E-Classroom Routines

 Panalangin
 Attendance
 Talakayan
 Open Forum

 PAALALA: Wag mahihiyang magtanong

 Filipino Bilang Wikang
Pambansa, Wika ng Bayan, at
Wika ng Pananaliksik na
Nakaugat sa Pangangailangan
ng Sambayanan
Kahulugan at Kalikasan ng Wika
 Ang wika ay buhay ng tao. Ito ang pangunahin mong kasangkapan upang
maipahayag ang iyong kaisipan at saloobin. Kung may impormasyon ka
mang nais sabihin sa iba, o may anumang pagtutol o reklamong nais
ipahayag, o may damdaming nais ipagtapat, o may pasalita o pasulat na
pahayag na nais suriin, wika ang magsisilbi mong instrumento.
 Ang wika ang pangunahing instrumento ng komunikasyong panlipunan; sa
pamamagitan nito ay maaaring matamo ng tao ang mga instrumental at
sentimental niyang pangangailangan (Constantino, 1996).
 Ayon kay Salazar (1996), ang wika ang ekspresyon, ang imabakan-hanguan
at agusan ng kultura ng isang grupo ng tao, maliit man o Malaki, na may
sarili at likas na katangian.
Kahulugan at Kalikasan ng Wika
 Wika ang ginamit ng mga naunang henerasyon sa kodipikasyon ng mga
kaalamang natuklasan nila at sa pagsasalin ng mga ito sa kasunod na
salinlahi. Wika ang gamit ng tao sa pagbuo ng mga batas na kokontrol sa
kilos at titiyak ng kaayusan. Wika ang gamit sa pakikipagkalakalan upang
maisara ang mga transaksyon; sa medisina, upang matukoy ng
manggagamot ang sakit ng pasyente at maipaliwanag dito ang lunas; sa
relihiyon, upang maipahayag ng mga sumasamba ang kanilang
pananampalataya; at sa edukasyon, upang mabisang makapagtalastasan
ang guro at estudyante. Wika ang nagtititik ng panitikan, kasaysayan,
sining, at mga agham. Kung wala ang wika, masasabing marahil ay patay
na rin ang daigdig dahil magsasarili lamang ang mga tao at mawawalan ng
paraan upang makipagkomunikasyon sa kaniyang kapwa.
Kahulugan at Kalikasan ng Wika
 Ito’y isang verbal, bayolohikal at basikong kagamitan para sa
komunikasyon. Ipinahayag ng mga beheybyorist na ang wika ay
natututunang beheybyor na nagagawa dahil sa mga istimulus at katugunan
(Omrod, 1995).
 Mas madalas, ito ay isang verbal na beheybyor na naipamamalas sa
pamamagitan ng gestura, pagkilos ng katawan at salitang
binibigkas/ginagamit (Pierce at Eplin, 1999).
 Isang Italyano (Giambattista Vico) ang nagwikang “lumitaw ang wika bilang
tugon ng tao sa mga naririnig sa kalikasan partikular ang mga malalakas at
nakayayanig na mga pangyayari sa kapaligiran. Nalikha ang wika mula sa
mga ekspresib na gestura kung saan ang mga basikong salita ay nabuo
dahil ito’y nagging tugon ng mga tao sa mga natural na pangyayari sa
kanyang kapaligiran.
Kahulugan at Kalikasan ng Wika
 Katulad din ni Vico ang pananaw ni Johann Gottfield Herder na
nagpapahayag na, “ang wika ng tao ay nakatali sa resonansa ng
kalikasan.”
 Si David Abram, isang Pilosopo ay nagsabing, “may koneksyon ang wika sa
kalikasan na kaakibat ang gestura, emosyon o damdamin ng tao. May
malalim na pag-unawa sa koneksyon ng katawan sa pag-iisip ng tao.”
 Ayon kay Abram, natututunan daw ang wika hindi sa pamamagiyan ng
mental kundi pisikal. Tinawag niya itong “kahulugang gestural.” ang
tekstura at tono ng salita, ang nararamdaman habang nasa dulo pa lang ng
dila ang salitang sasabihin at kung paanong naiimpluwensyahan nito ang
katawan, ang nagbibigay ng mayamang depinisyon sa salita para sa taong
gumagamit nito.
Kahulugan at Kalikasan ng Wika
 Si Merleau-Ponty ay nagsabing, “ang wika ang pinakaboses ng mga puno,
alon, at kagubatan” sa kanyang akdang, The Body as Expression and
Speech. Para sa kanya, ang kahulugang komunikatibo ay agarang
naihahayag ng gestura kaalinsabay ng pagkilos ng katawan ng tao na
nagpapakita ng damdamin at tumutugon sa nagaganap sa kapaligiran.

