საკითხები ლექცია I ლექტორი, გიორგი დონაძე, ფსიქიკური ჯანმრთელობის სპეციალისტი ინტერაქტიული მინი-ლექცია
გენდერი და მისი არსი, გენდერის
და სქესის ცნების დეფინიცია სქესი დაკავშირებულია ქალსა და მამაკაცს შორის ფიზიკურ, სხეულებრივ განსხვავებებთან, ცნება „გენდერი” კი მიუთითებს მათ ფსიქოლოგიურ, სოციალურ და კულტურულ თავისებურებებზე. სქესი ბიოლოგიურად არის განსაზღვრული, გენდერი კი სოციალური და კულტურული ფაქტორებით არის განპირობებული. ბავშვი დაბადებიდანვე განეკუთვნება ბიოლოგიურ კატეგორიას - სქესს, შესაბამისად, მდედრობითს ან მამრობითს. აღზრდის პროცესში ხდება მათი გენდერული ცნობიერების ჩამოყალიბება. გოგონები და ბიჭები სხვადასხვაგვარ გამოცდილებას იღებენ და ითავისებენ არსებულ გენდერულ როლებს მოცემულ კულტურაში. ისინი სწავლობენ, თუ როგორ უნდა იქცეოდეს გოგო თუ ბიჭი, რა არის დასაშვები თითოეულისთვის და რა - არა. ტერმინი "გენდერი" მომდინარეობს ბერძნული სიტყვიდან "გენოს" – დაბადება, წარმოშობა, ჯიში, გვარი, შთამომავალი, სქესი (ფორმა gender მიმღეობის ფორმაა);
გენდერი - ცნება, რომელიც გულისხმობს
კულტურით განპირობებულ შეხედულებებს ქალისა და მამაკაცის ინტელექტუალური შესაძლებლობების, მათი პიროვნული თვისებებისა და ქცევის შესახებ. გენდერული როლების (მამაკაცებისა და ქალების) განსაზღვრა სუბიექტურია და კონკრეტულ- ისტორიულ ხასიათს ატარებს; თითოეულ საზოგადოებას აქვს თავისი ჩვეულებები, ტრადიციები და ნორმები, რომლებიც სოციალურ- სქესობრივ როლებს განსაზღვრავს; დღეს გენდერული ურთიერთობები განიხილება როგორც მამაკაცებსა და ქალებს შორის საზოგადოებრივი ცხოვრების სხვადასხვა სფეროში (მართვის, პოლიტიკურ, ოჯახის და სხვ.) არსებული ურთიერთობების ერთ-ერთი ყველაზე უფრო მნიშვნელოვანი ასპექტი. გენდერი, როგორც პროცესი და მოვლენა, გულისხმობს სქესობრივი განსხვავების ნიადაგზე მამაკაცის მხრიდან ქალის ყოველგვარი ჩაგვრის ლიკვიდაციას; ფაქტობრივად, ეს ტერმინი ასახავს სოციალურ- ეკონომიკურ ფონზე ქალთა და მამაკაცთა ურთიერთობის ფენომენს და, შესაბამისად, დამკვიდრდა, როგორც გარკვეული დირექტიული მიმართულება ქალთა უფლებების დაცვის სფეროში; გენდერის მიზანია ქალის დაცვა სექსიზმისაგან, რაც სქესობრივ დისკრიმინაციას, ანუ ერთი სქესის მეორეზე ბატონობას ნიშნავს. რა არის სექსიზმი
სექსიზმი მოიცავს იმ სოციალურ სტერეოტიპებს, რწმენებსა
და წარმოდგენებს, რომელიც ერთი სქესის დომინირებას აწესებს და ქმნის გენდერული უთანასწორობის საფუძველს. სექსიზმი - ეს არის პოზიცია ან მოქმედება, რომელიც ადამიანებს სქესის მიხედვით ამცირებს, უარყოფს, სათანადოდ არ აფასებს და მათ სტერეოტიპებად დაყოფას ახდენს სქესის გამო“; ევროსაბჭოს 2002 წლის N1555 რეკომენდაციის მიხედვით, "სექსიზმის" კონცეფცია განისაზღვრება როგორც ადამიანთა ღირსების იგნორირება მათი სქესის საფუძველზე. გენდერული დისკრიმინაცია გულისხმობს პრაქტიკას, რომლის საშუალებით ერთ-ერთ სქესს ენიჭება უპირატესობა მეორესთან შედარებით;
გენდერული მეინსტრიმინგი გენდერული
დისკრიმინაცია გენდერული თანასწორობა (იგივე, რაც გენდერული ინტეგრაცია) – გენდერული თანასწორობის მიღწევის გადაქცევა ძირითად და ყოვლისმომცველ საზრუნავად;
გენდერული თანასწორობა ნიშნავს ქალებსა
და მამაკაცებს შორის ფუნქციების, მოვალეობების უფლებების თანაბარ განაწილებას ცხოვრების ყველა დონეზე.