Integrated School. Araw-araw naglilibot siya sa paaralan at bumibisita sa mga silid-aralan upang tiyaking malinis at maayos ang paligid at lahat ng guro ay nasa silid aralan at nagtuturo. Hindi nito ugali ang maupo sa klase at magmasid sa pagtuturo ng mga guro ng walang abiso. Karaniwang itinatakda at naayon sa kasunduan sa mga guro ang petsa at oras ng pagmamasid nito ng mga klase. Mas gusto ni Gng Cruz na siya’y iniimbita ng mga guro upang siya’y magmasid at magbigay ng kanyang opinyon sa pagtuturo ng mga ito. Malaki ang tiwala ni Gng Cruz sa kanyang mga guro. Karamihan dito ay siya mismo ang nagrekomenda. Marami rin sa kanila ay mga Master Teachers na. Gayunpaman, araw-araw sa kanyang paglilibot ay nakikita niyang may bakanteng upuan sa likod ng silid aralan ng isang guro sa unang taon.
Karaniwang naglalagay ng bakanteng upuan sa likod ng silid aralan ng mga klaseng nakatakda niyang obserbahan.
Araw-araw din, napansin ni Gng.
Cruz na masigla at ganadong- ganado sa pagtuturo ang gurong ito.
Marami itong mga audio-visual na
kagamitan sa kanyang pagtuturo. Masigla rin at wiling-wili naman ang mga mag-aaral ng gurong ito. Kaya nga lamang hindi naman nakatakda sa kanyang kalendaryo ang pagmamasid dito. Kataka- taka na minsan man ay hindi naman siya inimbita ng gurong ito na magmasid sa kanyang klase. “Ito kaya’y paraan niya para ako imbitahang magmasid?” nasabi na lamang ng punong- guro sa sarili.
Napagpasyahan nitong kausapin ang guro
tungkol dito at nang maitakda na ang pagmamasid niya rito; kahit na sa kanyang palagay hindi naman nangangailangan ng gabay ang mahusay na guro. Minsan ay nilapitan nito ang guro at sinabing, “napansin ko na araw- araw ay naglalagay ka ng upuan sa likod ng iyong silid-aralan; Nais mo bang magmasid ako sa klase mo?” Napangiti ang guro at magalang na nagsabi,
“Ang bakanteng upuan po ay hindi para sa inyo.
Iyon po ay paalala sa akin, na araw-araw
nagmamasid sa aking pagtuturo ang Diyos.
Ang upuan pong iyon ay para sa KANYA.
Para sa akin po ang bawa’t araw ay isang demo-teaching day, bilang