WASTONG GAMIT

NG MGA BANTAS
 TULDOK (.)
Ginagamit ito ayon sa sumusunod:
a. Hulihan ng mga pangungusap na
pasalaysay at pautos.
Halimbawa:
Masipag na anak si Hans kaya mahal na mahal
siya ng kanyang mga magulang.
b.Pagdadaglat
Halimbawa:
Brgy. – Barangay
Bb. - Binibini
c. Pagtatapos ng “Oo” at “Hindi” kung
pansagot sa tanong
Halimbawa:
Kumain ka na ba? - Oo.
Papasok ka ba ngayon? – Hindi.
d. Pagtatapos ng bilang at titik kung isusulat
nang sunod-sunod
Halimbawa:
a. c.
b. d.
 TANDANG PANANONG (?)
- Ginagamit ito sa pangungusap na nagtatanong
o nag-uusisa.
Halimbawa:
Galit ka ba sa akin?
Paano mo ito ginawa?
 TANDANG PADAMDAM(!)
- Ginagamit ito sa pangungusap na naglalahad ng
matinding damdamin
Halimbawa:
Saklolo!

Aray! Ang sakit ng paa ko.

 KUWIT (,)
a. Paghihiwalay ng mga salita, parirala, o
sugnay na sunod-sunod na binanggit sa
pangungusap.
Halimbawa:
Si Lindsay ay magaling umawit, sumayaw, at
gumuhit.
Tungkulin ng isang ina ang alagaan, mahalin, at
ibigay ang pangangailangan ng pamilya.
b. Paghihiwalay ng pangalang binanggit sa
iba pang bahagi ng pangungusap.
Halimbawa:
Henry, ibigay mo na ang gusto ng kapatid mo.
Len, ano ba ang gusting ulam ng ate mo?
c. Pagtatapos ng bating panimula at
pangwakas ng liham- pangkaibigan.
Halimbawa:
Mahal kong ama,
Nagmamahal,
d. Pagitan ng nayon, bayan, lalawigan, o
lungsod.
Halimbawa:
Elenita Heights, Catalunan Grande, Davao City
Tabiog, Bucay, Abra
e. Pagitan ng araw at petsa.
Disyembre 11, 2017
 TUTULDOK (:)
a. Pagtatapos ng bating panimula sa liham na pormal o
pangangalakal.
Halimbawa:
Ginoong Reyes:
Mahal kong Punungguro:
b. paglilista.
Halimbawa:
Ang sumusunod ay kailangan sa paglalakbay:
- Pagkain - tubig
- Damit - kagamitan sa pagluluto
c. Pagkatapos ng isang pahayag na susundan
pa ng ibang pahayag na may kahabaan.
Halimbawa:
Ang mga taong magagaling: sila ang higit na
pinagkakatiwalaan, ang nangunguna sa listahan
para sa promosyon, at higit sa lahat ay
hinahangaan.
 TULDOK- TULDOK (…)
- Ginagamit kung may salita o mga salitang iniwawaglit sa
pangungusap.
Halimbawa:
Ano pa ang halaga ng buhay… kailangang maglingkod nang
mabuti!

Aanhin mo… na hindi mo iniukol sa isang makabuluhang

layunin?
 KUDLIT (‘)
- Ginagamit ito kapag sa pagsasama ng mga salita
o kataga ay may nawawaglit na titik o mga titik.
Halimbawa:
Produkto’y ugaliing tankilikin.
Ang mga Pilipina ay magaganda’t maririlag.
 PANIPI (“ ”)
- Ginagamit ito sa katapusan ng isang sipi at sa
tuwirang pahayag sa loob ng pangungusap.
Halimbawa:
“Paano nga ba ang magmhal na hindi himihingi ng
ano mang kapalit?”

“Narito lamang ako sa tuwing kailangan mo ako.”

