pag may bagong telepono bukas,
magkakaroon kaagad ng bago pagkalipas ng apat o limang buwan, at ito ay ang
nagpapatuloy sa adiksyon sa teknolohiya ng kabataan sa Pilipinas ngayon.
 Ang isang solyusyon para dito ay ang pagbabawas ng ating paggamit ng gadgets. Ngunit,
paano natin ito gagawin? Narito ang ilang mga bagay na dapat nating tandaan tuwing
tayo’y gumagamit ng ating gadgets;
Gaano katagal natin ginagamit ang gadget – Ilang oras na ba nating ginagamit ang
gadget? Araw araw bang ganito katagal nating ginagamit ito? Mayroon pa ba tayong ibang
nagagawa maliban sa paggamit ng ating gadget?
Kung importante ang ating ginagawa sa gadget – ginagamit ba natin ito para sa tamang
dahilan? Nagiging produktibo ba tayo sa paggamit natin dito?
Tamang lugar ng pag-gamit ng gadget – ginagamit ba natin ang mga gadget sa tamang
lugar?
Tamang pagkakataon ng paggamit ng gadget – ginagamit ba natin ang ating mga gadget
sa tamang oras?

Dahil sa teknolohiya ngayon na idinala ng mga dayhan, maraming mga Pilipino ay

nagkaroon ng adiksyon sa paggamit ng mga gadgets na sinabi sa itaas. Ang mga solusyon
na inihain ko ay mahalaga at importante dahil ang mga ito ay makakatulong sa maraming
Pilipino sa paggamit nila sa teknolohiya. Sa huli, ang lahat ng mga ito ay lubos na
makakatulong sa araw-araw na buhay ng mga Pilipino at tayo ay mas magiging produktibo
sa lahat ng ating mga ginagawa.
https://gmanumbas16xs.wordpress.com/2014/12/08/ang-teknolohiya-sa-
pilipinas/amp/?fbclid=IwAR0M1mp8d5NAl7_Yifi3b5XqlE1esZxJ4KZc9ZGoJmhgWCv0B1uCmwUXiDY
 MAKABAGONG TEKNOLOHIYA

Sa pagdaan ng panahon ay nagkaroon na tayo ng tinatawag na

‘globalisasyon’, at patuloy na umaangat at umuunlad ang ating teknolohiya. At
sa mabilis na pagsulong ng teknolohiya ay masasabing nakasasabay na tayo
sa kaunlaran at makabagong teknolohiya ng mauunlad na bansa.

Ang makabagong teknolohiya ay isa ng bahagi ng pang araw-araw na buhay

ng isang tao. Ginagamit natin ang teknolohiya sa halos lahat ng dako. Cell
phone, computer, laptop, smart boards, mga sistema ng GPS, at iba pa. Lahat
ng iyan ay nagmula sa teknolohiya. Ito ay tumutulong sa atin araw-araw, sa
pamamagitan ng pagbibigay sa atin ng impormasyon at maginhawang
pamumuhay. Ang teknolohiya ay mabilis at ito ay tumutulong sa ating
ekonomiya.
 Dahil sa makabagong teknolohiya, naging mas madali ang pagtuklas
sa mga kaugnay na impormasyon sa anumang oras at kahit saan. Ito
ay naging posible dahil sa mga makabagong teknolohiya tulad ng
broadband internet. Ang impormasyon ay ang kapangyarihan, at ang
mga taong makakahanap ng impormasyon at gagamitin ito ng
mahusay, ay laging magtatagumpay.

Hinihikayat ng makabagong teknolohiya ang mga makabagong

ideya at ang pagiging pagkamalikhain. Ito ang nagsisilbing ilaw ng
isipan upang gumana sa buong potensyal nito. Sa nakaraan, mahirap
magsimula ng negosyo. Ngayon, ang pagsimula ng negosyo ay
napakadali na lamang at pwede kang magkaroon ng negosyo habang
ikaw ay nasa bahay lamang.
 Ang computer ay nakatulong ng malaki sa ating mga mag-aaral lalung-lalo na
sa aspeto ng pananaliksik at pagtuklas. Hindi mo na kailangang maghalukay pa
ng sandamukal na mga aklat para kumuha ng mga kakarampot na
impormasyon sa bawat libro. Hindi mo na kailangang maghalungkat sa
maalikabok na mga silid-aklatan upang maghanap ng mga datos na
kinakailangan sa iyong takdang aralin. Puntahan mo lang ang google, iencode
mo lang ang topik na hinahanap mo, mag-antay ka lang ng ilang sandali, at
makikita mo na ang iyong hinahanap.

