ng isang kuwento sa pictorial essay. Ang Pictorial Essay ay isang koleksyon ng mga imahe na inilagay sa isang partikular na pagkakasunod-sunod upang ipahayag ang mga pangyayari , damdamin at mga konsepto sa pinakapayak na paraan. Ang mga litrato mula sa kamera ang siyang bumubuo ng naratibo o kuwento sa pictorial essay. Madalas makita ang mga pictorial essay sa mga eksibit at diyaryo. Nakatutulong sa pagbuo ng pictorial essay ang mga kapsyon ng bawat larawan . Pinapagana ang imahinasyon ng “mambabasa” ng teksto at larawan upang maunawaan ang mensahe , layunin at naratibo ng kamukha ng mga litrato. Paraan sa Pagbuo ng Pictorial Essay: 1.Siguraduhing pamilyar sa paksa. 2.Kilalanin kung sino ang mambabasa 3.Malinaw ang layunin. 4.May kaisahan ang mga larawan. Mga dapat tandaan sa paggawa ng Pictorial Essay : ✔ Maghanap ng isang paksa na ayon sa interes. ✔ Magsagawa ng pananaliksik bago isagawa ang pictorial essay. ✔Hanapin ang “tunay na kuwento” Matapos ang pananaliksik, maari mo nang matukoy ang anggulo ng gusto mong dalhin ang iyong kuwento kahit na ang bawat ideya ng kuwento ay pareho . Ang mga pangunahing dahilan ng bawat larawan ay nararapat na lumikha ng isang kapani-paniwala at natatanging kuwento. ✔Ang kuwento ay binuo upang gisingin ang damdamin ng mambabasa. Pinakamahusay na paraan upang ikonekta ang iyong larawan sa madla ay ang mga damdaming nakapaloob sa kuwento at gamitin ito sa mga larawan. ✔Pagpasyahan ang mga kukunang larawan. Magsimula sa paglikha ng isang listahan ng mga kuha para sa kuwento . Ang bawat “shot” ay tulad ng isang pangungusap sa isang kuwento sa isang talata. ✔Maari kang magsimula sa 10 “shot” ang bawat “shot” ay dapat bigyang-diin ang iba’t ibang konsepto o emosyong maaring pinagtagpo kasama ng iba pang mga larawan. Halimbawa: Tumatanda nga bang pabalik ang mga Pilipino?