PAGSULAT NG BIONOTE

ANO ANG BIONOTE?

 Nakasulat gamit ang punto de bistang
pangatlong panauhan
 Impormatibong talatang nagpapaalam sa mga
mambabasa kung sino ka o ano-ano na ang mga
nagawa mo bilang propesyunal
 Inilalahad rin dito ang iba pang impormasyon tungkol
sa iyong may kaugnayan sa paksang tinatalakay sa
papel, sa trabahong ibig pasukan, o sa nilalaman ng
iyong blog o web site.
 ANO ANG BIONOTE?
 Iba ang bionote sa talambuhay at
autobiography. Ang bionote ay maikli at siksik,
samantalang mas detalyado at mas mahaba
ang talambuhay at autobiography.
 Iba rin ang bionote sa biodata at curriculum
vitae.
 BAKIT NAGSUSULAT NG
BIONOTE?
 Nagsusulat tayo ng bionote upang ipaalam sa iba
hindi lamang ang ating karakter kundi maging ang
ating kredibilidad sa larangang kinabibilangan. Ito
ang paraan upang ipakilala ang sarili sa mga
mambabasa.
Halimbawa:
Hindi tatangkilikin ng mga paaralan ang isang
batayang aklat sa accountancy kung makikita sa
author’s profile na wala naman talagang
background ang awtor sa larangang ito.
MAHALAGANG TANONG:

Bakit mahalaga ang

kasanayan sa pagsulat
ng bionote?
MAHALAGANG TANONG:

Bakit itinuturing na
marketing tool
ang bionote?
Sa pagsulat ng bionote, mahalagang malinaw
ang layunin o mga layunin sa pagsulat nito.
Kailangan ding tukuyin kung sino ang
magbabasa nito at ang ibig mong isipin nila
tungkol sa iyo.
MGA KATANGIAN NG MAHUSAY NA BIONOTE:

1. Maikli ang nilalaman

-Karaniwang hindi binabasa ang mahabang bionote, lalo na
kung hindi naman talaga kahanga-hanga ang mga dagdag
na impormasyon. Ibig sabihin, mas maikli ang bionote,
mas babasahin ito. Sikaping paikliin ang iyong bionote at
isulat lamang ang mahahalagang impormasyon. Iwasan
ang pagyayabang.
 MGA KATANGIAN NG MAHUSAY NA BIONOTE:

2. Gumagamit ng pangatlong panauhang

pananaw
- Tandaan, laging gumagamit ng pangatlong
panauhang pananaw sa pagsulat ng bionote kahit
na ito pa ay tungkol sa sarili.
Halimbawa:
“Si Juan dela Cruz ay nagtapos ng BA at MA Economics sa UP-
Diliman. Siya ay kasalukuyang nagtuturo ng Macroeconomic
Theory sa parehong pamantasan.”
 MGA KATANGIAN NG MAHUSAY NA BIONOTE:
3. Kinikilala ang mambabasa
- Kailangang isaalang-alang ang mambabasa sa
pagsulat ng bionote. Kung ang target na
mambabasa ay mga administrador ng paaralan,
kailangang hulmahin ang bionote ayon sa kung ano
ang hinahanap nila.

Halimbawa na lamang ay kung ano ang klasipikasyon at

kredibilidad mo sa pagsulat ng batayang aklat.
MGA KATANGIAN NG MAHUSAY NA BIONOTE:
4. Gumagamit ng baligtad na tatsulok
-Katulad sa pagsulat ng balita at iba pang
obhetibong sulatin, unahin ang pinakamahalagang
impormasyon. Ito ay dahil sa ugali ng maraming
taong basahin lamang ang unang bahagi ng sulatin.
Kaya naman sa simula pa lamang ay isulat na ang
pinakamahalagang impormasyon.
MGA KATANGIAN NG MAHUSAY NA BIONOTE:

BALIKTAD NA TATSULOK

PINAKAMAHALAGANG
IMPORMASYON

MAHALAGANG
IMPORMASYON

DI GAANONG
MAHALAGANG
IMPORMASYON
 MGA KATANGIAN NG MAHUSAY NA BIONOTE:

