URI NG

TEKSTO
• IMPORMATIBO

• DESKRIPTIBO
BASAHING MABUTI ANG TEKSTO SA IBABA:

Sa unang tingin pa lang ay labis na akong naakit

sa kanyang mga matang tila nangungusap. Di ko
mapuknat ang aking paningin sa hindi
pangkaraniwang kagandahan sa aking harapan.
Papalayo na sana ako sa kanya subalit alam kong
dalawang nagsusumamong mga mata ang
nakatitig sa aking bawat galaw, tila nang-aakit
upang siya’y balikan, yakapin at ituring na akin.
Siya na nga at wala nang iba ang hinahanap
ko. Hindi ako makapapayag na mawala pa
siyang muli sa aking paningin. Halos
magkandarapa ako sa pagmamadali upang
siya’y mabalikan. “Manong, ang asong iyan
na ang gusto ko. Siya na nga at wala nang
iba. Babayaran ko na at nang maiuwi ko
na.”
 SAGUTIN ANG MGA SUMUSUNOD:
1. Ano ang una mong naisip na inilalarawan batay sa naunang pangungusap?

2. Naging epektibo ba ang ginawang paglalarawan? Bakit?

3. Anong katangian ng talata ang sa palagay mo ay agad nakakuha sa atensyon ng

mambabasa? Ipaliwanag.

4. Paano mo ilalarawan ang una nyong pagkikita ng iyong alaga? (Kung wala kang
alaga ay ilahad ang naiisip mong mangyayari sa unang pagkikita ninyo ng hayop na
gusto mong alagaan.)
 Tekstong
Deskriptibo
• Ang tekstong deskriptibo ay isang pagpapahayag ng mga
impresyon o kakintalang likha ng pandama. Ginagamit ang
mga pandama upang malinaw na mailahad ang nais ng
manunulat.
• May layuning ilarawan ang mga katangian ng mga bagay,
pangyayari, lugar, tao ideya, paniniwala at iba pa.
• Kilala rin ang tekstong ito bilang tesktong naglalarawan.
Halimbawa ng mga sulatin na gumagamit ng
tekstong deskriptibo
• Talaarawan
• Proyektong Panturismo
• Talambuhay
• Rebyu ng pelikula o palabas
• Obserbasyon
• Akdang Pampanitikan
 DALAWANG ANYO NG DESKRIPTIBO

•Karaniwang Deskriptibo
Maganda si Matet.
Maamo ang mukha na lalo pang pinatitingkad ng mamula-mula niyang pisngi.

•Masining na Deskriptibo
Ang kapayapaan ng bukid ay tila kamay ng isang inang humahaplos sa nag-
iinit na noo ni Danding.

(Mula sa “Lupang Tinubuan” ni Narciso G. Reyes)

 APAT NA MAHAHALAGANG SANGKAP NA GINAGAMIT SA MALINAW
NA PAGLALARAWAN

• Wika – ginagamit ang wika upang makabuo ng malinaw at mabisang paglalarawan sa tulong
ng mga pang-uri

• Maayos na Detalye –masistemang paraan sa paglalahad ng mga bagay na makatutulong

upang ganap na mailarawan ang isang tao, bagay, pook at pangyayari

• Pananaw ng Paglalarawan –salig sa karanasan at saloobin ng taong naglalarawan.

• Isang kabuoan o Impresyon –Mahalaga sa isang naglalarawan na mahikayat ang kanyang

mambabasa o tagapakinig
•Ang pagsulat ng paglalarawan
ay maaaring maging subhetibo
(subjective) o obhetibo
(objective).
 SUBHETIBO

• Ang manunulat ay maglalarawan nang napakalinaw at halos

madama na ng mambabasa subalit ang paglalarawan ay
nakabatay lamang sa kanyang mayamang imahinasyon at
hindi nakabatay sa isang katotohanan sa totoong buhay.
 OBHETIBO

• Ang manunulat ay maglalarawan nang may

pinagbabatayang katotohanan.
 TESKTONG DESKRIPTIBO

• Ito ay ang uri ng teksto na kung saan ang manunulat ay bumubuo ng larawan sa isipan ng mga
mambabasa gamit ang mga salita. Mga pang-uri at pang-abay ang karaniwang ginagamit ng
manunulat upang mabuo sa isip ng mambabasa ang paglalarawan ng tekstong deskriptibo.
 TESKTONG DESKRIPTIBO
• Ang mga mag-aaral ay matiyagang tinapos ang kanilang mga performance task.

• Mahalimuyak na bulaklak ang handog ng mga bata sa Mahal na Birhen.

• Nagkakagulo ang mga raliyista nang dumating ang mga pulis.

