Komunikimi efektiv në të shprehur kërkon që ju të
jeni në gjendje të shprehni idetë dhe pikëpamjet tuaja qartë, me vetbesim, dhe në mënyrë konçize. Kështu, përpara një audience ju duhet të praktikoni komunikimin e lirë që ndihmon në prezantimin e fjalimit të rrjedhshëm. Prezantimet pamore (vizuale) dhe me gojë Prezantimi me gojë dallohet nga komunikimi me shkrim ngase kërkon prezencën tuaj fizike para publikut. Edhe në botën akademike, edhe në atë të biznesit do t’u duhet herë pas here të mbani prezantime ku ekspozohet puna juaj para publikut, i cili përqendrohet tek ju dhe kjo e bën prezantimin një punë stresuese. Zhvillimi i prezantimit të suksesshëm është aftësi që mësohet me kohë dhe me ushtrime. Sa më shpesh ta përsërisni, do t’u bëhet gjithnjë e më e lehtë. … të përgatitesh mirë …
Pavarësisht se jeni fillestar, apo keni përvojë në
mbajtjen e prezantimeve, ju do të shpreheni mirë në qoftë se përgatiteni mirë. Kjo do të thotë shfrytëzim i teknikave të shkrimit dhe zhvillim i strategjisë së komunikimit, që ju ndihmon të krijoni vetëbesim. Për të mbajtur me sukses një prezantim, duhet të keni kujdes edhe në një sërë aftësish si dhe të dini si të shfrytëzohen më së miri mjetet vizuale- ndihmëse. Përgatitja për prezantim …
Përpara se të prezantojmë një material, së pari duhet
planifikuar mënyra e prezantimit të tij. Nëse gjuha që përdorni nuk është e duhura me siguri që marrësi, publiku, audienca nuk do t’ju kuptojë. Kjo lidhet me stilin tuaj të komunikimit, c’ka është dicka vetjake dhe ka disa rregulla që mund t’i zbatoni për të përdorur një gjuhë sa më të përshtatshme. … përgatitja për prezantim … Kjo fazë është e lidhur së pari me përpilimin e punimit me shkrim, nëse do ta prezantojmë me shkrim. Hapa që mund t’i ndiqni në përgatitjen e prezantimit: a. parashkrimi b. shkrimi c. përshtatja për formatin e prezantimit me gojë d. pershtatja e materialit me kohën në dispozicion e. pasqyra e analizës së publikut Hapat për përgatitjen e prezantimit a. Parashkrimi- përmban qëllimin tuaj dhe objektivat, si dhe nënkupton përgatitjen e fazës së përmbajtjes konkrete. b. Shkrimi- Shkruani përmbajtjen e prezantimit tuaj. Ky shkrim nganjëherë mund të ndryshojë duke theksuar disa pjesë dhe duke shpjeguar ato. Kujdes gjithashtu në gramatikë dhe në stil. c. Përshtatja e materialit për prezantimin me gojë. Të keni kujdes kur kaloni nga njëra temë në tjetrën duke patur parasysh që të ketë një rrjedhë mendimi. d. Renditni tezat kyçe sipas rëndësisë dhe mbani rezervë tezat më pak të rëndësishme nqs mungon materiali (për të koordinuar kohën që kemi në dispozicion). Kjo kërkon përgatitje të mirë që të fitoni vetëbesim për ta bërë këtë. e. Analiza e publikut - duhet të dini sa e njeh publiku temën që do të prezantoni. Psh: nëse i prezantoni publikut një raport financiar, përdorni terma profesionale dhe ata sigurisht do ta kuptojnë, por nëse në publik krahas ekspertëve financiarë gjenden edhe punëtorë të profileve të ndryshme, terminologjia duhet shpjeguar paraprakisht. Faktorët e ndikimit Pas këtyre pikave të rëndësishme duhet të përqëndrohemi në faktorët e ndikimit që prezantimi të lerë mbresa te audienca. Faktorët e ndikimit janë: 1. Struktura dhe përmbajtja 2. Ligjërimi 3. Pamja dhe qëndrimi 4. Shfrytëzimi i mjeteve vizuale dhe ndihmëse 5. Përgjigjet në pyetje 1. Struktura dhe përmbajtja: Ashtu si shkrimi edhe prezantimi përmban: fillimin, zhvillimin dhe përfundimin. Struktura e prezantimit, rrjedh nga një shkrim i sukseshshëm, i punuar dhe i organizuar mirë . Është mirë të filloni me diçka që të tërheqë vëmendjen e publikut. Pjesa kryesore e prezantimit tuaj duhet të paraqitet në mënyrë logjike. Paraqitni qartë tezat, të cilat mund t’i orientoni me këto fraza: “përshkrimi im tregon se…”, apo “për këtë arsye është e qartë se…”. 