 Si Jean Jacques Rousseau ay nagsabing ang gestura/kumpas at pagbulalas

ng damdamin ang kauna-unahang wika.

 Para kina Steven Pinker, Noam Chomsky at Immanuel Kant may “language
instinct” ang tao sa kanilang pagsilang, isang network sa utak na
naglalaman ng unibersal grammar na nadebelop sa proseso ng
pakikipagtalastasan ng tao.
Kahulugan at Kalikasan ng Wika
 Ang linggwistang si Noam Chomsky ay nagdebelop ng teoryang “Unibersal
Gramar” na nagsaad na ang tao ay nakaprograma para sa abilidad na
magsalita ng wika at batid niya kung anong gramar ang katanggap-
tanggap.
 Ayon kay Chomsky, ang pundamental na pagkakaiba ng lenggwahe ng tao
sa vocalisasyon ng mga hayop ay ang pagiging kreeytib, maluwag na
pagdaloy at ang hindi limitadong pagpapahayag ng ideya; samantalang,
ang komunikasyon ng mga hayop ay binubuo ng mga “fixed” na signal na
tugon para sa eksternal na istimulus.
 Sa aklat ni Werner Girt na “The Wonder of Man” sinabi niya ang ganito,
“tanging ang tao ang may taglay na regalo – ang wika ang naghihiwalay sa
atin sa iba pang hayop. Bukod pa sa kinakailangang “software” para sa
wika, binigyan pa rin tayo ng “hardware” para rito.
Kahulugan at Kalikasan ng Wika
 Ganito rin halos ang paniwala ni Sternberg (1999) na nagwikang, “dahil sa
ispesipikong pag-aari ng wika, ito ang ikinaiba ng tao sa hayop at iba pang
“specie.” ang “pag-aaring” ito ay kinabibilangan ng : komunikasyon,
arbitraryong simbolo, regular na istruktura, istruktura sa mas maraming
lebel, pag-usbong ng salita at pagiging dinamiko.
 Noong 1930, si Benjamin Lee Whorf ay nagdebelop ng isang haypotesis
kasama ng kanyang guro na si Edward Sapir, ang kanyang ideya: ang
lenggwahe/wika ng tao ay nakaiimpluwensya sa kanyang pag-iisip,
hinuhulma ang kanyang iniisip at nagdedetermina kung ano pa ang
maaaring maisip.
 Si Charlemagne, isang kilalang tao sa kasaysayan ay nagwikang, “ang
pagkatuto ng ibang wika ay pagkakaroon ng pangalawang kaluluwa.”
Kahulugan at Kalikasan ng Wika
 Samantala, sinabi ni Ludwig Wittgenstein and ganito, “kung tayo ay nag-
uusap sa ibang lenggwahe, magkakaroon tayo ng iba’t ibang
persepsyon/pananaw sa mundo.” Idinugtong pa niya ang pagsasabing,
“ang limitasyon ko sa wika ay limitasyon ng aking mundo.”

 Sabi naman nina Sampson et al., “ang wika ay isang obra maestra ni
Picasso, isang komposisyon ni Beethoven o di kaya’y ang kahanga-hangang
pagtatanghal ng mga gymnast sa Olympic. Ito ay isang sining. Lumilikha ito
ng kagandahan, pasalita o pasulat man.”
Kahulugan at Kalikasan ng Wika
 Para sa Pilipinohistang si Zeus Salazar, “naipahahayag sa wika ang mga
kaugalian, isipan at damdamin ng bawat grupo ng mga tao at maging sa
larangan ng kaisipan, ang wika rin ang impukan – kuhanan ng isang
kultura.”