5. Nakatuon lamang sa mga angkop na

kasanayan o katangian
-Mamili lamang ng mga kasanayan o katangiang
angkop sa layunin ng iyong bionote.
IWASAN ito:
“Si Pedro ay guro/ manunulat/ negosyante/
environmentalist/ chef.”
Kung ibig pumasok bilang guro sa panitikan,
halimbawa, hindi na kailangan banggitin sa
bionote ang pagiging negosyante o chef.
 MGA KATANGIAN NG MAHUSAY NA BIONOTE:

6. Binabanggit ang degree kung kailangan

-Kung may PhD sa antropolohiya, halimbawa,
at nagsusulat ng artikulo tungkol sa kultura ng
Ibanag sa Cagayan, mahalagang isulat sa
bionote ang kredensyal na ito.
MGA KATANGIAN NG MAHUSAY NA BIONOTE:

7. Maging matapat sa pagbabahagi ng

impormasyon
- Walang masama kung paminsan-minsan ay
magbubuhat ng sariling bangko kung ito naman ay
kailangan upang matanggap sa inaaplayan o upang
ipakita sa iba ang kakayahan. Siguraduhin lamang
na tama o totoo ang impormasyon. Huwag mag-
iimbento ng impormasyon para lamang bumango
ang pangalan at makaungos sa kompetisyon. Hindi
ito etikal at maaaring mabahiran ang reputasyon
dahil dito.
 PAGSUBOK SA
NATUTUNAN:
Nagtapos ako ng BS Geodetic Engineering at MA Sociology,
at kasalukuyang kumukuha ng PhD sa Filipino: Pagsasalin
sa UP–Diliman. Disertasyon na lamang ang kulang ko.
Nagtuturo ako ng Panitikan sa Unibersidad ng Santo
Tomas at resident fellow din ng UST Center for Creative
Writing and Literary Studies. Lagi akong tumatambay sa
hardin upang magsulat. Nailathala ng NCCA ang unang
koleksiyon ko ng tula noong 2013. Mahusay raw, ayon sa
mga kritiko. Nailathala naman noong 2014 ang ikalawang
koleksiyon ko ng tula. Pangarap kong manalo sa Carlos
Palanca Memorial Awards for Literature.
Ang bionote ay isang maikling impormatibong sulatin
(karaniwang isang talata lamang) na naglalahad ng
mga klasipikasyon ng isang indibidwal at ng
kaniyang kredibilidad bilang propesyunal.
Itinatanghal dito ang kaniyang mga natamong
nagsasabing siya ay maalam at may awtoridad sa
larangang kinabibilangan niya. Sa kabuuan, ang
kahusayan ng bionote ay nakasalalay sa
pagsasalubong ng nais iparating ng sumulat at kung
ano ang gustong malaman ng mambabasa tungkol sa
kaniya.
Si Arnel D. Unciano, Jr. ay nagtapos ng Doctors
of Philosophy in Filipino (Malikhaing
Pagsulat), ng Master of Arts in Filipino
(Malikhain Pagsulat), at ng Bachelor of Arts
in Araling Pilipino (magna cum laude) sa
Unibersidad ng Pilipinas –Diliman (UPD).
Kasalukuyan siyang Associates Professor ng
panitikan, panitikang pambata, at malikhaing
pagsulat sa kolehiyo ng Arte at Literatura sa
UPD.
Gawain:
Isa kang aplikanteng katatapos pa lamang sa kolehiyo.
Gagawa ka ng bionote na ipapasa mo sa inaaplayang
trabaho. Ang iyong bionote ay dapat na
kompyuterisado at nasa isang short bond paper, doble
espasyo, 1” sa lahat ng gilid, Arial ang font type at 12
ang font size. Inaasahang laman ng bionote ang
mahahalagang detalye hinggil sa iyong edukasyon, ilang
personal na detalye, at mga katangi-tanging kasanayang
akma sa trabahong inaaplayan.