diwa na ang kahulugan ay nasa ilalim ng mga salita Aliterasyon Pag-uulit ito ng mga tunog-katinig sa inisyal na bahagi ng salita.
Hal: Mababakas sa mukha ng isang mabuting mamamayan ang marubdob niyang pagtanggi sa mahal niyang bayan. Asonans Pag-uulit naman ito ng mga tunog- patinig sa alinmang bahagi ng salita.
Hal: Nasisiyahan ka palang
manghiram ng ligayang may hatid na kamandag at lason. Konsonans Katulad ng aliterasyon, pag- uulit ito ng mga katinig, ngunit sa bahaging pinal.
Hal:Ang halimuyak ng mga
bulaklak ay mabuting gamot sa isang pusong wasak. Onomatopiya o paghihimig Sa pamamagitan ng tunog o himig ng salita ay nagagawang maihatid ang kahulugan nito.
Hal: Langitngit ng kawayan, lagaslas ng
tubig, dagundong ng kulog Anapora Pag-uulit ito sa unang bahagi ng pahayag o ng isang aludtod.
Hal: Kabataan amg sinasabing pag-asa ng
ating bayan. Kabataan ang sanhi ng pagsisikap ng bawat magulang. Ngunit kabataan din ba ang sisira sa kanyang sariling kinabukasan? At kabataan din ba ang wawasak sa pangarap ng kanyang kapwa? Epipora Pag-uulit na nasa huling bahagi ng pahayag o taludtod.
Hal: Ang konstitusyon o saligang batas ay
para sa mamamayan, gawa ng mamamayan at mula sa mamamayan. Anadiplosis Kakaiba ito sapagkat ang pag-uulit ay nasa una at huli. Magandang halimbawa nito ang sina tula ni Jose dela Cruz.
Hal: Matay ko man yatang pigili’t pigilan
pigilin ang sintang sa puso’y tumiim; tumiim na sinta’y kung aking pawiin pawiin ko’y tantong kamatayan ko rin. Pagtutulad o simile Paghahambing ng dalawang bagay, tao, pangyayari o kaisipan na magkaiba nguni nagkakatulad sa katangian. Gumagamit ng parang, tulad ng, wangis, kayaga ng atb.
Hal: Ang sistemang pampulitika ay
tulad sa isang sasakyan naghahatid sa atin ng iba’t ibang destinasyon Pagwawangis o methapor Tiyakan ang paghahambing o pagtutulad na inaalis ang mga salitang tulad, wari, para, tila.
Hal: Ang karunungang taglay
ninyo ngayon, mga bagong nagsitapos, ay magiging hagdan ninyo sa tagumpay Personipikasyon, Pagbibigay- katauhan, Pagsasatao Ito’y pagbibigay-katauhan o pagsalin ng katangian sa mga bagay-bagay sa paligid natin
Hal: Tulog pa ang mga bituin nang lisanin
niya ang kanyang dampa. Pagmamalabis o Eksaherasyon Lubhang pagpapalabis o nagpapakita ng kalagayan ng tao, bagay o pangyayari
Hal: Sa labis na Aanda ng
nanalong Bb. Diwa at Panitik, halos nalaglag ang kanyang salawal. Pagpapalit-tawag, metonomi o metonomiya Pagpapalit ng mga katawagan ng mga bagay na magkakaugnay, hindi sa kahambingan kundi sa kaugnayan.
Hal: Ang anghel sa kanilang tahanan ay
isang malusog na sanggol. Pagpapalit-saklaw o sinekdoki Pagbanggit ng isang bahagi ng isang bagay para sa kabuan ng isang tao sa isang pangkat.
Hal: Anim na tainga ang
matamang nakikinig sa ibinalita ni Isabel. Paglumanay o eupemismo Salitang magpapabawas sa tindi ng kahulugan ng orihinal na salita.
Hal: Magkakaroon din lamang siya ng babae
(kabit) ay bakit sa isang pang mababa ang lipad (prostityut). Tanong retorikal, Pagtatanong (Rhetorical Question) Ginagamit ito upang tanggapin o di tanggapin ang isang bagay. Ang pagpapahayag na ito’y hindi maghihintay ng sagot.