 Tinuran ni Dr. Virgilio S. Almario sa kanyang sinulat na Nasyonalisasyon ng

Filipino (2003) na “ang wika mismo ang patunay na tayo’y may katutubong
kultura. Isang wika itong patuloy na nabuhay sa kabila ng mahabang
pananakop na nagbigay kaalaman at karunungan tungkol sa ating lahi.
Kahulugan at Kalikasan ng Wika
 Ayon kay Webster (1974), ang wika ay isang sistema ng komunikasyon sa
pagitan ng mga tao sa pamamagitan ng pasulat at pasalitang simbulo.
 
 Ang wika ay maaaring tumutukoy sa ispesipikong kapasidad ng tao sa
pagkakamit at paggamit ng mga komplikadong sistema ng komunikasyon, o
sa ispesipikong pagkakataon ng komplikadong sistema ng komunikasyon
(Wikipedia).
Kahulugan at Kalikasan ng Wika
 Ayon naman kay Hill (sa Tumangan, et al., 2000) sa kanyang papel na What
is Language?, wika ang pinakaelaboreyt na anyo ng simbolikong gawaing
pantao. Ang mga simbolong ito ay binubuo ng mga tunog na nalilikha ng
aparato sa pagsasalita at isinasaayos sa mga klase at patern na lumilikha sa
isang komplikado at simetrikal na istraktura. Ang mga simbolong ito ay
mayroon ding kahulugang arbitraryo at kontrolado ng lipunan.

