Nakurapay a makita ngem ayat ti linaonda. Manipud ti bantay, baybay, karayan ken talon, ti nagbannoganmi ita umaymi idaton. Dagitoy ti bunga ti anus, regta ken rigat A pagyamanmi kenka ken mangiyebkas ken ayat. Awatem kad, O Apo, dagitoy sagut ti tao, Nakurapay a makita ngem ayat ti linaonda. Kadagitoy nga ima nga ita silulukat, mangiyawat kadagiti daton a napnuan ayat. Isuda koma met laeng ti pakaiyawatan Ti kappia, ragsak ken ayat a nadiosan. Awatem kad, O Apo, dagitoy sagut ti tao, Nakurapay a makita ngem ayat ti linaonda. Kadagitoy nga ima a nakaiyawatan Ti kappia, ragsak ken ayat a nadiosan. Isudanto koma met laeng ti mangisaknap kadagiti amin a tao ti wagas ni ayat. Awatem kad, O Apo, dagitoy sagut ti tao, Nakurapay a makita ngem ayat ti linaonda.