ANG PAKIKINIG

Ang pakikinig at pag-unawa ay

magkaugnay at masasabing tila kambal na
mahirap paghiwalayin.
Sa buhay nang tao sa kasalukuyan ay tunay na napakahalaga ng
pakikinig.
Napakalaki nang naitulong ng pakikinig sa pang araw-araw na
pamumuhay.
Saan mang dako ng mundo ay naging gawi na ng mga
mamamayan ang makinig sa galaw at takbo ng pamumuhay.
Nakakakuha ng mga mahalagang kaalaman at impormasyon na
magagamit sa pagwasto o pagsasaayos ng buhay, ng gawi at kilos
ng tao.
Nauunawaan, napag- aaralan at naisasaalng-alang ang damdamin
ng isang tao tao gamit ang masining na pakikinig.
Halimbawa

• Ang isang mag-aaral na matamang nakinig sa kaniyang

guro ay nakatitiyak na may maisusulat na tamang sagot sa
mga pagsusulit, pasalita man o pasulat.
• Ang isang mag-aaral na may angkin mang talino ay
karaniwang walang naisasagot kung ang kaniyang isip o
atensyon ay wala sa gurong nagsasalita at nagpapaliwanag.
Mga tanggapan, pampribado man o pampubliko
madalas ibinibigay ang impormasyon sa paraang
pasalita o oral, at ito ay nangangailangan ng
matamang pakikinig at pag-unawa.
Sa mga panayam ang isang kalahok ay
nangangailangang mag-ukol ng kanyang buong
pansin o atensyon upang magkaroon ng lubos na
kaalaman sa mga bagay o kaalamang nais na ibahagi
ng tagapagsalita.
• Ang sistema ay nagiging maayos lamng kung malinaw na
nauunawaan ng mga nasasakupan at maluwag ang daloy na ito
ay naipatutupad mula sa namumuno hanggang sa
nasasakupan.
• Tulad na lamang sa pamilya o mag-anak, malaki man o maliit
ang bilang ay nangangailangan din ng pakikinig at pag-unawa.
Ang magulang at bawat miyembro ng pamilya na nakikinig at
umuunawa sa kalagayan ng bawat isa ay nakahahanap ng
solusyon sa mga suliranin at nakasusumpong ng katiwasayan
at kasiyahan.
• Sa mga nagtutungo naman sa mga bahay-dalanginan, simbahan at
templo ay kinakailangan din ang maayos na pakikinig upang ang
manuting balita na hatid ng alagad ng pananampalataya ay maunawaan
at maisapuso, gayundin ay maibahagi sa mga nangangailangan nito.
• Hindi maitatanggi na malaki ang pagkakaugnay sa isa’t isa ng pakikinig
at pag-unawa. Madala kaysa hindi ang isang nakikinig kung hindi ganap
na nakaunawa sa kanyang pinakinggan ay lumilikha ng pagkalito
sapagkat walang maibigay na sapat na detalye. Sumakatwid malinaw na
ang pakikinig at pag-unawa ay hindi maaaring paghiwalayin.
• Ang daloy o proseso ng komunikasyon ay hindi magiging
ganap kung walang pag-unawa. Ang pag-unawa ay kakabit na
ng mga kasanayang pagsasalita, pagsusulat, pakikinig at
pahbabasa. Ang apat na kasanayangito ay mawalan ng
kabuluhan kung walang pag-unawa.
• Sa mga nabanggit na kasanayan ay higit na nangangailangan ng
ganap na tuon-pansin o konsentrasyon ang pakikinig at
pagbabasa. Dahil sa pagkakaroon ng iba’t ibang paktor na
nakakaimpluwensya sa pag-unawa ay nagkakaroon din ng iba’t
ibang kakayahang umunawa.
 Uri ng Pakikinig

1. Makinig upang magbigay simpatiya (Emphatic Listening) - Ibig

sabihin, binibigyang-atensyon ang mga sentimyento o damdamin ng
nagsasalita at sa kabuuan ay dinarama o isinasaloob ang kaniyang mga
salita upang higit siyang maunawaan.
2. Makikinig upang magsuri (Critical Thinking) -Ang buong pansin ng
tagapakinig ay nakatuon sa sinasabi ng nagsasalita at batay sa kaniyang mga
pahayag ay nabubuo ng mga opinion. Bilang tagapakinig ay matitimbang at
masusuri ang mga sinabi bago magbigay ng tugon.
3. Tugunan /Tumbasang Pakikinig (Reciprocal
Listening) –Dito ang mga tagapakinig ay maaaring
pasalihin sa interaksyong isasagawa. Kung nakikinig sa
isang monologo, ang pakikinig ay hindi tugunan o
tumbasan sapagkat wala kang pagkakataong sumagot o
tumugon upang matiyak na ikaw ay nakauunawa sa sinabi.
 Ang Proseso ng Pakikinig