 Halos gayon din ang kahulugang ibinigay ni Gleason (sa Tumangan, et al.,
2000) sa wika. Ayon sa kanya, ang wika ay masistemang balangkas ng
sinasalitang tunog at isinasaayos sa paraang arbitraryo upang magamit ng
mga taong kabilang sa isang kultura.
Kahulugan at Kalikasan ng Wika
 Mula sa dalawang kahulugang nabanggit, mahahango natin ang mga
pangunahin at unibersal na katangian ng wika na tatalakayin sa mga
sumusunod na talataan:
1. Ang wika ay masistemang balangkas.
Kahulugan at Kalikasan ng Wika
2. Ang wika ay sinasalitang tunog. Hindi lahat ng tunog ay wika sapagkat
hindi lahat ng tunog ay may kahulugan. Sa tao, ang pinakamakahulugang
tunog na nililikha natin at kung gayo’y kasangkapan ng komunikasyon sa
halos lahat kung hindi man lahat ng pagkakataon ay ang tunog na
sinasalita. Samakatwid, ito ang mga tunog na nalilikha ng ating aparato
sa pagsasalita na nagmumula sa hanging nanggagaling sa baga o ang
pinanggagalingang lakas o enerhiya, nagdaraan sa pumapalag na bagay na
lumilikha ng tunog o artikulador at mino-modify ng resonador.
Kahulugan at Kalikasan ng Wika
3. Ang wika ay pinipili at isinasaayos.  
Kahulugan at Kalikasan ng Wika
4. Ang wika ay arbitraryo. Ayon kay Archibald A. Hill (sa Tumangan, et al.,
2000), just that the sounds of speech and their connection with entities
of experience are passed on to all members of any community by older
members of that community.
Kahulugan at Kalikasan ng Wika
5. Ang wika ay ginagamit.
Kahulugan at Kalikasan ng Wika
6. Ang wika ay nakabatay sa kultura.
Kahulugan at Kalikasan ng Wika
7. Ang wika ay nagbabago. Dinamiko ang wika. Hindi ito maaaring
tumangging magbago. Ang isang wikang stagnant ay maaari ring mamatay
tulad ng hindi paggamit niyon. Paano nagbabago ang wika? Ang isang wika
ay maaaring nadaragdagan ng mga bagong bokabularyo. Bunga ng
pagiging malikhain ng mga tao, maaaring sila ay nakalilikha ng mga
bagong salita. Ang pinakamahusay na halimbawa nito ay ang mga salitang
balbal o pangkabataan. Samantala, kailangan ding lapatan ng mga
katawagan ang mga produkto ng pag-unlad ng teknolohiya at siyensya.
Bunga nito, ang ating wika ay nadaragdagan ng mga bagong salita na
hindi umiiral noon. May mga salita ring maaaring nawawala na sapagkat
hindi na ginagamit. Samantala, may mga salita namang nagkakaroon ng
bagong kahulugan. Halimbawa, ano ang mga orihinal na kahulugan ng
salitang bata? Sa ngayon, ano-ano ang iba pa niyong bagong kahulugan?
Ang mga iyan ay mga patunay na ang wika ay nagbabago.
Kahulugan at Kalikasan ng Wika
Paglalagom
Ang kalikasan, katuturan, at gamit ng wika ay maaaring lagumin sa mga
sumusunod:
 Sistema ng komunikasyon ang wika. Batay sa pangangailangang mailagay sa
ayos ang ugnayan ng komunidad, may napaunlad na sistema ng pakikipag-
ugnayan na makatutugon sa pangangailangang ito. Sistemang tinatawag ang
wika dahil binubuo ito ng serye ng mga pananagisag at pagpapakahulugan na
nilikha ng mga gumagamit nito upang mapadaloy ang pag-unawa nila sa mga
ideya at karanasan. Isang masalimuot na proseso ng pag-uugnay ng karanasan
at konsepto ang kinakatawan ng wika na patuloy na pinagyayaman ng bagong
karanasan, bagong ideya sa loob ng isang panahon. Dahil sistema ng
pananagisag at pagpapakahulugan ang wika kaya’t ang pag-iral nito ay
makikita sa mga gawi at pamamahayag sa araw-araw na buhay. Ito rin ang
batayan ng paglikha ng wikang pakilos, pasalita, at pasulat.
Kahulugan at Kalikasan ng Wika
 Kultural ang wika. Dahil ang wika ay sistema ng pananagisag at
pagpapakahulugan, mahigpit na nakabatay ito sa sistema ng
pagpapakahulugang nililinang sa loob ng isang pamayanan o grupo ng
mamamayan. Halimbawa, may mga kilos na ikinatutuwa ng ilang
komunidad ngunit maaaring hindi inaayunan ng ilan. Halimbawa, sa
Pilipinas, ang pagkuha ng bayarin sa mga restaurant ay karaniwang
iminumuwestra gamit ang hintuturo at hinlalaki sa isang kilalang kilos ng
pagguhit sa hangin ng kuwadradong hugis ng papel. Kung minsan ay may
kasabay pa itong tunog ng sutsot sa waiter o di kaya’y ang tunog na likha
ng paghigop sa hangin sa pagitan ng labing hugis-halik. Tanggap ang
ganitong wikang pakilos sa Pilipinas ngunit sa ibang bansa ay itinuturing
itong labag sa batas ng wastong pag-uugali.
Kahulugan at Kalikasan ng Wika
 Sa wikang pasalita, may mga tunog na angkin ang ating alpabeto na hindi
ginagamit ng iba. Halimbawa nito ay ang ng na isang palasak na titik na
gamit sa simula, gitna, at huling bahagi ng wikang Filipino. Palasak ito sa
