Sa kasalukuyan ang email ang pinakamabilis na

paraan ng pagpapadala at pagtanggap ng mensahe

gamit ang internet.
Malaking tulong ang email sa mabilis na komunikasyon
gamit ang internet. Ang mga dokumento o datos na
nailalagay sa sariling email ay madaling nakukuha at
nabubuksan saan mang lugar na may internet. Maaaring
maglakip (attach) dito ng mga larawan, video, at musika at
ipadala ang mga mensaheng ito sa iba’t ibang tao o
organisasyon.
Bahagi ng Email Address:
1. Username – Ito ang hinihinging pangalan tuwing
ikaw ay gagamit ng email. Madalas ginagamit dito
ang pangalan at apelyido.
2. Pangalan ng domain – Ito ang pangalan ng mail server kung saan
maaaring gumawa ng isang account. Halimbawa nito ang Gmail at
Yahoo.
3. Uri ng domain – Ito ay naglalarawan kung sino ang gumagamit o saan
nanggagaling ang domain. Ito ay nilalagay pagkatapos ng mail server at isang
tuldok.
Mga karaniwang uri ng domain at gamit nito:
.com – kumakatawan sa salitang ‘commercial’. Karaniwang ginagamit ng mga
negosyo at commercial enterprises.

.edu – kumakatawan sa salitang ‘education.’ Ito ay ginagamit ng mga paaralan at

unibersidad.
.net – para sa salitang ‘network.’ Ginagamit ng mga internet service providers at web-
hosting companies.

.org – para sa sa salitang ‘organization.’ Karaniwang ginagamit ng non-profit groups o

trade associations.

.gov – para sa salitang ‘government’. Ginagamit ito ng mga ahensiya ng

gobyerno.
.pro – gamit ng mga professionals tulad ng abogado at doktor. .info – para sa mga
‘informational sites.’ .int – kumakatawan sa salitang ‘international.’ Ginagamit ito ng mga
samahang itinatag ng kasunduang pandaigdigan.

Sa pagkakataong ito, gagamitin natin ang

Gmail sa paggawa ng account. Libre ito at
madaling intindihin at gamitin.

1. Sa iyong computer, gamitin ang internet at magpunta sa home page ng Google at i-type ang:
www.gmail.com

2. Hanapin ang “Create an Account” button. I-click ito at i-type ang lahat ng
impormasyong hihingin ng Gmail upang makapag-sign up at magkaroon ng sariling
account.
3. Hihingin din nito ang gusto mong gamiting username. Dahil marami nang taong may
account sa Gmail, titingnan nito kung wala kang kapareho ng username at kung maaari
mo pa itong gamitin. Kung nagamit na ito, magbibigay ito ng mga suhestiyon ng username
na maaari mong gamitin. Kung wala itong kapareho, maaari mong gamitin ang ibinigay na
username.
4. Hihingi din ito ng password na dapat i-type sa keyboard sa tuwing gagamitin ang iyong
account. Binubuo ito ng walo (8) o higit pang kumbinasyon ng mga letra, numero, o
simbolo. Dapat na laging tandaan ang iyong password at panatilihin itong sekreto.
5. Sundin ang iba pang hakbang na hihingin ng Gmail. Matapos gawin
ang mga ito, makalilikha ka na ng sariling account sa Gmail server.
Maliban sa sulat na nais nating ipadala sa ibang tao, maaaring may
mga dokumento rin tayong nais ilakip sa ating ipinadadala. Dati,
inilalakip sa sulat ang mga dokumento o gamit na nais ipadala. Ang
mga dokumento o gamit na kalakip ng sulat ay may karagdagang
bayad depende sa timbang nito. Dahil pinadali na ng teknolohiya
ang buhay ng mga tao, ang paglalakip o paglalagay ng attachment
sa mga dokumento sa isang email ay maaari na ring gawin sa
mabilis, magaan, at libreng paraan. Ang pagsagot at pagpapadala ng
email na may kalakip na dokumento ang kokompleto sa iyong
kaalaman sa email.
Mahalaga ang pagtanggap ng mensahe sa
kahit na anong uri o porma ng
komunikasyon. Ang maayos na pag-unawa sa
natanggap na mensahe at pagsagot dito ay
bahagi ng pang-arawaraw na buhay. Ang
sumusunod na mga gawain ay magbibigay sa
atin ng kaalaman at kasanayan sa pagsagot
at paglakip ng mga dokumento sa email.