 GITLING (-)
- Ginagamit ito sa:
a. Paghahati ng pantig sa salita sa isang talata.
Halimbawa:
Nagagalit si Leny sa kanyang kaibigan dahil lagi
siyang tinu-
tukso nito. Inis na inis siya sa tuwing pagsasabihan
siyang ang kanyang
mukha ay sing-asim ng sampalok .
b. Pagitan ng salitang inuulit o tambalang
salita.
Halimbawa:
Araw-araw
c. Pagitan ng ika- at tambilang.
Halimbawa:
Ika-18 ng Disyembre
Panuto: Punan ng angkop na bantas ang mga patlang upang mabuo ang mga pangungusap sa
liham ni Lola Patricia sa kanyang apo.
25 Kalye Maligaya
Barangay San Lorenzo
Lungsod ng Cavite
Ika__18 ng Pebrero 2014
Mahal kong Maria__
Maligayang ika__sampung kaarawan__
Kumusta ka na__ apo__ Ipinagdarasal ko na nakapiling mo ang iyong pamilya at
mga kaibigan sa iyong espesyal na pagdiriwang noong ika__5 ng Pebrero__
Anu__anong mga pagkain ang inihanda ninyo__ Nasiyahan ka ba sa mga regalaong
natanggap mo__
Gustong__gusto ko talagang dumalo sa iyong pagdiriwang ngunit may ubo__t sipon
ako noong araw na iyon__ Hindi ako pumunta dahil ayaw kong mahawa ka o ang iyong
mga panauhin__
 Alam mo na ba ang magandang balita__ Mas mabuti na ang aking pakiramdam__ Maaari na
kaming magbiyahe at bumisita sa inyo__ Sabik na sabik ka na naming makita ng Lolo Pedro
mo__
Marami kaming pasalubong para sa inyo mula sa aming bukirin__kamote__patatas__
papaya__langka__manga__at mais__ Hindi ba__t mahilig kang kumain ng nilagang mais__
Paboritong prutas mo pa ba ang mangga__
Naaalala mo pa ba ang iyong pinsan na si Cory__ Isasama naming siya sa pagpunta naming
sa inyo__ Tuwang __tuwa siya nang malaman niya na magkikita kayo muli__ nang inanyayahan
ko siya__ sinabi niya sa akin__ __ Talaga__ Lola__ Yehey__ __ Patalun__talon pa nga sa galak
si Cory__ Sigurado ako na magiging masaya kayo sa inyog paglalaro__
Pakisabi na lang sa mga maglang mo na darating kami riyan sa unang lingo ng Setyembre__
Sige__ hanggang ditto na lang ang aking liham__ Kung may nais kang pasalubong__ twagan mo
na lang sa telepono si Tita Gina para masabi niya ang mensahe mo sa amin__
Nagmamahal__
Lola Patricia
Pahabol__ alagaan mo nang mabuti ang iyong sarili at pagbutihin mo ang iyong
pag__aaral__
Mga Sagot
 25 Kalye Maligaya
Barangay San Lorenzo
Lungsod ng Cavite
Ika-18 ng Pebrero 2014
Mahal kong Maria,
Maligayang ika-sampung kaarawan!
Kumusta ka na, apo? Ipinagdarasal ko na nakapiling mo ang iyong pamilya at
mga kaibigan sa iyong espesyal na pagdiriwang noong ika-5 ng Pebrero. Anu-anong
mga pagkain ang inihanda ninyo? Nasiyahan ka ba sa mga regalaong natanggap mo?
Gustong- gusto ko talagang dumalo sa iyong pagdiriwang ngunit may ubo’t
sipon ako noong araw na iyon. Hindi ako pumunta dahil ayaw kong mahawa ka o
ang iyong mga panauhin.
 Alam mo na ba ang magandang balita ? Mas mabuti na ang aking pakiramdam ! Maaari na
kaming magbiyahe at bumisita sa inyo . Sabik na sabik ka na naming makita ng Lolo Pedro mo .
Marami kaming pasalubong para sa inyo mula sa aming bukirin : kamote, patatas,
papaya,langka, manga, at mais. Hindi ba’t mahilig kang kumain ng nilagang mais ? Paboritong
prutas mo pa ba ang manga?
Naaalala mo pa ba ang iyong pinsan na si Cory ? Isasama naming siya sa pagpunta naming sa
inyo. Tuwang- tuwa siya nang malaman niya na magkikita kayo muli . Nang inanyayahan ko siya,
sinabi niya sa akin,
“Talaga, Lola? Yehey!” Patalun- talon pa nga sa galak si Cory. Sigurado ako
na magiging masaya kayo sa inyog paglalaro .
Pakisabi na lang sa mga maglang mo na darating kami riyan sa unang lingo ng Setyembre .
Sige, hanggang dito na lang ang aking liham. Kung may nais kang pasalubong, tawagan mo na lang
sa telepono si Tita Gina para masabi niya ang mensahe mo sa amin .
Nagmamahal,
Lola Patricia
Pahabol: alagaan mo nang mabuti ang iyong sarili at pagbutihin mo ang iyong pag -aaral.