atin ngunit hindi ginagamit sa ibang wika. Mayroon ding mga salitang
karaniwan sa atin ngunit hindi bahagi ng bokabularyo ng ibang bayan.
 Mayroon ding mga salitang bagaman pareho ang baybay ay nagbabago ang
pakahulugan sa ibang lugar. Halimbawa nito ay ang salitang bitaw na sa
Tagalog ay nangangahulugang pakawalan sa pagkakahawak, samantalang
sa wikang Cebuano ay nangangahulugan ng oo o isang malugod na
pagsang-ayon. Maiuugat ito sa mga pagpapahalaga at paraan ng
pagkilalang mayroon ang isang grupo ng tao at isang komunidad kaya’t
ang pag-unawa ay nangyayaring maging magkaiba.
Kahulugan at Kalikasan ng Wika
 Likha ang wika. Napauunlad ang sistema ng wika bunga ng
pangangailangang magkaunawaan. Nalilinang ito sa iba’t ibang antas ng
buhay sa kalikasan. May sistema ng pagkakaunawan ang kalikasan tulad ng
mga hayop, halaman, at kalupaan. Ang mga tao, bilang pinakamatas na
uri ng hayop sa mundo, ay nakalilikha rin ng kani-kanilang sariling wika
upang mapadaloy ang komunikasyon. Dahil sa likha ang wika, arbitraryo
ito at maaring magbago ayon sa daloy ng panahon., pangyayari, at mga
taong gumagamit ng wikang ito.
Kahulugan at Kalikasan ng Wika
 Ang pag-aaral ng wika bilang isang sistema ng pagpapahayag na
pinakatiyak na nakikita sa mga salitang binibigkas at sinusulat ay
mahalagang masapol sapagkat ito ang batayang sangkap sa malinaw na
pakikipag-ugnayan ng tao sa pang-araw-araw na buhay. Mahalagang
maging bihasa at maalam ang bawat isa sa kabuuang Sistema ng paglikha
at pag-iral ng wika. Tulad ng dugong dumadaloy sa katawan ng tao, ang
pagsapol sa sa wika kasi ang daluyan ng malinaw naa ugnayan ng mga tao.
Filipino Bilang Wika ng Bayan
 Makapangyarihan ang wika. Sa anumang lipunan, kultura, at lahi, kinikilala
ang hindi matatawarang kapangyarihan ng wika. Wika ang
pinakaprominenteng behikulo ng paghahatid ng mga imahe, positibo man o
negatibo. Kung baga sa digmaan, ang wika ay isang armas na panggapi sa
kalaban o kaya’y sandata upang lumaya.
 Nang makipaglaban ang mga Indones upang lumaya sa mga Olandes, ganito
ang kanilang sigaw: Satu Bangsa! Satu Bahasa! Satu Tunair! (Isang Bansa!
Isang Wika! Isang Inangbayan!)(Bernales, et al., 2000). Maagang nakilala ng
mga Indones ang kahalagahan ay kapangyarihan ng kanilang sariling wika
kung kaya’t hindi naging mahirap sa kanila ang magbuklod para sa
pakikipaglaban sa kalayaan. Samakatwid, hindi maipagkakailang gumanap
ng napakahalagang tungkulin ang wika upang ang Indonesia ay magkaroon
ng kalayaan.
Filipino Bilang Wika ng Bayan
 Samantala, halos ganito naman ang paglalarawan ni Rizal sa kapangyarihan
ng wika (sa pamamagitan ni Simoun sa kanyang pangaral kay Basilio at sa
iba pang kabataang nagnanasang matuto ng wikang Kastila):
…Nakapaloob kayo sa kanilang mga salita at hindi ninyo nililimi ang pailalim na
kahulugan at pinag-aaralan ang kahihinatnan…Ano ang gagawin ninyo sa wikang Kastila…?
Papatayin ninyo lamang ang inyong pansariling katauhan at ilalantad ang inisip sa ibang
kaisipan. Sa halip na gawing malaya ang inyong sarili ay gagawin n’yo lamang itong
alipin…Habang ipinagkakait ng Ruso sa mga Polo na gamitin ang kanilang wika para sila ay
maalipin, habang ang Aleman ay nagbabawal sa paggamit ng Pranses sa mga lalawigang
kanyang nasakop sa Alemanya, habang ipinakikipaglaban ng inyong pamahalaan ang
paggamit ng sariling wika, kayo naman sa kabilang dako ay ipinakikipaglaban na mawala
ang inyong pagkakakilanlan. Kapwa kayo nakalilimot na habang ang tao ay may sariling
wika ay mayroon kayong kalayaan. Tulad ng taona malaya habang nakapag-iisip sa
kanyang sarili. Ang wika ang paraan ng pag-iisip ng tao…(Bandril at Francia, 1988).
Filipino Bilang Wika ng Bayan
 Samantala, sa ikalawang saknong ng tulang Ako’y si Wika ni Lope K.
Santos (1979) ay ganito ang ipinahahayag:
Ngunit, ang di-mapupuwing na nagawa kong himala,
Liping-tao’y natubos ko sa buhay na pamulala,
Hanggang siyang maging hari ng lahat ng nilikha;
Ang bundok ng karununga’y sa palad ko tumutula;
Sa yaman kong bumabatis, lumalangoy ang makata;
Sa tamis ko’t kabanguhan, paraluma’y nagsasawa;
Sa tuyot na pagsasama’y panariwang dugo’t dagta;
Kasangkapan sa paglupig, kasangkapan sa paglaya…
 Malinaw kung gayon, na ang wika ay hindi lamang instrumento ng
komunikasyon at sagisag ng pambansang pagkakakilanlan. Ito rin ay
kasangkapan sa paglaya, kung paanong ito’y maaari ring gamitin bilang
instrumento sa pang-aalipin o dominasyon.
Filipino Bilang Wika ng Bayan
 Ganito naman ang paglalarawan ni Adeniyi (2000) sa wika:
 
