Ang Maikling

Kwento
Ayon kay Edgar Allan Poe, ang
tinaguriang Ama ng
Maikling Kuwento
• Ang maikling kwento ay isang akdang pampanitikang likha ng guniguni
at bungang –isip na hango sa isang tunay na pangyayari sa buhay.
• Ito ay nababasa sa isang tagpuan, nakapupukaw ng damdamin, at
mabisang nakapagkikintal ng diwa o damdaming may kaisahan.
Tinatalakay ang natatangi at mahahalagang pangyayari sa buhay ng
pangunahing tauhan. May kapayakan at kakauntian ng mga tauhan.
• Ito ay nagpapakita ng isang makabuluhang bahagi ng buhay ng tao.
 Uri ng Maikling
Kwento
(Ayon kina Semorlan et. al (2012), may iba’t-ibang uri ang maikling
kuwento.
Kuwento ng Tauhan
Ang pokus o tuon ng kuwentong ito ay
nasa pangunahing tauhan. Inilalarawan
ang mga pangyayaring pangkaugalian ng
mga tauhang nagsisiganap upang
mabigyan ng kabuuan ang pag-unawa sa
kanila ng isang mambabasa. Halimbawa
nito ay ang “Walong Taong Gulang” ni
Genoveva Edroza-Matute.
Kuwento ng Katutubong Kulay
Binibgyang-diin sa kuwentong ito ang
kapaligiran ng pinangyarihan, ang mga
kaugalian at mga pananamit ng mga tahuan,
at ang uri ng pamumuhay at hanapbuhay ng
mga tao sa nasabing pook. Halimbawa ng
maikling kuwento sa uring ito ay “May
Daigdig sa Karagatan” ni Clemente Bautista
at “Suyuan sa Tubigan” ni Macario Pineda.
 Kuwento ng
Katatawanan
Ang layunin ng kuwentong ito ay
magpatawa at bigyang-aliw ang
mambabasa. Halimbawa ng maikling
kuwento sa uring ito ay “Sa Pula, Sa
Puti” ni Francesco Soc Rodrigo.
Kuwento ng Sikolohikal
Sa ganitong uri ng kuwento ay may
kahirapang ilarawan ang pag-iisip ng isang
tao. Ang kailangan ng kuwentong ito’y
maipadama sa mambabasa ang damdamin ng
isang tao sa harap ng isang pangyayari.
Halimbawa ng maikling kuwento sa uring ito
ay “Ang Pusa sa Aking Hapag” ni Jesus A.
Arceo at “Kesa at Morito” ni Ryunosuke
Akutagawa.
Kwentong Science
Fiction
Ayon naman kay Koontz (1999), may dalawang malawak
na pangkat ang mga kuwentong ating nababasa, ang
mga kuwentong may tiyak na kategorya at ang mga
kuwentong karaniwan. Nabibilang sa unang pangkat
ang mga sumusunod:
Science Fiction – Ito’y isang akdang masining na
ginagampanan ng mga tauhang binuo ng mayamang
imahinasyon ng manunulat. Ang mga piling tauhan
dito’y may taglay na suliraning makakaharap nila sa
malayong planeta o di kaya’y sa malayong hinaharap
ng daigdig ngunit may mapapanghawakang maka-agham
na paniniwala.
Kuwento ng Pantasya
Mga kuwentong ito ay ukol sa mahika o
sa mga supernatural ngunit walang
batayang maka-agham.
Kuwento ng Misteryo
Sa kuwentong ito, ang krimen ay
ilalahad sa binabasa ngunit walang
mapagkakakilanlan sa kriminal; mula
sa pangitaing ito, uusad ang kuwento
pabalik hanggang sa makikita ang mga
palatandaan tungo sa paglutas ng
krimen.
Kuwento ng Suspense
Sa simula pa lamang ng kuwentong ito
ay alam na ang salarin. Gugulong ang
kuwento na mayroong habulan at
maliliit na labanan. Ang pinakalundo
ng kuwentong ito ay hahantong sa
paghaharap ng protagonista at
antagonista
 Mga Bahagi ng
Maikling Kwento
SIMULA
Kabilang sa simula ang mga tauhan, tagpuan, at
suliranin. Sa mga tauhan nalalaman kung sinu-sino
ang magsisiganap sa kuwento at kung ano ang papel
na gaganapan ng bawat isa. Maaaring bida,
kontrabida o suportang tauhan. Sa tagpuan nakasaad
ang lugar na pinangyayarihan ng mga aksyon o mga
insidente, gayundin ang panahon kung kailan
naganap ang kuwento. At ang bahagi ng suliranin
ang siyang kababasahan ng problemang haharapin ng
pangunahing tauhan.
 Gitna
Binubuo ang gitna ng saglit na kasiglahan,
tunggalian, at kasukdulan. Ang saglit na
kasiglahan ang naglalahad ng panandaliang
pagtatagpo ng mga tauhang masasangkot sa
suliranin. Ang tunggalian naman ang bahaging
kababasahan ng pakikitunggali o pakikipagsapalaran
ng pangunahing tauhan laban sa mga suliraning
kakaharapin, na minsan ay sa sarili, sa kapwa, o
sa kalikasan. Samantalang, ang kasukdulan ang
pinakamadulang bahagi kung saan makakamtan ng
pangunahing tauhan ang katuparan o kasawian ng
kanyang ipinaglalaban.
 Wakas
Binubuo ang wakas ng kakalasan at katapusan. Ang kakalasan
ang bahaging nagpapakita ng unti-unting pagbaba ng takbo ng
kuwento mula sa maigting na pangyayari sa kasukdulan. At ang
katapusan ang bahaging kababasahan ng magiging resolusyon ng
kuwento. Maaring masaya o malungkot, pagkatalo o pagkapanalo.
Gayunpaman, may mga kuwento na hindi laging winawakasan sa
pamamagitan ng dalawang huling nabanggit na mga sangkap.
Kung minsan, hinahayaan ng may-akda na mabitin ang wakas ng
kuwento para bayaang ang mambabasa ang humatol o magpasya
kung ano, sa palagay nito, ang maaring kahinatnan ng
kuwento.