• Ang kahandaan sa pakikinig ay napakahalaga. Ang mga mensahe

ibinibigay ng mga tagapagsalita ay natatanggap lamang nang maayos kung
matalas ang kanilang pandinig.
• Ang malinaw at matalas na mga mata ay nakatutulong din sa pag-unawa
ng nakikinig.
• Ang buka at galaw ng bibig ng nagsasalita ay nababasa ng nakikinig. Ang
isang nagsasalita nang nakatalikod sa kausap ay mahirap maunawaan at di
halos napapakinggan ang sinasabi.
• Ang pakikinig ay nangangailangan ng buong atensyon para
lubos na ikauunawa sa sinasabi ng nagsasalita. Ang sandaling
pagkalingat o pagkawala ng konsentrasyon sa pakikinig ay nagiging
sapat na dahilan upang di ganap na maunawaan o masundan ang
sinasabi ng nagsasalita. Ang pagsasalimbayan ng iba’t ibang alalahanin
ay nagiging sagwil din sa pakikinig at pag-unawa
• Ang lugar o pook na pinagdarausan ng panayam ay dapat ding
pag-ukulan ng pansin. Nararapat na maginhawa ang lugar at libre sa
anumang ingay na lilikha ng abala at nanakaw sa atensyon ng mga
tagapakinig. Ang pagiging komportable sa pakikinig ay napakalaking
bagay sa ikauunawa ng pinakikinggan.
• Tunog ng mga salita ang pinakikinggan, kung kayat nararapat
lamang ang talas ng tainga at ang sapat na kaalaman sa
pagpapakahulugan sa mga salita. Ang mga ito ay makatutulong sa
mabisa at maayos na pakikinig Gayundin, ito ay nagiging daan
upang mabigyang-kahulugan ng nakikinig ang mga sinasabi ng
tagapagsalita. Ang isang mahusay na tagapakinig ay nakahihinuha
kung ang tagapagsalita ay nagbibigay ng tama o maling
impormasyon. Sa mga lektura o panayam ay dapat isipin na hindi
naman lahat ng mga binibitawangsalita ay nararapat na isaulo o
isapuso. Mayroon din mga dapat pakinggan lamang at pagkatapos
ay isa-isantabi na lamang.
• Madalas ang mga huling bahagi na lamang ang
maiging pinakikinggan ng mga tagapakinig. Sa
bahaging ito nalalaman nila na magbibigay diin o naroon
ang pagdiriin ng tagapagsalita sa anumang mensahe na nais
niyang maipaabot. Ang pagkuha ng maliit na tala ay
makatutulong sa pag-alaala ng tagapakinig sa mga binanggit
ng tagapagsalita.
• Mahalaga sa mga mag-aaral ang matutunan ang
tamang kuha ng tala sa mga panayam upang maging
makabuluhan at di masayang ang kanilang oras sa pakikinig.
 PATNUBAY SA PAKIKINIG

1. Maging handa sa pakikinig. Ang kahandaan sa pakikinig ay

totoong mahalga. Nararapat isaalang-alang ang ilang preparasyon.
2. Magkaroon ng kawilihan sa pakikinig. Isaisip na ang inyong
pakikinggnanay magiging makabuluhan sa inyong buhay.
3. Alamin ang impormasyon o pangunahing kaisipan . Ang mga
tagapakinig namay kasanayan ay madaling nakauunaawa kung ang
tagapagsalita ay nagbibigay diin sa mahalagang kaisipang nais niyang
ibahagi.
4. Iwasang punahin ang tagapagsalita. Ang maagang
pagpuna sa tagapagsalita ay nakawawala ng gana o interes.
5. Iwasan ang pagpuna sa sainasabing tagapagsalita. Ang
maagang pamumuna sa sinasabi ng nagsasalita ay makagugulo
sa isip ng tagapakinig.
6. Huwag bigyang-pansin ang mga bagay na nakaaabala
sa pakikinig. Hindi naiiwasan ang mga bagay na tumatawag
ng pansin ng mga tagapakinig.
 MGA PAKTOR NA
NAKAIIMPLUWENSYA
SA PAKIKINIG
1. Tsanel : Ang pinagdaraanan ng mga mensahe. Visual channel -
mga daloy na nagdadala ng mga simbolong di-berbal tulad ng
ekspresyon ng mukha, kumpas at galaw . Auditory channel –mga
daloy ng tunog tulad ng berbal na salita.
2. Pook o Lugar: Ang silid o pook na pinagdarausan ng mga pulong
at iba pa.
3. Oras: Ang pagsaalang-alang sa mga oras ng pakikinig ay
napakahalaga.
4. Gulang: Nararapat ding pagtuunan ng pansin ang
gulang o edad ng mga tagapakinig.
5. Edukasyon: Ang antas o lebel ng edukasyon ay may
malaki ring papel na ginapampanan sa pakikinig.
6. Kalagayang Panlipunan: Ang kalagayang sosyal ay
nakaapekto rin sa pakikinig.