WASTONG GAMIT

NG
MGA SALITA
Ang “Paggamit ng Tama at Angkop na Gamit ng mga Salita” ay
naglalayong:

a. Mapabuti at maiangat ang kakayahang komunikatibo ng mga

mag-aaral nang may tama at angkop na gamit ng mga salita;
b. Mapalawak ang kaalaman at maisagawa ang mga kasanayang
pambalarila sa pakikipagtalastasan;
c. Magamit ang kasanayan sa pag-unawa, pagpapakahulugan,
pagsusuri, at pagbibigay-halaga sa tama at angkop na gamit
ng mga salita sa iba’t ibang paraan;
d. Makasulat nang maayos at mahusay na komposisyon nang
may tama at angkop na gamit ng mga salita;
e. Makapagpahayag ng mga kaisipan at pananaw sa pamaraang
malinaw, wasto at mabisa.
 Pahirin – Pahiran

Pahirin – pagtatanggal, pag-alis, o pagpawi ng

Pahirin
isang bagay.
– Pahiran
Halimbawa:
Pahirin mo ang iyong pawis sa ilong.

Pahiran – paglalagay ng isang bagay.

Halimbawa:
Masarap na almusal ang pandesal na
pinahiran ng mantekilya.
 Punasin – Punasan

Punasin – ginagamit kapag binabanggit ang bagay

na tinatanggal.
Halimbawa:
Maaari mo bang punasin ang alikabok sa mesa?

Punasan – ginagamit kapag ang binabanggit ay ang

bagay na pinagtatanggalan ng kung ano man.
Halimbawa:
Punasan mo ang iyong mukha.
Iwan – Iwanan
Iwan – huwag isama/dalhin;
– paglayo o paglisan
Halimbawa:
Iwan mo na lang ang bag mo sa kotse ko.
Iniwan ko ang pag-aaral dahil walang pantustos ang
magulang ko.

Iwanan – bibigyan ng kung ano ang isang tao;

– paglagay ng bagay o tao sa isang lugar o tao
Halimbawa:
Iwanan mo ako ng perang pambili ng hapunan.
Naiwanan ko ang payong doon sa simbahan, nakita mo ba?
 Pinto – Pintuan

Pinto (door) – bahagi ng daanan na isinasara o

ibinubukas
Halimbawa:
Isinara ni April ang pinto upang makaiwas sa
masasamang-loob.
Pintuan (doorway) – kinalalagyan o kinakabitan ng
pinto; bahaging daanan
Halimbawa:
Nakaharang sa pintuan ang hinubad niyang
sapatos.
Hagdan at Hagdanan

 Hagdan (stairs) – mga baitang na inaakyatan at

binababaan sa bahay o gusali
Halimbawa:
Mabilis nilang inakyat ang hagdan dahil huli na sila
sa klase.

 Hagdanan (stairway) – bahagi ng bahay na kinalalagyan

ng hagdan
Halimbawa:
Ang hagdanan ng kanilang bahay ay matibay kaya hindi
gumuho ang hagdan niyon matapos ang lindol.
Operahan – Operahin

 Operahan – tumutukoy sa tao at hindi ang bahagi

ng katawan.
Halimbawa:
Kailangang maoperahan siya agad dahil malala na
ang bukol sa kanyang dibdib

 Operahin – tumutukoy sa tiyak na bahagi ng

katawan na kailangang tistisin.
Halimbawa:
Bukas na ooperahin ang mga mata ng matanda.
Sundin - Sundan

 Sundin – sumunod sa payo o pangaral

Halimbawa:
Sundin mo ang lagi kong inihahabilin sa iyo upang
hindi ka mapahamak.

 Sundan – tularan ang ginagawa ng iba

– pumunta sa pinuntahan ng iba
Halimbawa:
Sinundan ni Trisha ang pagiging guro ng kanyang ina.
Sundan mo agad ang kaibigan mo at baka tuluyan na
iyong magtampo.
 Walisin – Walisan

 Walisin – tumutukoy sa bagay na tatanggalin

Halimbawa:
Kailangan na nating walisin ang mga tuyong
dahon.

 Walisan – tumutukoy sa lugar na lilinisin

Halimbawa:
Huwag din nating kalimutang walisan ang
likod-bahay.
 Kung – Kong

 Kung (if) – pangatnig na panubali at ginagamit

sa hugnayang pangungusap
Halimbawa:
Magpaalam ka muna sa iyong lola kung aalis ka.

 Kong (my) – nanggaling sa panghalip na panaong

ko na inangkupan ng ng
Halimbawa:
Mapagkakatiwalaan ang matalik kong kaibigan.
 Sila – Sina

 Sila – panghalip na panao

Halimbawa:
Sila ay mahusay mamuno ng palatuntunan sa
paaralan.

 Sina – panandang pangkayarian sa pangngalan

(anyong maramihan ng “si”)
Halimbawa:
Sina Susan at Rowen ay masisipag na anak.
 May at Mayroon

Ginagamit ang may:

a. kapag sinusundan ng pangngalan.
Halimbawa: Ang ngiti ay may ligayang dulot sa pinagbigyan
nito.
b. Kapag sinusundan ng pandiwa.
Halimbawa: May pupuntahan ka ba mamaya?
c. Kapag sinusundan ng pang-uri.
Halimbawa: May mahabang buhok si Lucy.
d. Kapag sinusundan ng panghalip na panao sa kaukulang
paari.
Halimbawa: Bawat tao ay may kanya-kanyang problema sa
buhay.
Sanggunian:

https://www.academia.edu/37760651/MODYUL_SA_TAMA_AT_ANGKOP_NA_GAMIT_N
G_MGA_SALITA-SANDY_MAGANA