2 ND QUARTER WEEK 7 DAY 2

Layunin
GRADE 3

PAGBASA
Palabigkasan at Pagkilala sa Salita
5. Nababasa ang mga salitang iisa ang baybay ngunit magkakaiba ang
bigkas F3PP-IIe-g-2.4

PAGBASA
Pag-unawa sa Binasa
6. Naisasalaysay na muli ang binasang teksto nang may tamang pagkakasunod-
sunod sa tulong ng pamatnubay na tanong
F3PB-IIg-12.2
Layunin
GRADE 4
Pag-unawa sa Binasa
5. Nasasagot ang mga tanong sa binasang tekstong pang-impormasyon
F4PB-IIc-g-3.1.2
Estratehiya sa Pag-aaral
6. Naipakikita ang nakalap na impormasyon sa pamamagitan ng nakalarawang
balangkas F4EP-IIe-g-8

Pagsulat
7. Nakasusulat ng sariling talambuhay F4PU-IIe-g-2.1

Panonood
8. Nasusuri ang damdamin ng mga tauhan sa napanood F4PD-II-g-22
PAKSANG-ARALIN
GRADE 3

• Pagbasa ng mga salitang iisa ang

baybay ngunit magkakaiba ang bigkas

• Pagsalaysay na muli ng binasang teksto

nang may tamang pagkakasunod-sunod
sa tulong ng pamatnubay na tanong
PAKSANG-ARALIN
GRADE 4

• Pagsagot sa mga tanong sa binasang

tekstong pang-impormasyon
• Pagpakita ng nakalap na impormasyon sa
pamamagitan ng nakalarawang balangkas
• Pagsulat ng sariling talambuhay
• Pagsuri ng damdamin ng mga tauhan sa
napanood
BALIK-ARAL

GRADE 4

• Basahin muli ang

talambuhay Engr. Salvador
 Ang Inhinyerong May Pananalig sa Diyos
Taong isang libo siyam na raan limampu’t lima. Ika-26 ng Abril araw ng Miyerkules. Madaling
araw, isang malusog na batang lalaki ang isinilang sa isang munting bahay sa tabi ng puno ng kaimito sa
maliit at mapayapang pamayanan sa Ilagan, Isabela. Tuwang-tuwang pinangalanan ito ng kanyang
gurong Tita Myrna ng “Arfel-Jhon”. Ang Arfel ay ang pinagsamang unang pantig ng pangalan ng kanyang
magulang na sina G. Arnulfo D. Salvador at Gng. Felicitas D. Salvador. Siya ay bunso sa tatlong
magkakapatid. Sila ay singkit na magkakapatid. Minsan pa ay may nakapagsabi na parang mata daw ng
mga Hapon ang kanilang mga mapupungay na mga mata.

Puno ng pagmamahal ang tahanan na kanilang tinitirhan. Simple lang ang kanilang
pamumuhay. Bihira silang nag-uulam ng karne at isda sa kadahilanang kapos sila sa pambili. Minsan
itlog o kaya naman ay tuyo ang ulam nila sa umaga na inihahalo sa sinangag na kanin. Masipag kasi
magsangag si Gng. Fely. Pananghalian nila minsan ay gabi na sinahugan ng tinapa. Sa gabi ay gulay ulit
mula sa kanilang munting hardin.
 Noong nasa hustong gulang na siya upang mag-aral para sa Unang Baitang siya ay sinusuyo ng
kanyang butihing ina upang pumasok sa paaralan. Ngunit kahit anong panunuyo ay hindi umobra. Isang
buwan ang lumipas sa panunuyo. Sa wakas pumasok na rin siya! Gayunpaman, noong natapos na siya sa
Ikalawang Baitang pumasok na naman sa kanyang isipan na hindi na mag-aaral. “Ayaw ko na pong mag-aral sa
Ikatlo at Ikaapat na Baitang, Inang.” Ngunit hindi tumigil ang kanyang ina at mga kapatid sa panunuyo upang
ituloy ang kanyang pag-aaral.

Siya ay nagtapos ng elementarya na may natanggap na pinakamataas na karangalan. Buong-buo ang

