Kaligirang Pangkasaysayan ng

Maikling Kuwento sa Daigdig

Mauugat ang pag-unlad ng maikling
kuwento bilang genre ng panitikan sa
matatandang salaysayin. Dahil wala
pa namang konsepto ng propesyonal
na manunulat noong unang panahon,
karamihan ng matatandang
salaysayin ay nasa tradisyong
pasalita.
 Alamat, kuwentong tungkol sa
pinagmulan ng mga bagay, pook, at iba
pa;
 Pabula, kuwentong ang mga tauhan ay
pawing mga hayop na nagtataglay ng
ugali ng tao;
 Kuwentong bayan, salaysay na tungkol
sa iba’t ibang uri ng tao sa lipunan;
 Mito, salaysay tungkol sa diyos at
diyosa at mga nilalang na may
kakaibang kapangyarihan;
 Epiko, isang mahabang tulang
pasalaysay tungkol sa kabayanihan at
pakikipagsapalaran ng isang baganing
nagtataglay ng kapangyarihan.
 Kilalang mangangatha ng kuwento sa daigdig

Homer na kumatha ng Iliad at Odyssey;

Ovid, isang Romano na kumatha ng mga
kuwentong ibinatay sa mitolohiyang
Griyego, ang Metamorphosis;
Aesop na siyang pinagkakautangan ng mga
unang pabula sa daigdig.
Gitnang Silangan
 Ang dakilang epiko ni Gilgamesh na
naisulat libong taon BCE na ang nakaraan,
ang The War of the Gods, The Story of
Adapa, at mga salaysaying Canaannite na
The Heavenly Bow at The King Who
Forgot ay mga kuwentong naiukit sa clay
tablet gamit ang cuneiform bilang panulat.
Arabia
 1001 Arabian Nights -
kalipunan ng mga kuwentong-
bayan ng Gitnang Silangan.
Nabuo ito sa panahon ng
Gintong Panahon ng Islam.
England
 Kinilala si Geoffrey Chaucer sa kaniyang
Cantebury Tales, isang kalipunan ng mga
kuwento mula 1387 hanggang 1400.
Nagsalaysay ito ng mga paglalakbay ng mga
peregrino papuntang Cantebury, England.
 Peregrino- nagbibigay ng kuwento upang
malibang sila sa kanilang paglalakbay.
Italya
 Decameron ni Giovanni Boccaccio ang itinuturing
na pasimula ng maikling kuwento sa wikang
italyano.
Decameron -koleksiyon ng mga kuwento tungkol sa
pitong kabataang babae at tatlong kabataang lalaki na
nagtungo sa Florence at namalagi sa isang bahay-
paupahan sa Fiesole. Ang mga kuwento at
ibinabahagi ng 10 tao sa bawat araw kaya naman ang
koleksiyong ito ay binubuo ng 100 kuwento.
Amerika

 Naging bantog ang The Legend of

the Sleepy Hollow at Rip Van
Winkle ni Washington Irving.
Kinilala si Irving bilang “unang
Amerikano ng panitik.”
 Isinilang bilang lehitimong
genre ng panitikan ang
maikling kuwento noong
ika-19 siglo bilang bunga ng
edukasyon at pag-usbong ng
mga magasin at pahayagan.
 Ayon kay William Boyd sa kaniyang
artikulong online na A History of a
Short Story, mauugat ang maituturing
na unang maikling kuwento kay Walter
Scott ng United Kingdom, sa kaniyang
The Two Drivers na nailimbag noong
1827 sa Canongate.
 Ayon pa rin kay Boyd (2006), si
Edgar Allan Poe ang siyang unang
nagsuri ng pagkakaiba ng maikling
kuwento at nobela. Makaraang masuri
ni Poe ang Twice-Told Tale ni
Nathaniel Hawthorne, nakita niya na
may tatlong katangian ang isang
maikling kuwento.
 Una, maikli lamang at natatapos
basahin sa isang upuan;
 ikalawa, may buong banghay
ukol sa pangunahing tauhan;
 ikatlo, nag-iiwan ito ng isang
kakintalan o impresyon
 Narating naman ng maikling
kuwento ang rurok ng katanyagan
bilang genre ng panitikan sa
panahon ni Anton Chekhov, ang
itinuturing na “pinakamahusay na
manunulat ng maikling kuwento”
sapagkat binago ni Chekhov ang
naratibo.
Nagiging higit na makatotohanan ang akda
kapag hindi pormulado o de kahon. Ang
maiikling kuwento ni Chekhov ay karaniwang
nagpapakita ng pagdurusa ng tao gaano man
siya kabuti. Lagi ring nakatatagpo ng kamalasan
sa buhay ang kaniyang tauhan. Samakatwid,
ang mga maikling kuwento ay kasasalaminan
ng mga pangyayaring totoo sa buhay ng tao,
magagandang pangyayari man ang mga ito o
isang kasawiampalad.