bulubunduking lugar sa isang malayong bayan sa lalawigan ng Bohol ay may naninirahang isang lalaking balo na ubod ng yaman. Siya ay nakatira sa isang malapalasyong bahay na nakatayo sa isang mataas na lugar. Sa paanan ng kanyang kinatitirikang bahay ay makikita ang maliliit na kabahayan kung saan nakatira ang mga naghihikahos na tao. Gustong-gusto niyang pinagmamasdan ang mga ito araw-araw dahil lalong lumulutang ang kanyang pagiging mayaman. Ang ugaling ito ng ama ang nakapagpapalungkot sa kanyang kaisa- isang anak na si Silena. Ibang-iba sa kanyang ama si Silena. Bagama’t mayaman ay may mabuting puso maging sa mahirap. Kaya hindi kataka-takang nang umibig ay tumibok ang kanyang puso sa binatang si Lando na isang masipag, makisig, matalino, at mabuting binatang tanging ang kapintasan ay ang pagiging mahirap. Ikinagalit ito nang husto ng kanyang amang naging dahilan ng pagtakwil sa sariling anak. Lumipas ang maraming buwan ay walang naging balita ang ama sa anak. Hanggang isang araw ay may isang napakalakas na bagyong di inaaasahang dumating sa kanilang lugar. Tumagal ito nang ilang araw kaya’t tumaas ang tubig sa ilog at nagkaroon ng malaking baha. Ang mga tao sa ibaba ng bundok, kasama si Selina, ay pumunta sa bahay ng kanyang ama upang humingi ng tulong at matutuluyan. Subalit hindi sila pinapasok ng ama na naging dahilan ng pagkamatay ng lahat ng tao sa paanan ng bundok, kasama si Selina. Huli na nang malaman ng matanda ang kanyang pagkakamali. Siya na lamang ang nakatirang tao na buhay sa lugar na iyon. Tinangka niyang magpakamatay sa pamamagitan ng pagtatarak ng kutsilyo sa kanyang dibdib ngunit laking gulat niya nang hindi ito tumalab sa kanya.