Komunikasyon at

Pananaliksik sa Wika at
Kulturang Pilipino

Binibining Queen
Ang pananaliksik ay sistematikong pagkalap
ng datos upang malunasan ang isang problema
o masagot ang isang tanong. Ito ang mabisang
paraan ng tao upang muling matuklasan ang
mga dati nang kaalaman o makatuklas ng
mga bagong kaalaman na magpapahintulot
sa kaniyang mapahalagahan ang kasaysayan
at kultura, mapabuti ang kalidad ng buhay, at
malubos ang potensiyal ng kapaligirang ginagalawan
tungo sa isang mas magandang bukas.
Bagama’t mas kilala ang mga pananaliksik sa
agham, gaya ng ginagawang pagtuklas ng
mga bagong gamot, pagsisid sa kailaliman ng
dagat o paggalugad sa kalupaan upang
mapag-aralan ang iba’t ibang espesiye
(species) ng hayop at halaman, o
eksplorasyon sa kalawakan, ang pananaliksik
ay umiiral sa lahat ng larangan.
● Sa iyong palagay, marami kayang
naiaambag na bagong kaalaman ang
Pilipinas na bunga ng pananaliksik?
Gaano kaya kaproduktibo ang bansa
pagdating sa pananaliksik?