• 1.) Crust - matigas at mabatong bahagi ng planeta
na umaabot ang kapal mula 30-65 kilometro palalim mula sa mga kontinente. Ito ay may kapal lamang na 5-7 km sa karagatan. • 2.) Mantle - isang patong ng mga batong napakainit kaya malambot at natutunaw ang ilang bahagi nito. • 3.) Core - kaloob-loobang bahagi ng daigdig na binubuo ng mga metal tulad ng iron at nickel. • Ang daigdig ay may plate o malalaking masa ng solidong bato na hindi nananatili sa posisyon. Sa halip, ito ay gumagalaw na tila mga balsang inaanod ng Mantle. Napakabagal ng paggalaw ng mga plate na ito. Sa katunayan, umaabot lamang sa 5 sentimetro (2 pulgada) bawat taon. Gayunpaman, ang paggalaw at ang paguumpugan ng mga ito ay napakalakas at nagdudulot ng mga paglindol, pagputok ng mga bulkan at pagbuo ng mga kabundukan. Ito rin ang makapagpapaliwanag kung bakit sa loob ng milyon-milyong taon, ang posisyon ng mga kontinente ay pabago-bago. (Blando et.al, 2014) Tectonic Plate • Ang daigdig ay may 4 na hating globo: • ▪ Ang Northern at Southern Hemisphere na hinahati ng Ekwador. • ▪ Ang Eastern at Western Hemisphere na hinahati ng Prime Meridian. • Grid ng Daigdig • Ang hugis ng daigdig ay oblate spheroid na nagiging patag sa mga polo kung ito ay kaharap mo. Maaaring matukoy ang lokasyon ng isang lugar sa globo o mapa sa paraang absolute, astronomikal o tiyak. • Tinatawag na longitude ang distansyang angular na natutukoy sa pagitan ng dalawang meridian patungo sa silangan o kanluran ng Prime Meridian. • Ang Prime Meridian ay itinalaga bilang zero- degree longitude. Ito ang likhang-isip na guhit na humahati sa globo sa silangan at kanlurang hemispero. • Ang latitude ay ang distansyang angular sa pagitan ng dalawang parallel patungo sa Hilaga o Timog ng Ekwador. • Ang ekwador ay ang likhang-isip na guhit na humahati sa globo sa Hilaga at Timog na Hemispero. Ito ay itinatakda bilang zerodegree latitude. • Ang mga Espesyal na palihis na linya ay may kaugnayan sa posisyon ng mundo sa pagtalunton ng kanyang orbit habang ito ay lumiligid sa araw. Ang mga ito ay: 1. Tropiko ng Kanser (Tropic of Cancer) Ito ang palihis na linya na nasa 23.5-degree ng hilagang ekwador. Pinakahilagang hangganan nito na naabot ng bertikal na sinag ng araw sa hilagang hating-globo. 2. Tropiko ng Kaprikorn (Tropic of Capricorn) Ito ang palihis na linya na nasa 23.5- degree ng timog ekwador. Pinakatimog na lugar na naabot ng bertikal na sinag ng araw sa timog hating-globo. 3. Kabilugang Arktiko (Arctic Circle) Matatagpuan sa 66.5-degree hilaga ng ekwador. Ito ang pinakahilagang naaabot ng palihis na sinag ng araw. 4. Kabilugang Antarktiko (Antarctic Circle) Matatagpuan sa 66.5-degree timog ng ekwador. Ito ang pinakatimog na naaabot ng palihis na sinag ng araw. Klima • Ang Klima ay karaniwang panahon o average weather na nararanasan ng isang lugar sa loob ng mahabang panahon. Ito rin ay ang kalagayan o kondisyon ng atmospera na tipikal sa mga malalaking rehiyon o lugar sa matagal na panahon kung saan mahalaga ang papel nito. Nakapaloob dito ang elementong temperatura, ulan at hangin. Ang malaking bahagi ng ating planeta ay may kaaya- ayang atmospera at sapat na sinag ng araw, init at tubig upang matustusan ang pangangailangan ng mga halaman at hayop sa balat ng lupa. • Pangunahing mga salik sa pagkakaiba-iba ng mga klima sa daigdig: • a. natatanggap na sinag ng araw ng isang lugar depende sa latitude at panahon; • b. distansya mula sa karagatan; • c. taas mula sea level.