ni Henry W. Longfellow Salin sa Filipino ni Rufino Alejandro ISANG SALMO NG BUHAY Huwag mo nang ulitin iyang malungkot mong sinasambit-sambit Na ang buhay nati’y walang kahulugan, isang panaginip; Palibhasa’y patay, wika mo,ang isang taong naiidlip, At anino lamang ang lahat ng ating mga namamasid. ISANG SALMO NG BUHAY Hindi pagsasaya at di rin pagluha ang hantungang layon Nitong buhay natin, o pag-uukulan ng ating panahon, Kundi ang gumawa upang bawat Bukas ay maging mayabong, Maging mabulaklak at maging mabungang hit kaysa Ngayon. ISANG SALMO NG BUHAY Malawig ang sining,at ang mga araw ay limbas ang kabagay, At ang puso natin, kung matipuno man at may iwing tapang, Ay tumutibok nga, ngunit tibok naming malabo’t marahan, Tulad ng malungkot na tugotg ng tambol, patungong libingan ISANG SALMO NG BUHAY Sa mundong laranga’t tanghalan ng madling mga tunggalian, Sa tinatahak mo na parang ng digma’t larangan ng Buhay, Huwag mo nang hintaying ikaw ay itulak at ipagtabuyan, Pumagit nang kusa’t magpakabayani sa pakikilaban. ISANG SALMO NG BUHAY Paganda-ganda man, huwag magtiwala sa ganyak ng Bukas! Kahapong nanaw na’y bayaang malibing sa kaniyang lumipas! Ang marapat gawin ay kumilos Ngayon, gumawa, tumuklas, Loob ay tibaya’t iasa sa Diyos ang lahat at lahat. ISANG SALMO NG BUHAY Paganda-ganda man, huwag magtiwala sa ganyak ng Bukas! Kahapong nanaw na’y bayaang malibing sa kaniyang lumipas! Ang marapat gawin ay kumilos Ngayon, gumawa, tumuklas, Loob ay tibaya’t iasa sa Diyos ang lahat at lahat. ISANG SALMO NG BUHAY Ang buhay ng mga darakilang tao’y nagbibigay-aral Na maari ring mapagin dakila itong ating buhay, At pagyaon natin, sa ating nilandas tayo’y mag-iiwan Ng bakas na tanda, na doon, nang minsan, tayo ay nagdaan; ISANG SALMO NG BUHAY Mga bakas yaong marahil kapagka napansi’t namalas Ng isang nabagbag na kapatid natin sa dagat ng palad, Ay baka sakaling loob na nanghina’y pagsaulang-lakas, Sila’y manumalik, magbagong-panata, at muling lumayag. ISANG SALMO NG BUHAY Kaya nga halina, tayo ay kumilos, tumuklas, gumawa, Ihanda ang loob sa magiging hanggang dulot ng tadhana. Huwag maglulubay sa pagtataguyod ng ating adhika, Matutong maghintay, matutong magtiis, matutong magtiyaga! Maraming Salamat at Paalam!