Unsa ang

Pagpahisayo
n?
“Ang Pagpahisayon mao ang
paggiya sa usa ka tawo
pinaagi sa usa ka proseso nga
ang tumong mao ang pag-
agni sa pag-apil,
pagpanghinlabot ug
pakiglambigit sa tanan nga
apil sa usa ka kalihukan.”
Unsa man ang atong
responsibilidad isip
tigpahigayon?
 Unsa man ang atong
buhaton isip ginikanang
tigpahigayon?
• Magplano: Gamit ang Weekly Home Learning Plan
nga gihatag uban sa Learning Package, atong
planuhon ang paagi sa pagpasunod sa WHLP sa
atong mga bata. Ang atong bugtong katuyuan nga
matubag sa mga bata ang ilang module nga gigahin
sa usa ka semana. Apan dili apil sa atong plano ang
pagtubag sa mga modyul kay dili maminaw ang atong
mga anak. Ang importanteng butang sa pagpahisayon
mao ang mahisabtan nga ang bata gyud gihapon ang
maningkamot para sa iyang tubag para sa modyul. Ug
ugaling nasayod na kita sa plano pinaagi sa WHLP,
magsugod na pud kita ug plano unsa ang proseso nga
gamiton ug kung unsang Teknik sa pagpahisayon ang
atong pahimuslan arong madasig sa pagtubag sa
modyul ang bata.
• Ilansad ang proseso sa pagpahisayon: Sa panahong magsugod na
ang inadlaw nga sesyon sa bata, sugdan na pud nato ang atong
giplanong paagi sa paggiya sa bata. Ania ang pipila sa mga
importanteng bahin nga angay natong timan-an isip tigpahigayon:
• Magpatuman ug balaod: Aron nga masiguro nga ang tanang luna sa
gipatubagang modyul matagaan ug panahon, pwede kitang muhimo ug
ginagmayng pahimangno sa atong mga anak. Una, ang Distance Learning
kun Pag-eskwela nga anaa sa panimalay ikibali sa pagtungha sa
eskwelahan. Buot pasabot samtang ang adlaw nahimutang sa lunes
ngadto sa huwebes, adlawng ting-eskwela kini ug ang atensiyon sa bata
kinahanglang anaa sa modyul, sa pagkangan nga siya estudyante. Kung
ikompara sa tinuod nga eskwela, ug ang bata nagsuroy kun diin aduna pay
scheduled subject nga angay niyang atendaran inganang orasa,
mahimutang nga siya absent sa klase. Isip tigpahigayon, atong
lantawanan nga oras ting-klase kinahanglan anaa siya sa balay ug
nagtubag sa modyul. Dili nato pasagdan nga ang bata muingon nga
tubagan lang kini ugma o sa gabie kay maghatag lamang kini ug pagka-
apiki.
• Dasigon sa Pagtubag: Muhimo kita ug kalikupan kung diin ang bata
mutubag sa modyul tungod kay nakasabot siya nga kini
kinahanglanon ug makatabang kaniya ug dili tungod kay ato siyang
gihulgang dili pakan-on o dili hatagan sa iyang panginahanglan ug
dili siya musanong. Pwede nato siya hatagan ug panahong
mupahuway ug gikapoy na siya sa pagtubag apan dili pud muabot
sa puntong pasagdan na lamang siyang makalimtan ang iyang
obligasyon sa inadlaw nga Home Schooling. Pwede natong daygon
ang iyang mga tubag isip pagdasig kaniya kay usa kini sa
makatabang aron dili siya mawad-an ug interes. Kung mahatagan
nato siya ug dyutayng suporta, mamahimo kining dakong bahin sa
iyang pagpaningkamot.
• Magpahigayon ug hisgot-hisgot: Kung adunay pangutana ang bata
kay naglibog sa ipabuhat, pwede kitang muhatag ug ginagmay nga
pagpasabot aron matambalan ang iyang kalibog. Dili kita masuko
ilabi na ug wa pud kita makasabot. Kinahanglan sa bata ang
pasensya ilabi na sa karong sitwasyon. Ug dili gyud kini matubag,
adunay consultation time ang maestra kun diin mamahimong mu-
chat o mutext ang ginikanan sa maestra aron matubag ang mga
pangutana.
• Paggahin ug oras ug higayon: Atong hatagan ug
panahon ang atong anak pinaagi sa pag-abag sa bata
sa pagtubag sa modyul. Ang pag-abag pwedeng
paghatag ug panahon sa pagtabang kaniya sa
buluhaton sa eskwelahan apan dili pud kini
nagpasabot nga hudton ang tibuok oras sa pag-atong
kaniya kay kahibaw kita nga dili ra matapos ang
adlaw sa ginikanan pag-abag sa bata kay aduna pa
man kitay laing pang kabilinggan. Ang buot ipasabot
niini nga readily available ta sa pag-sagakay.
• Itala ang resulta: Matag human sa adlaw, atong
susihon kung unsang mga activities sa modyul ang
nahuman na sa bata ug itala kini sa monitoring
checklist. Butangan nato ug COMPLIED on ug
butangan ug petsa ang remarks nga bahin
pagpamatuod nga nahuman sa bata ang modyul.
Unsa man ang atong
responsibilidad isip
tigpahigayon?