Parang isang anyo rin ng charater sketch ang bionote o
pagpapakilala sa sarili. Isa itong anyo ng sulatin na pumapaksa sa sarili o sa ibang tao, maikli lamang, at karaniwang may tonong pormal. May iba’t ibang sitwasyong nangangailagan ng bionote. Ilan dito ang mga sumusunod: Para ipakilala ang may-akda ng isang aklat o artikulo sa isang journal. Para ipakilalaang isang natatanging indibidwal sa isang aklat na pang-general reference tulad ng encyclopedia. Para ipakilala ang isang tagapagsalita sa isang kumperensiya o seminar. Para ipakilala ang isang panauhing pandangal sa isang pormal na pagtitipon. At para ipakilala ang isang natatanging indibidwal na bibigyan ng parangal. Ilan lamang ito sa mga posibleng konteksto o dahilan para sumulat ng isang bionote. Sa bawat konteksto, iba-iba ang magiging nilalaman at estilo nito. Halimbawa: Si Eilene Antoinette G. Narvaez ay isang mananaliksik at tagasalin. Nagtapos siya ng MA Pilipinas (Pagpaplanong Pangwika) sa Departamento ng Filipino at Panitikan ng Pilipinas ng UP Diliman. Isa rin syang mananaliksik sa UP Sentro ng Wikang Filipino. Aktibo rin siyang kasapi ng Filipinas Institute of Translation, isang samahang nagtataguyod ng pagsasalin at iba pang gawain para palaganapin ang wikang pambansa. Kamakailan lamang ay inilunsad ang kaniyang aklat na nakabatay sa kaniyang tesis--- ang Sawikaan:Isang Dekada ng Pagpili ng Salita ng Taon (2015) na inilathatang Komisyon sa Wikang Filipino. Ikawalang halimbawa, sa pagpapakilala naman ng isang indibidwal para sa isang pang-general reference na aklat, mahalaga ang komprehensibong listahan ng mga impomasyon na magpapakilala sa indibidwal upang maging kapaki- pakinabang ang bionote sa iba’t ibang sitwasyong paggagamitan nito. Halimbawa, maraming mababasang halimbawa ng bionote sa CCP Encyclopedia of Philippine Arts. Ang sangguniang ito na inilathala noong 1994 ay naglalaman ng mayamang impormasyon tungkol sa iba’t ibang anyo ng sining. May 10 sayaw, dulaan, arkitektura, sining biswal, at pelikula. May dalawang bolyum din tungkol sa iba’t ibang grupong pangkultura sa Pilipinas. Isa sa mga seksiyon sa bawat bolyum ng encyclopedia ay naglalaman ng mga bionote tungkol sa mga artista at iskolar ng sining. Ang bawat bionote ay naglalaman ng mga sumusunod: 1. Personal na impormasyon a. Petsa ng kapanganakan b. Lugar ng kapanganakan c. Kategoryang kinabibilangan (kung artista, direktor., manunulat, pintor, mananayaw, at iba pa) d. Magulang e. Iba pang kaanak na nasa larang ng sining 2. Mga Natapos sa pag-aaral 3. Mga Natapos na training-workshop 4. Mga likhang sining 5. Mga natamong pagkilala at gawad Ikalawang halimbawa, sa bionote na nagpapakilala sa tagapagsalita sa isang kumperensiya o seminar, kailangang maikli rin lang ito at naglalaman ng mga impormasyong magpapahiwatig na eksperto ang tagapagsalita sa paksang kaniyang tatalakayin. Ang bionote ay binabasa bago magbigay ng presentasyon ang tagapagsalita. May pagkakataon na ang pagpapakilala ay napakahaba. Ang biruan nga, mas mahaba pa ang pagpapakilala kaysa sa mismong presentasyon ng tagapagsalita. Iyon ay dahil sa ang lahat ng nabasa ng tagapagpakilala sa biodata ng tagapagsalita ay isinasama sa pagpapakilala. Hindi dapat mangyari ang gayon. Kailangan maging selektibo at banggitin lamang ang mga angkop na impormasyon tungkol sa tagapagsalita.