መልክዓ ቁርባን በእዝል ዜማ

ካህን
ሰላም ለኪ እንዘ ንሰግድ ንብለኪ፣
ማርያም እምነ ናስተበቁዓኪ፣
ሕዝብ
እምአርዌ ነአዊ ተማህጸነ ብኪ፣
በእንተ ሐና እምኪ ወኢያቄም አቡኪ፣
ማህበረነ ዮም ድንግል ባርኪ
ካህን
ናዛዚትነ እምሐዘን ወኀይለ ዉርዙትነ እምርእሳን ፣
በማኅጸንኪ ተጸውረ ብሉየ መዋዕል ኅጻን፣
ሕዝብ
ኦ ማርያም ተስፋ ለቅቡጻን ፣
በጊዜ ጸሎት ወእጣን ወበጊዜ ቅዱስ ቁርባን፣
ለናዝዞትነ ንኢ ሐበዝ መካን፣
ካህን
ወላዲተ አምላክ ማርያም እንበለ ሰብሳብ ወሩካቤ፣
በይነ ዘአቅረብኩ ለኪ ንስቲተ ቃላ ይባቤ ፣
ሕዝብ
ፈትቲ እሙ በረከተ አፉኪ ሙኃዘ ከርቤ፣
ለነዳይ ብእሲ ወለዘረከቦ ምንዳቤ ፣
ኅብስተከ ፈትት ኢሳይያስ ይቤ ፣
ካህን
ይወርድ መንፈ ስቅዱስ በላዕለ ኅብስቱ ወወይኑ
ሶበ ይብል ካህን ጸጋ መንፈስ ቅዱስ ፈኑ
ሕዝብ
ማዕከለ ዛቲ ቅድስት ቤተ ክርስቲያኑ፣
ይዌልጦሙ በቅጽበት አባላተ ክርስቶ ይኩኑ፣
በኃለ ጥበቡ መንክር ወእጹብ ኪኑ
ካህን
ሰላም ለክሙ ጻድቃን ወሰማዕይት፣
እለ አዕረፍክሙ በዛቲ ዕለት ፣
ሕዝብ
መዋእያነ ዓለም አትሙ በብዙኀ ጸሎት፣
ሰአሉ ቅድመ ፈጣሪ በኩሉ ሰአት
እንበለ ንስሐ ኪያነ ኢይንሳዕ ሞት፣
ካህን
ሰላም ለክሙ ጻድቃነ ዛቲ ዕለት ኩልክሙ ፣
እድ ወአንስት በበአስማቲክሙ፣
ሕዝብ
ቅዱሳነ ሰማይ ወምድር ማኀበረ ሥላሴ አንትሙ፣
ዝክሩነ በጸሎት ክሙ በእንተ ማርያም እሙ፣
ተማህጸነ ለክርስቶስ በስጋሁ ወበደሙ፣
ካህን
እግዚኦ ኩነኔከ ሀባ ለሐገር ፣
ወጽድቀከኒ ለቤተክርስቲያን፣
ሕዝብ
አግርር ጸራ ታህተ እገሪሃ ፣
ዕቀብ ንግሣ ፣
ወሰራዊታ ለሐገሪትነ ኢትዮጵያ፣