suporta ng kanyang mga magulang at mga kapatid sa kanyang pag-aaral kaya naman nagtiyaga siya pag-aaral.
Siya ay matulunging bata. Tinutulungan niya ang kanyang ina sa magdilig ng mga halaman tuwing hapon at
kapag walang pasok. Minsan nauutusan din ng kanyang ina na tupiin ang mga tuyong damit nila mula sa
sampayan.
Tuwing bakasyon, nagtitinda siya ng camote que sa umaga at naglalaro naman
kapag tapos na ang naitang sa kanya na gawaing-bahay. Ipinagpatuloy niya ang
kanyang pag-aaral sa Dappat Integrated School para sa sekondarya. Kinakausap
niya ng mabuti ang mga mag-aaral doon na hindi pumapasok sa paaralan na
mag-aral ng mabuti. “Mag-aral tayo ng mabuti upang makapagtapos sa pag-
aaral”, wika niya. Mas pinagbuti pa niya ang kanyang pag-aaral upang matupad
ang kanyang mga pangarap sa buhay. Sa awa ng Diyos, siya ay nakatanggap muli
ng pinakamataas na karangalan sa nasabing paaralan.
 Mapagmahal ang kanyang pamilya. Dahil sa suporta ng nila, hindi doon
nagtapos ang sipag niya sa pag-aaral. Siya ay kumuha ng inhinyero. Ang kursong
kanyang pinili ay aabutin ng limang taon. Sa sipag, tiyaga at pananalig sa Diyos natapos
niya ang kanyang kurso sa nasabing bilang ng taon mula 2011-2016. Nagrebyu siya sa
Manila ng anim na buwan. Nag-eksamen siya ng dalawang araw mula ika-12 hanggang
ika-13 ng Nobyembre 2016. “Kami ay magiging lihitimong inhinyero!”, wika nila na may
pananalig. Sa kabutihang palad, naipasa niya ang Board Examination for Civil
Engineering noong Nobembre 16, 2016 sa ganap na ikasampu ng gabi.
Masayang-masaya sila nang malaman nilang lihitimo nang inhinyero ang
kanilang bunsong anak. Hindi naging hadlang sa kanya ang kahirapan upang
maabot ang kanyang mga pangarap. “Tayo ay magpapasalamat sa Panginoon
dahil dininig na naman niya ang ating dasal para kay Arfel,” wika ng kanilang
ama. Sila ay nagpasalamat sa Poong Maykapal dahil sa biyayang ipinagkaloob sa
kanila sa pamamagitan ng nagpakain sila ng mga tao sa kanilang lugar.
Nariyan ang mga nagsasarapang pagkain gaya ng paksiw na pata, igado, bola-
bolang baboy, kaldereta, lechon karahay, fried chicken, papaitan, at pritong isda.
May mga minatamis din gaya ng agar-agar, macaroni salad at bibingkang
malagkit. Marami ang dumalo. May mga kamag anak na nagmula sa iba’t ibang
lugar, iba’t ibang sekta at mga kaibigan. Makikita dito ang sari-saring suot ng
mga bisita. May mga nakapantalon, nakabestido at nakasuot ng saya. Masayang
natapos ang pagtitipon. Gayunpaman, kahit kitang-kita na pata na ang katawan
dahil sa pagod masisilayan pa rin ang saya sa mukha ng bawat isa.
Naalala ni Engr. Salvador ang kanyang pinsan na maagang nag-asawa nang mga sandaling
iyon. “Kung ipinagpatuloy lang sana ni Bobot ang kanyang pag-aaral isa na rin sana siyang
propesyonal,” wika niya sa sarili.

Sa kanilang barangay ay naging lider siya ng mga kabataan o ang tinatawag na SK ng

tatlong taon. May mga proyekto siyang naipatayo sa kanyang panunungkulan bilang lider ng
mga kabataan. Siya ay mabait at maasahang mamamayan ng kanilang lugar. Wala siyang
bisyo. Isa siya sa mga ginagamit na miyembro ng kanilang kapilya tuwing Sunday Service nila.
Bilang pagsunod sa utos ng ating Diyos tungkol sa unang bunga, nagbigay siya ng Aluminum
rostrum bilang unang bunga o unang sahod niya sa kanyang trabaho. Ibinibigay rin niya ang
bahagi ng Diyos tuwing sahuran dahil ito ay winika ng Diyos na makikita sa Bibliya. Ngayon ay
nagtatrabaho siya sa isang malaking kompanya sa Pilipinas. At kasalukuyan nilang proyekto
ang daan papuntang Palanan, Isabela.
Itanong ang mga sumusunod batay sa napanood:

1. Ano kaya ang nararamdaman

ng mga tao sa lugar kung saan
nangyari ang lindol?
2. Ano kaya ang
nararamdaman ng mga taong
hindi nakaramdam ng lindol?
Sa mga nakaramdam?
3. Sa inyong pagsusuri, ano ang
damdaming nadarama ng
tagabalita o reporter habang ito ay
nagbabalita tungkol sa naganap na
lindol?
Magnitude 4.4 na Lindol sa Pagudpud, Ilocos Norte, Halos Di Daw Naramdaman
Posted by Bombo Radyo Laoag April 17, 2017/11:32 AM