2. Ligjërimi: Mënyra se si ligjëroni ka një ndikim të madh në mbresën përfundimtare. Matni se sa shpejt flisni. Disa njerëz flasin rreth 130 fjalë në minutë. Shumë programe kompjuterike kanë mundësinë e numërimit të fjalëve, kështu ata do të llogarisin se sa fjalë ka në materialin tuaj të shkruar. Pjesëtohet numri i fjalëve të shkruara me shpejtësinë e të folurit tuaj dhe do të gjeni se sa kohë do të zgjasë prezantimi juaj. Psh: Nëse flisni 130 fjalë në minutë dhe prezantimi juaj ka 3250 fjalë, do të keni material të mjaftueshëm për 25 minuta prezantim, pa përfshirë këtu pyetjet shtesë. … ligjërimi në prezantim … Ushtrohuni duke lexuar me zë dhe duke matur kohën. Filmoni veten Ushtrohuni para mikut, kolegut apo anëtarit të familjes, që t”ju japin feedbackun. Nuk preferohet leximi fjalë për fjalë nga shënimet - monotonia. Përdorni mjete vizuale (pamore), të cilat do t’i ndihmojnë publikut që t’i kuptojë tezat tuaja. Shikoni publikun. Mos shikoni në dysheme, tavan apo mur. Flisni qartë dhe ndryshojeni shpejtësinë dhe ritmin e të folurit tuaj në mënyrë që ta ruani interesimin e publikut. Ndryshojeni lartësinë e zërit tuaj. Zëri i ulët zakonisht tingëllon në mënyrë më autoritare. … vazhdim … Folësit pa përvojë flasin tepër shpejt. Janë nervozë dhe shpejtojnë pa bërë pauza dhe publikut mund t’i ikë një pjesë e mirë e fjalimit. Bëni pauza dhe vini kontakt me publikun, por kjo të ndodhë në moment të përshtatshëm. Theksoni tezat kyçe. Nëse keni publik më shumë se 15 apo 20 njerëz, do të jetë më mirë të qëndroni. Ndihmoni veten me gjeste përkatëse. Edhe nëse jeni nervoz, provoni të dukeni të natyrshëm dhe të qetë. Gati të gjithë janë nervoz në prezantime. 3.Dukja dhe qëndrimi:
Hulumtimet tregojnë se mbresat që lë prezantimi me
siguri më shumë bazohen në dukje dhe qëndrim se sa në vetë përmbajtje. Qëndrimi i bukur krijon një ndjenjë të sigurisë, vetbesimit. Rrini drejt, sepse kjo të jep përshtypjen e zgjuarsisë. 4. Mjetet vizuale ndihmëse:
Ndihmojnë në përcjelljen e ideve dhe informacioneve
dhe duhet të arrijnë në disa efekte: -Të na fusin në temë – -Të ndihmojnë publikun për të vizualizuar koncepte abstrakte (tabela, diagrame) -Të tërheqin vëmendjen (figura të ndryshme, fotografi, harta, plane) 5. Përgjigjet në pyetjet:
Në fund të prezantimit publiku juaj ka mundësi të
bashkëpunojë. Ju e caktoni në fillim se kur do tu përgjigjeni pyetjeve - ky është prezentimi juaj. Nëse ka pyetje në mes të prezantimit, thoni se në fund të fjalimit do t’i ktheheni pyetjes- dhe mos harroni ta bëni atë. Lejoni vetëm një apo dy pyetje për person. Kur bën dikush pyetje, mos u përgjigjni derisa të jeni të sigurtë se e keni kuptuar atë. Nëse nuk e keni kuptuar, luteni personin që ta shpjegojë atë. Nëse nuk mund ti përgjigjeni një pyetjeje, është më mirë që këtë ta pranoni, se sa të “përzieni diçka”, veçanërisht kur flisni para publikut që e njeh temën. Metodat e prezantimit Qartësia dhe konciziteti
Jini të qartë dhe konciz. Përdorni një ton me ritëm të
qartë, dhe përmirësoni komunikimin edhe për të inkurajuar pyetje.