[It is] the ogbono soup that draws its amala through the esophagus to the stomach.
When chanted, the word becomes encantation; when rhymed and undulated, it becomes a
song; when solemnized, it becomes a prayer; and when vulgarized, it becomes an offense.

 Idinagdag pa ni Adeniyi (2000) na ang wika ay may:

…pervading power…to manipulate and depending on whose purpose it is meant to
serve, to unleash unmitigated dehumanization on its victim.
Filipino Bilang Wika ng Bayan
 Wika ang nagdadamit sa ating kamalayan. Ang mga ideya ay nabubuhay dahil
sa wika. Ito ang nagbibigay-katawan sa kaluluwa. Wika nga ni Samuel
Johnson, Language is the dress of thought. Pinangalawahan pa ito ni Thomas
Carlyle na nagsasabing Language is the garment of thought, however it
should rather be, language is the flesh-garment, the body of thought
(Encyclopedia Supplement, Living Webster Encyclopedic Dictionary of the
English Language, 1974).
 Bawat pahayag ay nabubuo sa pamamagitan ng malikhaing paggamit ng mga
salita, tulad ng isang arkitekto o pintor na gumuguhit ng mga larawan sa
pamamagitan ng mga salita. Bawat sitwasyon, bawat gawain, bawat bagay, o
sabihin pa, anumang kayang buuin sa isipan ng tao ay may katumbas na
salita; ngunit kahit sa isang senaryo’y maaaring may dalawang salitang
magamit upang mailarawan ang isang bagay o maipahayag ang isang
sentimyento – ang isang maaaring favorable o positibo at ang isa’y maaaring
nakaiinsulto o negatibo. Dito nagsisimula ang pulitika ng wika.
Filipino Bilang Wika ng Bayan
 May wika sa pulitika, oo, at hindi maitatatwa ito. Sa mga kampanya at mga
talumpati ng mga pulitiko, saan mang panig ng daigdig, wika ang kanilang
gamit upang makaakit ng mga tagasunod at botante. Kung pakasusuriin ang
salitang pulitika, maiuugnay dito ang mga salitang tulad ng lakas, pwersa,
kapangyarihan. Hindi nga ba’t sa daigdig ng pulitika, ang malakas, ang
mapwersa, at makapangyarihan ang karaniwang nananaig? Samakatwid,
pulitika ang instrumento sa paglikha ng kapangyarihan. Ngunit paanong
napasok ang pulitika sa wika? Ganito ang sagot nina Fortunato at Valdez
(1995):
 Wika ang kasangkapan sa pagbabagong anyo ng pulitika at kapangyarihan
sa isipan at puso ng tao. Hindi kongkreto ang lakas ng wika, at ito’y
pangkaisipan. Sa mabisang gamit ng wika, nakaaapekto ito at napakikilos
tayo.
Filipino Bilang Wika ng Bayan
 Samakatwid, kapangyarihan ang nag-uugnay sa pulitika at wika. Kung sa
pulitika’y kapangyarihan ang bunga ng mabisang paggamit ng wika, sa
wika nama’y kapangyarihan ang dahilan ng impluwensya ng wika sa ibang
tao. Kung gayon, bawat gumagamit ng wika ay isang pulitiko (Lakoff,
1970; binanggit nina Fortunato at Valdez, 1995), sa pamamagitan ng
pagmamanipyuleyt sa wika sa tuwing gagamitin ito. Sinasadya man o
hindi, maging sa pang-araw-araw na komunikasyon, lumilitaw ang
ugnayang wika-kapangyarihan at ang pagnanasang makamit ang layon ng
isang transaksyon. Ito marahil ang isa sa mga dahilan kung bakit sinabi ni
Aristotle na Man is a political animal (Encyclopedic Supplement, Living
Webster…, 1974).
Filipino Bilang Wika ng Bayan