LAOAG CITY-Walang naitalang nasaktan o nasirang ari-arian at halos

hindi naramdaman ang magnitude 4.4 na lindol na yumanig sa ilang lugar dito
sa Ilocos Norte kaninang umaga.
Ayon kay Jefferson Robles ng Philvocs sa bayan ng Pasuquin, ang sentro
ng lindol ay sa layong 45 kilometro sa hilagang-kanluran ng bayan Pagudpud at
lalim na 33 kilometro. Naramdaman din ang lindol sa lungsod ng Laoag at bayan
ng Pasuquin sa lakas na intensity, at intensity 2 sa Claveria, Cagayan.
Ang lindol ay tectonic in origin at wala ring naitalang mga aftershock
pagkatapos nito.
Ang bayan ng Pagudpud ang pinakadulong bayan sa hilagang bahagi ng
Ilocos Norte o matatagpuan sa boundary ng Ilocos Norte at lalawigan ng
Cagayan.
PANGKATANG
GAWAIN UNANG PANGKAT
GRADE 3

Panuto

1. Basahin ng tahimik at mabuti ang mga pangungusap na may salungguhit

sa kopya ng talambuhay ni Engr. Salvador
2. Isulat ang mga salitang iisa ang baybay ngunit magkakaiba ang bigkas.
3. Pagkatapos isulat ang mga ito, awitin ang “Manang Biday” bilang tanda
na ang iyong grupo ay tapos na.
4. Ang rapporteur ang siyang magbabasa ng inyong isinulat.
PANGKATANG
GAWAIN IKALAWANG PANGKAT
GRADE 3
Panuto

1. Basahinng tahimik at mabuti ang mga pangungusap na may salungguhit sa

kopya ng talambuhay ni Engr. Salvador
2. Itala sang mga nakitang salita na iisa ang babybay ngunit magkakaiba ang
bigkas sa pamamagitan ng pagghuhit..
3. Pagkatapos iguhit ang mga ito, awitin ang “Leron-Leron Sinta”bilang tanda na
ang iyong grupo ay tapos na.
4. Ang rapporteur ang siyang magbabasa ng inyong isinulat.
PANGKATANG
GAWAIN IKATLONG PANGKAT
GRADE 3
Panuto
1. Basahin ng tahimik at mabuti ang mga pangungusap na may salungguhit sa
kopya ng talambuhay ni Engr. Salvador
2. Ibahagi ang mga nakitang salita na iisa ang babybay ngunit magkakaiba ang
bigkas sa pamamagitan ng rap.
3. Pagkatapos iguhit ang mga ito, awitin ang “Bahay Kubo”bilang
tanda na ang iyong grupo ay tapos na.
4. Ang rapporteur ang siyang magbabasa ng inyong isinulat.
PAGTATALAKAY

GRADE 4
a. Itanong ang mga sumusunod pagkatapos basahin ang balita.
1. Tungkol saan ang binasang teksto?
2. Saan hinango ang balita?
3. Ano ang pamagat?
4. Ano-ano ang mga dapat gawin kapag may lindol?
5. Pagkatapos ng lindol ano ang dapat gawin?
6. Mula sa binasang balita, aan nangyari ang lindol?
7. Kailan nangyari ang lindol?
8. Paano pinaghahandaan ng mga tao sa Pilipinas ang lindol?
9. Maliban sa mga babala na nakikita at naririnig, ano ang
pinakamahalang gawin kapag may lindol?
ISAHANG GAWAIN

GRADE 4

sumulat ng sariling talambuhay. Sa talambuhay

na inyong gagawin ay kayo ang tinutukoy at
kayo pa mismo ang literato o writer.
PAGTATALAKAY
GRADE 3

1.Ano ang pamagat ng talambuhay?

2. Sino ang isinilang sa isang munting bahay sa tabi ng puno ng kaimito sa maliit
at mapayapang pamayanan sa Ilagan, Isabela?
3. Sino ang mga magulang ng inilangna bata?
4. Paano siya pinalaki ng kanyang ina?
5. Ano ang mga bagay na pinagdaanan niya sa kanyang pag-aaral?
6. Paano sila nagpasalamat sa Diyos sa biyayang ipinagkaloob sa kanila?
7. Nasaan na ngayon ang pangunahing tauhan sa talambuhay?
PANGKATANG GAWAIN

GRADE 4

Bawat grupo ay mabibigyan ng

kopya ng balita at isulat o ipakita ang
nakalap na impormasyon sa
pamamagitan ng nakalarawang
balangkas.
PANGKATANG GAWAIN

GRADE 4 Panuto: Punan ang bawat patlang ng angkop na sagot.

Pamagat: ____________________________
I. Mga mahahalagang detalye
a. (Ano) ___________________________
b. (Sino)___________________________
c. (Kailan)__________________________
d. (Bakit)__________________________
e. (Paano)__________________________
Pagsusuri sa ginawa
ng bawat grupo.