mga patakaran na ipinapatupad sa panahon ng kanilang pamamahala • Nang mailipat ng mga Espanyol sa mga Amerikano ang Pilipinas, itinatag kaagad nila ang isang Pamahalaang Militar. Inaatasan ng pangulo ng Amerika na si William McKinley si Hen. Wesly Merritt na manungkulan sa Pilipinas bilang unang gobernador–heneral. • Ang Pamahalaang Militar ay pinamunuan ng mga sundalo na ang layunin nito ay mapigilan ang mga pagaalsang maaring sumiklab sa bansa. • Binigyan si Hen. Wesly Merritt ng kapangyarihang tagapaghukom, tagapagbatas, at tagapagpaganap. Ipinagpatuloy ng mga Pilipino ang pagtatag ng Unang Republika ng Pilipinas ngunit hindi rin ito kinilala ng Amerika kahit man si Emilio Aguinaldo ay hindi pinakinggan ng mga Amerikano. • Patuloy na lumaban ang mga bayaning Pilipino kasama ang pangulong Emilio Aguinaldo ngunit nagpatupad ng mga patakaran ang mga Amerikano upang masupil ang Pilipinong hindi sumuko sa kanilang kapangyarihan. A . PATAKARANG PASIPIKASYON (PANUNUPIL) Ito ay mga patakaran at batas upang masupil ang mga diwang makabayan ng mga Pilipino. Nagpatupad din ang mga Amerikano ng mga batas na puspusang tumugis at nagpataw ng mabigat na kaparusahan sa kanila. 1. Batas Sedisyon o Sedition Law ng 1901 noong Nobyembre 4, 1901 Ito ay batas na nagpapataw ng parusang kamatayan o habambuhay na pagkabilanggo sa mga taong nagpapahayag ng paglaban at pagpuna sa pamahalaan at pangangasiwa ng mga Amerikano 2. Batas Brigansiya o Brigandage Act ng 1902 Ito ay nagpalaganap ng katawagang Bandido o Ladrones (magnanakaw) sa mga Pilipinong rebolusyonaryo. Dahil dito, dinakip ang sinumang mapaghinalaang naghangad ng kanilang sariling pamahalaan. Kabilang sa mga naging biktima ng batas na ito si Macario Sakay, na nagtatag ng Republika ng Katagalugan sa Timog Luzon. 3. Batas Rekonsentrasyon o Reconcentration Act noong 1903 Sa batas na ito binigyang awtoridad ng Gobernador Heneral ng Amerika ang mga gobernador na ilipat o irekonsentra ang mga residente sa mga bayan at lalawigan. Pinaniwalaan na pinamumugaran ng mga rebelde o ladrones (magnanakaw) ang malaking bayan ng munisipyo. Ito ang maging mabisang paraan upang dakpin ang mga rebeldeng pinuno at ilayo sa simpatiya at tulong ang mga mamamamyang Pilipino. 4. Batas Ukol sa Watawat o Flag Law ng 1907 Ito ay nauukol sa pagbabawal ng pagwagayway o paglabas ng lahat ng bandila, banderitas, sagisag o anumang ginamit ng mga kilusan laban sa pamahalaang Amerikano. Nagbago ang kaisipan ng mga Amerikano at pinayagang gamitin ng mga Pilipino ang sariling watawat sa anumang okasyon matapos ang pag-amenda sa batas makalipas ang labindalawang taon. B. Ang Pamahalaang Sibil Ang Pamahalaang Sibil ay itinatag ng Amerika sa ating bansa upang mailipat ang pamamahal sa Pilipinas sa kamay ng mga sibilyan. Layunin sa pamahalaang ito na sanaying makilahok ang mga Pilipino sa pamamahala ng sariling bansa at palawigin ang demokratikong pamumuno. Kaya nagtatag ang mga Amerikano ng patakarang Kooptasyon. Ano nga ba ang Kooptasyon? C. PATAKARANG KOOPTASYON (PILIPINISASYON)
Ito ay naglalayong unti-unting sanayin ang mga
Pilipino na maging kawaning pamahalaan. Binuo ang patakarang ito upang higit pang mapatatag ang patakarang pampulitika at pangkabuhayan sa unang dekada ng kanilang pananakop. 1. Reorganisayon ng Pamahalaan Iniutos ni Pangulong William McKinley ang paglalagay ng mga Pilipinong kawani sa mga Pamahalaang Munisipal sa pamamagitan ng pagboto. Ang mga Ilustrado ang karaniwang nahalal sa posisyon ng Pamahalaang Munisipal. Mga kwalipikasyon ng mga botante: • lalaking may edad 20-30 gulang • naninirahan ng higit kumulang anim na buwan sa lugar na pagbobotohan • nakahawak na ng lokal na posisyon sa bayan • may ari-arian na may halagang P500.00 • nagbabayad ng taonang buwis na P30.00 • higit sa lahat, nakababasa, nakasusulat at nakapagsasalita ng Ingles o Kastila 2. Unang Halalan sa Asembliya Ang pinakaunang halalan sa Asembliya ay nangyari noong Hulyo 1907. Ito ay pinasiyaanan noong Oktubre 22,1907 sa Manila Grand Opera House. Nahalal si Sergio Osmena Sr. bilang Ispiker at si Manuel L. Quezon bilang Lider ng Mayorya. 3. Pagbili ng mga Lupain ng mga Prayle Binili ng mga Amerikano ang naglalakihang lupain na pag-aari ng mga prayleng Kastila. Ang mga nabiling lupain ay naipagbili sa mga Pilipinong kasama sa bukid ngunit mas malaking bahagi ang naipagbili sa mga maykaya at dati ng may maraming lupa. Kasama rin sa kasunduan na unti-unting mapalitan ng mga Pilipino ang mga Kastilang pari sa praylokasya