Sangay ng mga Paaralang Lungsod

MATAAS NA PAARALANG FLORENTINO TORRES

Daang Juan Luna, Gagalangin, Tundo, Maynila

Gng. Shella L. Barrozo G. Jolino Luis M. Dimalanta

Gurong Tagapamahahala Gurong Tagapamahahala
 Buwan ng Agosto, buwan kung kailan ipinagdiriwang ang Buwan ng Wikang
Pambansa. Kaugnay nito, nagkaroon ng pagdaraos ng mga patimpalak ang Kagawaran ng
Filipino ng Mataas na Paaralang Florentino Torres sa pamamagitan ng Kapisanan ng Diwang
Filipino. Layunin nito na maipamalas ng mga Torresian ang kani-kanilang talento pagdating
sa larangan ng wika at panitikan.
Isa sa mga patimpalak ay ang Pagbigkas ng Talumpati para sa
Baitang 9 at 10 na pinangasiwaan ng mga gurong tagamahala na sina Gng. Shella L.
Barrozo, Dalubguro I ng Baitang 9 at G. Jolino Luis M. Dimalanta, Guro II ng Baitang 9. Ito
ay naganap noong ika-30 ng Agosto taong 2022 sa Bulwagan ng Paaralan. Bago magsimula
ang patimpalak ay nagkaroon muna ng rehistrasyon ng mga kalahok.

Pormal na sinimulan ang patimpalak sa pamamagitan ng AVP o Audio Video

presentation ng panalangin, makabayang awit, at pagbibigay ng mensahe sa pangunguna ni
Gng. Ma. Pura S. Talattad, Punongguro IV. Ayon sa kanya, nagpapasalamat siya sa Panginoon
dahil nagkaroon muli ng pagkakataon na magniig ng aktuwal sa isang makabulahang gawain
gaya ng pagdiriwang ng Buwan ng Wikang Pambansa sa pamamagitan ng mga patimpalak.
Sa kanyang mensahe ay binigyang-diin din niya ang
 kahalagahan ng tema na dahil sa Wikang
Filipino at Wikang Katutubo ay
nagkaroon ng pagtuklas at paglikha na
siyang nakatulong sa buhay ng mga

Pilipino. Bilang panghuli,

pinasalamatan niya ang mga
mag-aaral na lumahok sa iba’t ibang
patimpalak at nawa’y ipagpatuloy ng mga ito ang pagmamahal sa wika at panitikan.

Sinundan naman ito ng pagkilala sa

mga inampalan mula sa loob at labas ng
paaralan. Ang mga inampalan ay sina Bb.
Jessica F. Barrientos, Guro I ng Baitang 7,
Gng. Irene A. Ilagan, Dalubguro I ng Mataas
na Paaralang Sergio Osmeña, at G. Virgilio G.
Sia, Dalubguro I ng Mataas na Paaralang
Lakandula bilang punong inampalan.

Matapos ipakilala ang mga kalahok ay

inilahad sa mga kalahok ang mekaniks at krayterya sa
pagmamarka sa patimpalak. Malinaw na nailahad na
mayroon lamang kabuuan na limang minuto ang
bawat kalahok sa pagbigkas ng kani-kanilang
nabuong pyesa sa talumpati na may kaugnayan sa
tema ng Buwan ng Wika.
 Nagkaroon ng palabunutan upang matukoy kung sino ang mauunang kalahok na
bibigkas ng kaniyang talumpati. Ito ay pinangunahan ni Sachie Marinette M. Torrente mula sa
Baitang 10 - Platinum na sinundan nina Francel Maine B. Montemayor mula sa Baitang 10 -
Silver, Guianna Meryz
L. Arano mula sa Baitang 10 - Tungsten, Jamydie B. Dumaguin mula sa Baitang 10 -
Copper, at Mariechon A. Cabangbang mula sa Baitang 9 - Silang.

Sa bahaging ito ay kinilala ang mga kalahok na nagsipawagi sa patimpalak na

makatatanggap ng Sertipiko ng Pagkilala, Medalya at Perang Pabuya. Ang Unang Gantimpala
ay si Francel Maine B. Montemayor mula sa Baitang 10 - Silver, Ikalawang Gantimpala
naman si Sachie Marinette M. Torrente mula sa Baitang 10 - Platinum, at Ikatlong
Gantimpala naman si Jamydie B. Dumaguin mula sa Baitang 10 - Copper. Maging ang mga
inampalan ng patimpalak ay makatatanggap din ng Sertpiko ng Pagkilala.
 Poster ng Mekaniks at Kraterya sa Pagmamarka

Rehistrasyon ng Patimpalak

Inihanda nina:

G. Jolino Luis M. Dimalanta Gng. Shella L. Barrozo

Guro II, Baitang 9 Dalubguro I, Baitang 9

Binigyang-pansin ni: Nabatid ni:

Bb. Lucelma O. Carpio Gng. Ma. Pura S. Talattad

Puno ng Kagawaran VI Punongguro IV