Wikang Filipino: Tugon sa malinaw na programa sa Tuwid

na Landas

Ang bansang Pilipinas ay isa sa pinakacorrupt na bansa sa Asya. Sa

katotohanang ito nakakaranas ng gutom at kahirapan ang mga mamamayang
Pilipino.
Upang matugunan ang problemang ito naglunsad ang gobyerno ng mga
programa at proyekto ngunit hindi lahat ay nagtagumpay dahil sa hindi ito
naintindihan ng mga mamamayang Pilipino dahil wikang Ingles ang
kadalasang ginagamit sa pagsulong nito na dapat sana ay wikang Filipino.
Filipino Bilang Wika ng Bayan
Wikang Filipino: Tugon sa malinaw na programa sa Tuwid na
Landas

Ang bawat programa ng pamahalaan ay may katunbas na mabuting

mithiin. Upang makamit ito kinakailangang maintindihan at maisapuso ang
bawat mamamayan ng sa ganon maging positibo ang pakikilahok at pakikiisa
sa pagtaguyod nito.
Sa pagtugon ng bawat tao sa proyekto at programa ng gobyerno nasisiguro
na ang mithiin nito ay makakamit ng mamamayang Pilipino at ang bawat
Pilipino ay nakakasiguro na ang tuwid na landas na minimithi ng
Administrasyong Aquino ay may mabuting maidudulot sa kinabukasan nila.
Filipino Bilang Wika ng Bayan
Wika ang Instrumento sa mga Patakarang Pangkaunlaran at
Pangkatarungan

Ang wika ang siyang ginagamit upang makapagsabi ng mga opinyon at

damdamin at makapagbigay ng mga impormasyon. Kung walang wikang
pambansa, ang  mga tao ay hindi magkakaintindihan at hindi
makapagpapalitan ng mga opinyon at damdamin. Kung walang wikang
pambansa, wala ring komunikasyon at pagkatuto, at wala ring pagkakaisa
ang mga tao.
Filipino Bilang Wika ng Bayan
Wika ang Instrumento sa mga Patakarang Pangkaunlaran at
Pangkatarungan

Ang mga batas at patakaran ng bawat institusyon at lugar ay nagsisilbing

gabay ng bawat Pilipino sa araw-araw nilang pamumuhay ng sa ganon maging
maayos at matiwasay ang pamumuhay nito. Ngunit paano naman masusunod
ang isang batas kung hindi mo ito naiintindihan?
Kaya nga mahalaga na ang mga batas at ordinansa ay nasusulat sa iisang
wikang naiintindihan ng lahat upang makasunod ang lahat ng tao at maiwasan
ang kaguluhan.
Ang Kaunlaran at Katarungan ay makakamit ng bawat mamamayan kung
lahat ay nagtutulungan at nagkakaunawaan.
Filipino Bilang Wika ng Bayan
Wika sa Pagpapatupad ng Kaunlaran at Disiplina ng Bayan

Ang wika ay sumasalamin sa ating pagka-Pilipino, ito ang nakatali sa ting kultura at
nagsasabu kung sino tayo.
Maituturing na hindi makabayan ang isang tao kung ikinahihiya niya ang sariling wika.
Ang bagay na ito ay dapat mapagliming mabuti ng mga kababayan natin na walang
pagmamahal at pagpapahalaga sa sariling wika.
Sa kahalagahan at importansya ng Wikang Filipino, ipakita natin ang ating pagmamahal
sa sariling wika bilang mamamayang Pilipino . Tungkulin natin ang pagtaguyod at
paglaganap nito sa pamamagitan ng mabisang pag gamit nito sa ating pakikisalamuha sa
ating kapwa tao. Isa alang-alang natin ang mabuting hatid nito sa pamumuhay ng tao sa
kaunlarang dulot nito sa pang- ekonomiya, pangrelihiyon, pampulitika, pang-edukasyon at
panlipunan. Hinuhubog nito ang ating pagkatao sa larangan ng edukasyon kung kaya
naging matagumpay tayo at nagging kilala sa buong mundo.
Filipino Bilang Wika ng Bayan

Wika sa Pagpapatupad ng Kaunlaran at Disiplina ng Bayan

Sa pangkalahatan ang wika ay nakatutulong sa pag-unlad ng isang bansa.