Kini kujdes që kapërcimet gjatë ndërrimit të temave dhe
kalimin në argumente të reja, të jenë të qarta. Publiku duhet të jetë i vetëdijshëm se keni përfunduar shpjegimin e temës A dhe se tani jeni duke folur për temën B: “me këtë pikërisht vërtetova se… për këtë arsye mund të kalojmë në…” Te negociosh Negociator - Për të arritur në një marrëveshje që është e pranueshme për të dyja palët: Përdorni rolin fitoj-fitoj. Kthehuni tek pikat tuaja me logjikë, dhe tregoni takt tek ata që ju kundërshtojnë. Audienca- publiku Mbajtja e një fjalimi përpara një audience. Paraqiteni mesazhin tuaj në mënyrë interesante, strukturoni prezantimin tuaj duke përdorur mjetet audio vizuale në mënyrë efektive dhe ndërtoni një raport me audiencën tuaj. Të rëndësishme janë edhe teknika të tjera, psh. përgjigjet e pyetjeve në mënyrë profesionale dhe shkalla e mjaftueshme e fleksibilitetit (pyetjen e publikut ta përshtatni me prezantimin tuaj). Dëgjimi
*Bëni përdorimin efektiv të gjuhës së trupit dhe të
fjalës. Jini të ndjeshëm ndaj gjuhës së trupit të përdorur nga bashkëbiseduesi si dhe ndaj asaj çka thonë: sytë, gjestet, humori i përshtatshëm dhe analogjia. Bëni përdorim të gjuhës së duhur të trupit: tregohuni i sjellshëm ndaj bashkëbiseduesit, i vëmendshëm dhe mbani kontaktin me sy. Feedback-u Në prezantimet me gojë rëndësi të veçantë dhe më të madhe se vetë përmbajtja, kanë shenjat joverbale. Shumica e feedbackut, vjen nga sinjalet joverbale. Të jeni të vetëdijshëm për feedbackun që fitoni nga publiku gjatë prezantimit. Studioni sjelljen joverbale të publikut tuaj. A ju duket i interesuar dhe a ju përcjell me vëmendje? A mos ka humbur interesimin gjatë prezantimit tuaj? Pauzat Bëni një pauzë dhe shtroni disa pyetje që të zbuloni se a e kupton publiku thelbin e temës suaj. Publiku ndoshta nuk ju dëgjon qartas ose ju flisni tepër shpejt. Secili komunikim, e në veçanti prezantimi me gojë, bazohet në informatat kthyese, të cilat ndihmojnë në realizim të suksesshëm. Feedbacku na ndihmon që ta kuptojmë se a jemi duke e kryer punën mirë apo keq. Feedbacku është proces pozitiv. Empatia Empatik do të thotë:
Të jesh i hapur për idetë e të tjerëve dhe i ndjeshëm
ndaj vlerave dhe ndjenjave të tyre: duke u përpjekur për ti parë gjërat nga perspektiva e personit tjetër. Kjo tregon se ju e kuptoni, se ju mund të dëgjoni dhe të pasqyroni kuptimin e tyre.
Një studim i Liza Aziz- Sadeh nga Unversiteti i
Kalifornisë, ka zbuluar se njerëzit me cilësi muzikore kanë tendencën të jenë më empatikë se të tjerët. Kur ta përfundoni prezantimin, duhet të bëni një përmbledhje të shkurtër të tezave kryesore. Është e rëndësishme që prezantimin ta përfundoni pastër. Përfundoni me fjali përmbyllëse lidhur me qëllimet që keni theksuar në fillim. Psh: “Këtë paradite kam folur mbi…, gjë që vërteton se…”. Nëse e filloni fjalimin tuaj me hyrje që tërheq vëmendjen, mund t’i ktheheni asaj edhe te përfundimi.