“ Si Lita Responsable “

Ya Escribe:
SHERRY ANN S. CORDERO
Na un silencio sitio aqui na Zamboanga ta
queda el Familia di Señor Pablo . El diutay
casa de ila cerca na canto del rio.
Bien limpio el alreredor del casa y fresco el
aire na de ila lugar.
Tiene un anak si Señor Pablo y si Señora Ana el
nombre si Lita.
Ele bonita y alegrota .Manada sila diferente
animal como el gato y perro que tiene blanco,
negro y chocolate.
Tiene tambien amarillo pato que tiene cuatro
anak. Manada maga frutas y gulay ta siembra el
familia di Señor Pablo.
Todo’l dia si Lita ta dale come con el de ila
maga animal. Bien responsable y buen bata si
Lita.
Ta ayuda ele rega maga siembra y mantene el
limpiesa alreredor del casa.
Ta come ele sustancioso comida poreso ele
mafuerza firmi.
Simple man el vida del familia di
Lita pero alegre sila junto junto.