Ito'y isang mabisang instrumento sa pambansang pagkaka- unawaan at
pagkakaisa ng mga mamamayan kaya ang Wika ay itinuturing na isang
kaluluwa at kayamanan ng ating bansa. 
Filipino Bilang Wika ng Bayan
Pagpapahalaga sa Pambansang Wika

Filipino, pambansang wika ng Pilipinas. Ang Filipino ay ginagamit

karamihan sa mga rehiyon ng Luzon. Ang wikang Filipino ay kapamilya ng
lengguwaheng Awstronesyano.
Ngunit ang wikang Filipino ay unti-unti nang nawawala dahil ang ibang
Pilipino ay kailangang pumunta sa ibang bansa upang magtrabaho at
makakuha ng malaking pera para may makain at matustusan ang pamilya na
naiwan sa Pilipinas. Nawawala din ang wikang Filipino dahil ang ginagamit na
salita ng ibang bansa ay wikang Ingles. Kailangan nilang magpraktis upang
makihalubilo sa ibang tao na nakapalibot sa kanila at dahil dun ay unti-unti
nilang nakalimutan ang wikang Filipino.
Filipino Bilang Wika ng Bayan

Pagpapahalaga sa Pambansang Wika

Kaya ang ating gobyernotaon-taon ay nagpapadaos ng buwan ng wika

upang masaksihan, mapreserba, at para mabigyan ng halaga ang wika nating
Filipino.
Kahit na nag-aaral tayo ng Ingles sa ating klase ay dapat pa rin nating
matutuhan ang ating wika dahil ang ating wika ay sariling atin at walang
pwedeng kumuha nito.
Lahat ng Pilipino ay may tungkulin. Dapat nating pagyamanin at mahalin
ang ating wika sapagkat atin ang wikang ito.
Filipino Bilang Wika ng Bayan
 Sinasabing kung wala ang wika, hindi magiging maayos ang daigdig.
Magkakanya-kanya na lang ang mga tao sa mundo dahil mahihirapang
makipagkomunikasyon and tao sa isa’t isa. Hindi maaaring laging
magkatugma ang mga kahulugan ng mga senyas na kanilang ginagawa o
gagawin.

 Wika ang naging pundasyon upang umusad ang sibilisasyon at ang

pamayanan ay maging maayos sa pamamagitan ng mga panuntunan, mga
batas at regulasyong pinaiiral. Ang kultura ng bayan ay hindi mapepreserba
dahil walang rekord kung paano naging ganito o gayon ang mga bagay sa
ating paligid.
Filipino Bilang Wika ng Bayan
 Wika ang naging tagapanuto sa lahat ng gawain sa lipunan. Ang mga
pinuno/lider ng bayan ay hindi makapag-eestablis ng ugnayan sa mga
nasasakupan upang matamo ang lahat ng adhikain ng bayan kung walang
wikang sa kanila’y bibigkis.

 Sa maraming pagkakataon, wika ang panagot ng bayan upang makamit ang

kapayapaan, pagkakaisa at pagkakaunawaan. Bagama’t kung minsan, wika
rin ang nagiging sanhi nang hindi pagkakaunawaan lalo’t kung iba ang
interpretasyong ibinibigay ng tao sa mga mensaheng naririnig.
Filipino Bilang Wika ng Bayan
 At upang maging maunlad ang isang bansa, kailangan ang isang wikang
sinasalita at naiintindihan ng marami upang sumulong ang kanyang
industriya, kalakalan at produksyon.

 Walang tigil ang paglinang sa Wikang Filipino. Lahat tayo ay may papel sa
kanyang pagyabong dahil sa wika tayo nagkakaunawaan at ito ang
identidad ng ating lahi, kaya marapat lamang na ang wikang ito ay ating
ibantayog at ipagmalaki.