Nawa’y matutunan ng mga kabataang gamitin ang mga makabagong

teknolohiya tungo sa kaunlaran. Nawa’y gamitin ng mga kabataan ang mga
teknolohiyang ito sa edukasyon. Hindi ba’t edukasyon ang natatanging
kayamanan na hindi mananakaw ninuman? Ito ang natatanging pananggalang
sa lahat ng pagsubok ng buhay. Ang isang taong edukado ay isang taong
maalam sa buhay.
 Masasabi natin na malaking tulong ang teknolohiya sa pag-unlad ng
iba’t ibang aspeto ng kaalaman at ng edukasyon. Subalit kailangan
nating tandaan na nararapat nating gamitin ito ng wasto. Huwag natin
hayaan ang ating mga sarili na abusuhin ang teknolohiya. Maaaring
makapagdulot ito ng mga masasamang epekto sa atin kapag ito ay
nagamit sa hindi tamang paraan.

https://abanteblog.wordpress.com/2015/11/15/makabagong-teknolohiya/
TEKNOLOHIYA SA MAKABAGONG
PANAHON
Sa makabagong panahon na sumisibol ay may napakalaking
pagbabago buhat sa dating pamumuhay kung saan ang dating
mahirap at mabibigat na gawain ay pinapagaan ng mga makabagong
teknolohiya at siyensya. Mas napapabilis nadin ang
pakikipagkomunikasyon mula sa malalayong lugar. Ngunit tama ba na
iasa na lang natin dito lahat ng mga dapat nating gawin? Dapat ba na
mas pagtuunan natin ng pansin ang mga ganitong bagay at ano ba
talaga ang dulot nito sa ating kabataan? Ito ang dapat nating bigyang
pansin bukod sa dulot nitong pagpapagaan sa ating pamumuhay.
 Isang malaking dagok sating henerasyon kung hindi tayo maaabot ng mga

makabagong kaalaman. Mahirap mamuhay sa kung ano lang ang nakamulatan

natin na siyang gagamitin sa pang araw-araw nating pamumuhay, kaya’t

maswerte padin tayo dahil nabibiyayaan tayo ng kaalaman hango sa

makabagong kultura at teknolohiya mula sa mga karatig na lupain ng ating

bansa. Napakalaking pagbabago ang naidulot nito sa mga kabataang mag-

aaral ng ating bayan upang mas malinang pa ang kanilang pag-iisip at mas

mapalawak at mapalawig pa ang mga kaalaman na meron sila. Ngunit sa oras

na sa maling gawi nila ito gamitin, maaaring may masama pa itong dulot sa

kanila dahil may mga makabagong kagamitan ngayon na kinaaadikan ng mga

kabataan na nakakapagpawala ng atensyon nila sa kanilang pag-aaral. Dapat

nating alamin at talakayin ang magaganda at masasamang dulot nito upang

hindi sa ikasasama o ikakasira ng kinabukasan ng ating kabataan ang maging

epekto nito.
 Una nating pagtuunang pansin ang mga magagandang dulot ng makabagong

teknolohiya sa ating mag-aaral at kabataan. Likas sa pagiisip ng lahat na ginagamit

ng mga estudyante ang kompyuter, smart phones o ano mang gadget upang

makapagsaliksik ukol sa mga paksa na dapat nilang malaman. Dahil sa mga ito,

mas mabilis nilang nagagawa at napag-aaralan ang dapat nilang mga gawin sa loob

ng paaralan. Sa pamamagitan din nito nakakasabay ang ating mga kabataang mag-

aaral sa pandaig-digang kalidad ng edukasyon, kung sabihin nga ng iba ay hi-tech

na ang panahon ng mga kabataan ngayon kaya mas mdali na lang ang pag-aaral at

mga gawain. Bukod sa dulot nito sa pag-aaral, na papabilis din ang transportasyon

dahil sa mga bagong imbentong sasakyan na malaki din ang tulong nito sa

makabagong sistema ng edukasyon. Lalo na kung ang tirahan ng mga mag-aaral ay

malayo sa mga eskwelahan na kanilang pinapasukan araw-araw. Kaya masasabi

nating hindi lang isa ang tinutumbok ng makabagong siyensya kundi ang

pangkalahatang ikakaginhawa ng sangkatauhan higit sa lahat sa mga mag-aaral na

Pinoy.
 Isang pang hatid ng bagong teknolohiya ay ang mga masamang epekto sa
kabataan ng makabagong teknolohiya. Kung saan sa halip ay maging pag-asa
ng bayan ay sila namang nagiging biktima ng maling paggamit ng makabagong
teknolohiya. Ang pinakapunto dito ay ang mga laro at kung anu-ano pang
website kung saan ay kinakaadikan ng mga kabataan. Nangingibabaw sa mga
ito ay ang mga kompyuter games na kinababaliwan ng mga manlalarong
kabataan na nauuwi pa minsan sa pustahan. Ito ang nagdudulot ng pagkawala
ng sentro ng atensyon nila sa pag-aaral kung kaya’t dapat din nating tutukan ng
husto ukol sa ganitong problema ang mga paga-sa ng ating bayan para na rin
sa kanilang magandang kinabukasan. Bigyan dapat sila ng sapat na kaalaman
sa wastong paggamit nito lalo na sa mga mgaulang na iniiwanan sa kanilang
mga anak ang mga gamit na may kinalaman ukol dito. Iilan lang itong
masamang dulot kaya dapat mas ating lawakan ang kaalaman sa tamang
paggamit para mapigilan ang masama nitong dulot sa kabataan.
https://examplecomph.wordpress.com/2016/10/31/teknolohiya-sa-makabagong-panahon/
PAGSUSURI SA NABASANG BLOG
BLOG PAGKAKAGAW NILALAMAN MENSAHENG BISA NG
A NG PAMAGAT (25%) NAIS PAGKAKAGAMI
(25%) IPARATING/ T NG WIKANG
PARAAN NG FILIPINO SA
PAGHATID NG BLOG
MENSAHE (25%)
(25%)

#1

#2

#3