BAHAGI NG PAHAYAGAN

1. Pangunahing Balita- ito ang mga

pinakamalalaki at
pinakamahahalagang balita na
mababasa sa unahang pahina ng
pahayagan;nakasulat ang ulo nito
sa malalaking titik.
2. Balitang Lokal at Pandaigdig-
ang mga balita ay maaaring lokal o
pandaigdig. Kapag ang mga
pangyayari sa balita ay naganap sa
loob ng bansa, nauuri ang balita
bilang balitang lokal; kung ang mga
pangyayari sa balita ay naganap sa
labas ng bansa, nauuri ang balita
bilang balitang pandaigdig.
3. Pahinang Editoryal- dito
mababasa ang editoryal o
pangulong tudling na naglalaman
ng opinion ng editor ng pahayagan
tungkol sa napapanahon at
mahahalagang isyu at balitang
naipalathala. Matatagpuan din sa
bahaging ito ang mga pitak o
kolum na naglalaman ng mga
kuru-kuro tungkol sa iba’t ibang
isyu.
4. Pahinang Panlibangan- ang mga
balita o lathalain tungkol sa mga
artistang lokal o banyaga at
palabas sa telebisyon at pelikula ay
matatagpuan sa pahinang ito,
gayundin ang iba’t ibang gawaing
mapaglilibangan, tulad ng
palaisipang krosword, horoscope,
at komiks.
5. Anunsiyong klasipikado-
mababasa rito ang mga
anunsiyo o palathala tungkol sa
mga mapapasukang trabaho,
gayundin sa mga ipinagbibiling
produkto, lote, bahay, sasakyan,
at iba pa.
6. Pahinang pang-isports- ang
mga balita tungkol sa iba’t ibang
laro o isports ay mababasa sa
pahinang ito.
7. Pahinang panlipunan- dito
nakalahad ang iba-ibang
impormasyon o balita tungkol sa
mga pangunahing pagdiriwang
at mahahalagang pagtitipon o
salu-salo ng mga kilalang tao sa
lipunan.
8. Pahinang pangkalakalan-
matatagpuan dito ang mga ulat
hinggil sa negosyo, stock
market, at ekonomiya sa loob at
labas ng bansa.