- ay ang pagiging miyembro o kasapi ng isang bansa ayon sa
itinatakda ng batas nito. Ang paninirahan sa isang bansa ay hindi basehan ng pagkamamamayan nito. Halimbawa, ang mga dayuhang naninirahan sa Pilipinas ay hindi basta-basta maituturing na mamamayang Pilipino dahil lamang sila ay narito. Ang pagkamamamayan ay mayroong pinagbabasehan o pinagbabatayan. ANG DALAWANG URI NG PAGKAMAMAMAYAN SA PILIPINAS AY ANG MGA SUMUSUNOD:
• 1. Likas o Katutubong Mamamayan
• 2. Naturalisadong Mamamayan LIKAS O KATUTUBONG MAMAMAYAN
-ang likas na mamamayan ay yaong ipinanganak ng isang Pilipino. Maaaring isa o
pareho sa kanyang mga magulang ay Pilipino. NATURALISADONG MAMAMAYAN • Ito naman ay tumutukoy sa mga dating dayuhan na naging mamamayang Pilipino dahil sa proseso ng naturalisasyon. Ang naturalisasyon ay isang legal na paraan kung saan ang isang dayuhan ay dumadaan sa proseso ng hukuman upang maging mamamayang Pilipino. Kung sakaling ang dayuhang ito ay magawaran ng batas ng pagkamamamayang Pilipino, kaakibat nito ang tungkuling sumunod sa mga alituntunin ng ating bansa, pati na rin ang paggalang sa ating kultura. Lahat din ng karapatang iginagawad sa isang Pilipino ay maaari niyang matamasa, maliban lamang sa pagkakahalal sa matataas na posisyon sa ating pamahalaan. • SEKSYON 1. Ang sumusunod ay mga mamamayan ng Pilipinas: • (1) Yaong mga mamamayan ng Pilipinas sa panahon ng pagkakapatibay ng Konstitusyong ito; • (2) Yaong ang mga ama o mga ina ay mga mamamayan ng Pilipinas; • (3) Yaong mga isinilang bago sumapit ang Enero 17, 1973 na ang mga ina ay Filipino, na pumili ng pagkamamamayang Pilipino pagsapit sa karampatang gulang; at • (4) Yaong mga naging mamamayan ayon sa batas. • SEK. 2. Ang katutubong inianak na mga mamamayan ay yaong mga mamamayan ng Pilipinas mula pa sa pagsilang na wala nang kinakailangang gampanang ano mang hakbangin upang matamo o malubos ang kanilang pagkamamamayang Pilipino. Yaong mga nagpasya na maging mamamayang Pilipino ayon sa Seksyon 1, Talataan 3 nito ay dapat ituring na katutubong inianak na mga mamamayan. • SEK. 3. Ang pagkamamamayang Pilipino ay maaaring mawala o muling matamo sa paraang itinatadhana ng batas. • SEK. 4. Mananatiling angkin ang kanilang pagkamamamayan ng mga mamamayan ng Pilipinas na mag- asawa ng mga dayuhan, matangi kung sa kanilang kagagawan o pagkukulang, sila ay ituturing, sa ilalim ng batas, na nagtakwil nito. • SEK. 5. Ang dalawahang katapatan ng mga mamamayan ay salungat sa kapakanang pambansa at dapat lapatan ng kaukulang batas. AYON SA SALIGANG BATAS NG PILIPINAS, MAY 7 DAHILAN NG PAGKAKAWALA NG PAGKAMAMAYANG PILIPINO. ITO AY ANG MGA SUMUSUNOD: • Pagsasabi at pagtatakwil ng pagiging Pilipino. • Pagsabi ng Panunumpa ng Katapatan ng ibang bansa. • Pagbibigay ng serbisyo sa o paglingkod sa Sandatahang Lakas ng ibang bansa. • Pagproklama ng gobyerno na ang isang sundalo ng Sandatahang lakas ay tumiwalag o tumakas sa panahon ng digmaan. • Paghiling o pag-apply ng pagiging mamamayan ng ibang bansa (pagiging naturalisado sa ibang bansa). • Pagkansela ng mga katibayan ng pagiging naturalisadong Pilipino (para sa mga naturalisadong Pilipino). • Pagpapakasal ng isang babaeng Pilipino sa dayuhan at pagkuha ng nasyonalidad nito.