Hal: May ina kayang makatitiis na hindi
damayan ang nahihirapang anak? Pagsusukdol o Klaymaks
Paghahanay ng mga pangyayaring may
papataas na tinig, sitwasyon o antas.
Hal: Mabilis na humupa ang hangin, napawi
ang malakas na ulan, muling sumilay ang liwanag ng araw na nagbabadya ng panibagong pag-asa! Antiklaymaks Kabaliktaran ng pagsusukdol o klaymaks
Hal: Noon, ang bulwagang iyon ay puno ng
mga nagkakagulong tagahanga, hanggang sa unti-unting nababawasan ang mga nanonood, padalang nang padalang ang mga pumapalakpak at ngayo’y maging mga bulong ay waring sigaw sa kanyang pandinig Pagtatambis o Oksimoron (Antithesis) Ang pagpapahayag na ito’y bumabangit ng mga bagay na makakasalungat upang mapabisa ang pangingibabaw ng isang natatanging kaisipan.
Hal: Siya’y isang babaing napakahirap
pakibagayan. Ayaw ng masalita at walang kibo. Nayayamot sa maraming mga tao ngunit ayaw naman ng nag-iisa. Nagagalit sa mangmang, ayaw rin naming makihalubilo sa maralita. Kay hirap unawain ang kanyang ugali. Pang-uyam o ironiya Pagkutya sa isang tao o bagay sa pamamagitan ng paggamit ng mga salitang papupuri ngunit kung uunawaing mabuti ay nangungutya o nag-uuyam.
Hal: Kay bait bait mong kaibigan.
Pagkatapos kitang tulungan sa iyong mga kagipitan ay inagaw mo pa sa akin ang akng kasintahan. Pagtawag o apostropi Ito’y pagpapahayag ng kaisipan o damdamin na parang tunay na kaharap ang kinakausap na may buhay o maaaring mawala.
Hal: Ulan, ulan, bumagsak ka na
at diligin mo ang tuyong bukirin. Pagtanggi o litotes Gumagamit ng mga panangging “hindi” upang magpahiwatig ng lalong makahulugang pagsang-ayon.
Hal: Ako’y hindi nagpaparatang na magnanakaw si
Leah ngunit siya lamang ang pumasok sa kwarto kanina nang mawala ang aking pitaka. Pagdaramdam (Exclamation) Isinasaad ng pagpapahayag na ito ang di pangkaraniwang damdamin.
Hal: Huwag mong akalaing
ipinagpapawalang bahala ko ang iyong gipit na kalagayan nais kitang tulungan ngunit ako’y walang salaping makahahango sa iyong kagipitan Paralelismo Sa pamamgitan ng halos iisang istratura, inilalatag dio ang mga ideya sa isang pahayag.
Hal: Iyan ang disiplinang militari:
sama-samang lulusob sa mga kaaway, sama-sama ring kaming mamamatay o magtatagumpay Alusyon Ito ay paggamit ng mga salita sa pagtukoy sa isang tao, pook o pangyayari. Karaniwang ginagamit ng mga taong may pinag-aralan at taong dalubhasa. 1. Alusyon sa Heograpiya a. Ang Britania Islands ay ang Boracay ng CARAGA Region. b. Ang DELTA ay ang Dahilayan ng Butuan. 2. Alusyon sa Literatura a. Nahihiya man akong aminin pero mithiin kong maging isang Juliet ng aking kaklase na si Romeo. b. Si Bonie ang Shakespeare ng aming unibersidad dahil sa angking talino sa larangan ng literatura. 3. Alusyon sa Bibliya a. Si Pipoy, na palaging maagang pumapasok sa paaralan, ay naatasang maging isang San. Pedro ng aming guro. Siya ang taga-hawak ng susi ng aming silid. b. Lahat ng mga ilaw ng tahanan ay mga Maria sa kanilang mga pinakamamahal na anak. 4. Alusyon sa Mitolohiya a. Kahit ano pang puri ang ibigay mo sa iyong sarili, hinding-hindi ka magiging Eros sa aking paningin. b. Sa husay ni Kiray sa pakikipaglaban, siya ang Athena ng kanilang purok.