Mga Layunin

• Nababalikan ang dating kaalaman hinggil sa sining ng

pangangatwiran
• Nakapagsasaliksik at nakapagsusuri ng isang
posisyong papel
• Nakapagbibigay ng sariling paninindigan at nasasabi
ang kahalagahan nito
• Nakasusulat ng isang posisyong papel hinggil sa isang
napapanahong isyu
 Posisyong Papel
Pagsusuri ng Isyu at Pagbuo ng Tindig sa
Posisyong Papel
KAHULUGAN
• Isang sanaysay na naglalahad ng opinyon hinggil sa isang
usapin, karaniwan ng awtor o ng isang tiyak na entidad tulad ng
isang partidong politikal.
• Inilalathala sa akdemya, sa politika, sa batas at iba pang
domeyn.
• May iba’t ibang anyo, mula sa pinakapayak na anyo ng liham sa
patnugot/editor hanggang sa pinakakomplikadong anyo ng
akademikong posisyong papel.
• Ginagamit ng malalaking organisasyon upang isapubliko ang
mga opisyal na paniniwala at mga rekomendasyon ng pangkat
 Mga Batayang Katangian ng
Posisyong Papel
1. Depinadong Isyu
• Hinggil sa mga kontrobersyal na isyu, mga bagay na
pinagtatalunan ng tao

2. Klarong Posisyon
• Kailangang mailahad ng malinaw ang posisyon ng awtor
• Hindi maaari ang posisyong malabo o ang indesisyon
• Madalas, dinedeklara na agad ng awtor ang kanyang
posisyon sa tesis na pahayag sa simula pa lamang ng
sanaysay
3. Mapangumbinsing Argumento
• Matalinong Katwiran
• Kailangang malinaw ang pangunahing puntong
sumusuporta sa posisyon

• Solidong Ebidensya
• Maaaring gamitin ang anekdota(mga testimonya
ng mga awtoridad na maalam sa isyu)
• Ang estatistika ay dapat na may malinaw na
pinaghanguan ng impormasyon
 • Kontra-Argumento
• Dapat isaalang-alang ang mga salungat na pananaw
• Upang pabulaanan, dapat ipakita ng awtor kung paano
naging mali ang argumento

4. Angkop na Tono
• Maaaring palakaibigan, seryoso o matapang ang tono
• Dapat isaalang-alang ang bigat ng isyu, target na
mambabasa, layunin ng manunulat
 Mga Hakbang sa Pagsulat ng Posisyong Papel
1. Pumili ng paksa
• Iinog ang papel sa personal na paniniwala na
sinusuportahan ng pananaliksik
2. Magsagawa ng panimulang pananaliksik
• Kailangan upang malaman kung may mga
ebidensyang sumusuporta sa iyong posisyon
3. Hamunin ang iyong sariling paksa
• Kailangang alamin din ang mga sumasalungat na
posisyon
• Dapat makontra ang salungat na argumento sa
pamamagitan ng mga kontra argumento
4. Ipagpatuloy ang pangongolekta ng mga sumusuportang
ebidensya
• Opinyon ng mga eksperto at mga personal na karanasan
• Pagsangguni sa mga kaugnay na aklat at babasahin
• Mga site na may mabuting reputasyon at pakikipanayam sa mga
awtoridad
5. Gumawa ng balangkas
• a. pagpapakilala ng paksa
• b. paglilista ng mga posibleng pagtutol sa posisyon
• c. pagkilala at pagsuporta sa ilang salungat na argumento
• d. pagpapaliwanag kung bakit ang iyong posisyon ang pinaka-mainam
• e. lagumin ang argumento at ilahad muli ang iyong posisyon
6. Isulat ang iyong posisyong papel
• Kailangang maipamalas ang tiwala sa sarili
• Kailangang maipahayag ang opinyon ng may awtoridad
• Tandaang ang layunin mo ay maipakitang ang iyong posisyon ay tama
 Mga Halimbawa ng Posisyong Papel

Posisyong Papel ng Kagawaran ng Filipinolohiya ng

PUP hinggil sa Pagtatanggal ng Filipino sa mga Kolehiyo
at Unibersidad
Pahina 64

Pagtatanggol sa Wikang Filipino, Tungkulin ng

Bawat Lasalyano
Pahina 69
Mga Sanggunian:
• Voltaire et. al. “Pagsulat sa Filipino sa Piling Larangan”:
(Akademik at Sining). Quezon City: Vibal group, Inc,(2016).
• Nestor Lontoc et. al. “Pinagyamang Pluma: Filipino sa Piling
Larang”: (Akademik). Quezon City: Phoebix Publishing House.
(2017).
 Pangkatang Gawain
• Sumulat ng posisyong papel tungkol sa napapanahong isyu ngayon. (Triad)
(May kalayaang pumili ang bawat pangkat ng napapanahong isyu ngunit ito
ay kailangan munang ipaalam sa guro)
• Posisyon: Sang-ayon at sumusuporta/ Hindi Sang-ayon at hindi
sumusuporta. (Introduksyon, Diskusyon, Konklusyon)
• Sa pamamagitan ng mga 500-800 salita, isulat ang posisyon patungkol sa
isyu. (File upload, FS: 12 Arial)
• Unang hakbang: Magsaliksik nang mabuti patungkol sa pederalismo bago
magsulat ng posisyong papel. Isaalang-alang ang mga hakbang sa
pagsulat nito.
• a. pagpapakilala ng paksa
• b. paglilista ng mga posibleng pagtutol sa posisyon
• c. pagkilala at pagsuporta sa ilang salungat na argumento
• d. pagpapaliwanag kung bakit ang iyong posisyon ang pinaka-mainam
• e. lagumin ang argumento at ilahad muli ang iyong posisyon
• Pagkasunduang mabuti ang posisyong pipiliin o papanindigan.