Filipino 1

Quarter 3
Week 3
 ARALIN 3: Pagsulat Nang may Wastong Baybay at
bantas ang Paksa ng Talata at Tula
Mga Inaasahan:

Inaasahan na sa pagtatapos ng aralin ay malilinang sa iyo ang

sumusunod na kasanayan:
1. Naisusulat nang may wastong baybay at bantas ang mga
salitang ididikta ng guro (FLWG.llg-i-3)
2. Naibibigay ang paksa ng talata at tula (FLWG-llg-2)
Ang sagot sa bawat pagsasanay at gawain ay ilalagay sa
nakalaang sagutang papel.
Bago ka magsimula sagutin mo muna ang unang gawain. Handa
ka na ba? Huwag kang mag–alala madali lang ito. Kayang kaya
mo itong sagutan.
Paunang Pagsubok
Basahin ang talata at sagutan ang mga tanong na kasunod nito.
Piliin ang titik ng tamang sagot.

Isang araw, si Isabella ay isinugod sa ospital.

Kailangan daw masalinan siya ng dugo dahil siya ay
nakagat ng lamok na may Dengue. Tinulungan sila ng
mga kapitbahay nila upang makahanap ng dugo.
“Sina Titser Ligaya, ang aking tatay, at ang aming
punongguro ay nagbigay din ng dugo para kay
Isabella.” ang sabi ni Arlyn.
 Sagutin ang mga tanong:
1. Sino ang nagsasalita sa tekstong binasa?
A. Titser Ligaya B. Arlyn C. Isabella
2. Ano ang ginawa ng mga taong nabanggit sa teksto?
A. nagbigay ng regalo kay Isabella
B. nagbigay ng tulong kay Isabella
C. nagbigay ng dugo kay Isabella
3. Nagbigay din ng dugo si ______ Ligaya. Ano ang wastong baybay ng salita na maaaring
gamitin natin upang punan ang patlang?
A. Tetsir B. Titser C. Tetser
4. Nagbigay ng dugo sina Titser Ligaya, tatay, at ang punongguro kay Isabella. Anong bantas
ang ginamit sa pangungusap? A.tuldok B. kuwit C. tandang pananong
5. Ano ang pinag-uusapan sa talatang binasa?
A. ang pagkakasakit ni Isabella
B. ang kabutihan ng mga taong nakapalibot kay Isabella
C. ang kaibigan ni Isabella na si Arlyn
Balik-tanaw:
Basahin ang tula at punan ng wastong salita ang mga patlang. Piliin
ang sagot sa loob ng kahon.
Siya ako ikaw
Ako ay may Kaibigan
1. ____ay may kaibigan Kasama ko kahit saan.
Mula sa paggising
2. ____ ay ang aking kapiling.
At paghiga ko sa kama
Kasama ko pa rin
3. ____. Ngunit, isang araw, aking natuklasan Kung paano ko
4. _____ tatakasan.
Kapag pala ang ilaw ay pinatay ko Nawawala siya nang
tuluyan. 5. _____, alam mo ba kung sino Ang kaibigan kong ito?
Pagpapakilala sa Aralin
Sa araling ito ay mababasa mo ang isang kuwento tungkol sa pagkakaisa
ng mga tao sa isang komunidad. Pag-aaralan mo rin ang iba’t ibang
bantas at ang pagsulat ng may wastong baybay.
Handa na ba kayong matuto? Tayo nang magsimula!
Ang Pamilya Cruz
Ang pamilya Cruz ay bagong lipat sa Barangay Maasin. Tapon dito! Tapon
doon! Iyan ang ginagawa nila sa kanilang mga basura. Kaya naman naging
tirahan na ito ng mga lamok at insekto.
Isang araw, nagkasakit ang nag-iisang anak sa pamilya. “Tulong! Tulong!”
sigaw ni Gng. Cruz.
“Anak, anong nangyayari sa iyo?” pag-aalalang ni G. Cruz. Dali-dali naman
tinulungan ng mga tao ang pamilya Cruz
upang maisugod sa ospital ang bata. Ito ay nagkasakit mula sa kagat ng
lamok na may dalang Dengue Virus.
Ang paksa ang pinag-uusapan sa talatang binabasa o pinakikinggan. Mahalagang malaman natin