 TEKSTONG DESKRIPTIBO

• Karaniwang bahagi lamang ng ibang teksto ang tekstong deskriptibo

• Gamit ng cohesive devices o kohesyong gramatikal sa pagsulat ng tekstong deskriptibo.
* reperensiya (reference)
* substitusyion (substitution)
* ellipsis
* pang-ugnay
* leksikal
 COHESIVE DEVICES (KOHESYONG GRAMATIKAL)

• REPERENSIYA (reference)
Ito ay ang paggamit ng mga salitang maaaring tumukoy o maging reperesnsiya ng paksang pinag-
uusapan sa pangungusap. Maaari itong maging ANAPORA (kung kailangang bumalik sa teksto upang
malaman kung ano o sino ang tinutukoy) o kaya’y KATAPORA (kung nauna ang panghalip at
malalalman lang kung sino o ano ang tinitukoy kapag ipinagpatuloy ang pagbabasa ng teksto.
• ANAPORA • KATAPORA

Mga panghalip na ginagamit sa hulihan bilang Mga panghalip na ginagamit sa unahan bilang
panimula sa pinalitang pangngalan sa unahan pananda sa pinalitang pangngalan sa hulihan
ng pangungusap.
• Aso ang gusto kong alagaan. Ito kasi ay • Ito ay isang dakilang lungsod. Ang Maynila ay
maaaring maging mabuting kaibigan. may makulay na kasayasayan.

• Ang kultura ay nagbibigay sa atin ng • Kahit gaano siya katatag, kailangan pa rin ng
pagkakakilanlan. Ito ay maituturing na isang anak ang gabay ng mga magulang.
kayamanan ng isang bansa.

• Siya ang nagbibigay sa akin ng inspirasyong

• Sina Anna at Peter ang nangunguna sa klase. bumangonsa umaga at masiglang umuwi sa
Sila ay mahilig mag-aral. gabi. Si Bella ang bunso kong kapatid na isang
taon pa lamang.

ANAPORA KATAPORA
 ELLIPSIS
• May binabawas na bahagi ng pangungusap subalit inaasahang maiintindihan o magiging malinaw pa
rin sa mambabasa ang pangungusap dahil makatutulong ang naunang pahayag para matukoy ang nais
ipahiwatig ng nawalang salita.

• HALIMBAWA:

• Bumili si Gina ng apat na aklat at si Rina naman ay tatlo.

 PANG-UGNAY
• Paggamit ng mga pang-ugnay upang higit na maunawaan ng mga mambabasa o tagapakinig ang
relasyon sa pagitan ng mga pinag-uugnay.
• HALIMBAWA:
• Ang mabuting magulang ay nagsasakripisyo para sa mga anak at ang mga anak naman ay dapat
magbalik ng pagmamahal sa kanilang mga magulang.
• Ang luntiang bukirin ay nanganganib nang maubos.
• Ang mga bata ay naglalaro nang dumating ang mga panauhin.
 KOHESYONG LEKSIKAL
• Mabibisang salitang ginagamit sa teksto upang magkaroon ito ng kohesyon. Maaari itong mauri sa
dalawa: reiterasyon ay kolokasyon

• Reiterasyon o nauulit ng ilang beses

A. Pag-uulit o repetisyon

Maraming bata ang hindi nakakapasok sa paaralan. Ang mga batang ito ay nagtatrabaho na sa
murang gulang pa lang.
 KOHESYONG LEKSIKAL
B. Pag-iisa-isa

Nagtatanim sila ng gulay sa bakuran. Ang mga gulay na ito ay talong, sitaw, kalabasa at ampalaya.

C. Pagbibigay-kahulugan

Marami sa mga batang manggagawa ay nagmula sa mga pamilyang dukha. Mahirap sila kaya ang pag-
aaral ay naiisantabi kapalit ng ilang baryang naiaakyat nila para sa hapag-kainan.
 KOHESYONG LEKSIKAL

• Kolokasyon
Mga salitangf karaniwang ginagamit nang magkapareha o may kaugnayan sa isa’t isa kaya’t kapag
nabanggit ang isa ay naiisip din ang isa.

Halimbawa:
Tatay – nanay doktor – pasyente mayaman - dukha
Guro - mag-aaralputi – itim malaki - maliit
 GAWAIN:

•Paano nakatutulong ang paggamit ng

naaangkop na paglalarawan o
deskripsyon upang higit na kalugdang
basahin ang teskto?
 TEKSTONG DESKRIPTIBO

• Karaniwang bahagi lamang ng ibang teksto ang tekstong deskriptibo

• Gamit ng cohesive devices o kohesyong gramatikal sa pagsulat ng tekstong deskriptibo.
* reperensiya (reference)
* substitusyion (substitution)
* ellipsis
* pang-ugnay
* leksikal