Professional Documents
Culture Documents
FILIPINO
FILIPINO
MGA
IDEYANG
MAITATALA SA
DYORNAL
Sa aklat na The Writer’s Journal nagtala si
Shiela Bender (1997) na dalawampu’t isang
ideya maitatala sa dyornal. Ganito halos ang
mga mungkahing ideya ni Bender na tiyak na
kapaki-pakinabang sa nagsisimula pa lamang
magsulat sa dyornal.
1. Kapag ika’y naglakbay (kahit habang nakasakay sa jeep papasok sa
eskwela o pauwi ng bahay), itala ang kapaligirang iyong makikita.
Ilarawan ang mga silid, gusali, daan, tanawin, tao o gawaing iyong
namasid. Maari ring isulat ang mga kombersasyong iyong maririnig
habang naglalakbay di kaya’y ilarawan ang iyong sarili, halimbawa,
kung ano ang reaksyon mo sa bagong lugar na iyong nararating.
2. Isulat ang iyong mga karanasan sa pagsulat ng dyornal mismo.
Nahihirapan kabang mag-isip ng ideya? Isulat mo, kung gayon, kung
ano ang iyong nararamdaman at kung bakit sa palagay mo iyon
naramdaman. Kung naging madali ang pagsulat sa dyornal, maaari
ring ipaliwanag mo kung paano at bakit nangyari iyon.
3. Kumuha ng mga salita sa aklat, dyaryo, magasin, liham, bilbord o
kung saan-saan. Maaaring itala lamang ang mga salita o kung
magagawa’y magsulat ng tungkol sa isa o ilang saling iyong naitala.
4. Maaaring magtala sa dyornal ng mga pahayag, paglalarawan o mga
tanong na pumapasok sa isipan.