ang paksa o pinag- uusapan sa talata/tekstong ating binasa upang madali natin itong maunawaan.
Sa pagsusulat, dapat alam natin ang wastong baybay ng mga salita at ang mga bantas.
Narito ang iba’t ibang uri ng bantas:
1. Tuldok (.)- ginagamit ito sa katapusan ng pangungusap na paturol, pasalaysay, at pautos.
Halimbawa:
Igalang natin ang pambansang awit.
2. Tandang Pananong (?)- ginagamit sa pangungusap na patanong.
Halimbawa:
Ano ang pangalan mo?
3. Tandang Padamdam (!) - ginagamit sa hulihan ng isang kataga, parirala o pangungusap na
nagsasaad ng matindi o masidhing damdamin.
Halimbawa:
Aray! Naapakan mo ang paa ko.
4. Kuwit (,)- ginagamit ang kuwit sa paghihiwalay ng isang sinipi. Halimbawa:
Kumain ka ng itlog, gulay, at sariwang bungang-kahoy.
May ilang gawain pa akong inilaan para sa iyo upang maipakita mo ang iyong mga natutuhan sa
aralin.
 Mga Gawain:
Gawain 1.1
Gumamit nang wastong bantas sa sumusunod na pangungusap. (.?!)
 Tandaan:
Matapos mong pag-aralan ang iba’t ibang uri ng
mga bantas, pagsulat ng wastong baybay at
pagbibigay ng paksa, narito ang mga dapat mong
tandaan.
* Sa pagsulat, kailangan suriin natin nang mabuti
ang mga salita o pangungusap. Gumagamit tayo
ng iba’t ibang pananda depende sa nais ipahayag
ng pangungusap. Kung ididikta ng guro ang
pangungusap, tiyakin na maisusulat ito nang may
wastong bantas at baybay.
* Upang maibigay natin ang paksa ng talata o
tekstong binasa, dapat basahin natin ito nang
mabuti.
 Pag-alam sa mga Natutuhan:
Sumulat ng isang talata tungkol sa nakahahawang sakit gamit ang
malaki at maliit na letra nang may wastong baybay at angkop na
bantas. Mag-isip ng sariling pamagat.
____________________
__________________________________________________________
__________________________________________________________
__________________________________________________________
__________________________________________________________
__________________________________________________________
Pamantayan:
1. Nakasusulat ng talata na may wastong baybay at angkop na bantas.
2. Malinaw na naipahahayag ang paksa ng talata
3. Malinis at maayos ang pagkakasulat
5- Napakahusay
3 - Mahusay
1- Dapat paunlarin
 Pangwakas na Pagsusulit:
Basahin ang tula.
Sagutin ang mga tanong tungkol dito.

Ako ay Pilipino

Sa tindig at anyo
Ako ay Pilipino
Sa kulay at dugo
Sinilangang bansa
Maganda’t sagana
May sariling wika
Na sinasalita.
Pangwakas na Pagsusulit:Tanong:
1. Tungkol saan ang tulang binasa?
A. sa katangian ng isang Pilipino
B. sa paglalarawan sa bansa
C. sa wikang sinasalita ng mga tao
2. Sino ang inilalarawan sa tula?
A. ang mga Amerikano
B. ang mga Koreano
C. ang mga Pilipino
3. Maraming hayop at ibon sa kagubatan. Anong bantas ang ginamit sa
pangungusap?
A. tandang pananong B. tuldok C. kuwit
4. Alin sa sumusunod na pangungusap ang may wastong baybay at bantas?
A. Ang mga tau ay masisipag? B. ang Mga tao ay masisipag. C. Ang mga tao ay
masisipag.
5. Isulat ang pangungusap sa ibaba nang may wastong baybay at bantas.
mayaman sa mga Likas na yaman ang ating Bansa.