Suprasegmental at Di-berbal na Palatandaan ng Komunikasyon Ano sa palagay mo ang naging dahilan kung bakit naging epektibo o hindi epektibo ang tagapagsalita? Ano ang ipinapakita ng mga tulang panudyo, tugmang de gulong at mga bugtong sa pamumuhay ng mga Pilipino? Paano nakatutulong ang kaalaman sa suprasegmental at di-berbal na palatandaan ng komunikasyon? INAASAHANG PAGGANAP Sa pagtatapos ng araling ito, inaasahang na makasusulat ng sariling tulang panudyo, tugmang de gulong at palaisipan PAGBASA NG DAYALOGO Gabby: Kahapon ay nakinig kami sa seminar tungkol sa programa ng pamahalaan sa paglilinis ng paligid. Taglish ang ginamit sa pagsasalita ng mga tagapagsalita. Paula:Kahapon?Ang akala ko ay mamaya pa ang seminar na iyon? Gabby:Kasama ko sa pagpunta sa seminar si Raymond. Marami kaming natutunan kahit taglish ang pagsasalita nila. Paula:Ganoon ba? Galing ako sa paaralan ngayon, ang sabi ni Mr. Cruz, ang guro naming, hindi daw tama na gumamit ng taglish kapag formal ang okasyon, tulad ng seminar. Dapat daw ay purong Filipino ang gamitin o kaya naman ay purong Ingles. Para sa akin, tama siya. Ang galing ata niya! Gabby:Dapat nga, pero buhay naman ang naging talakayan. Maraming bagay tungkol sa buhay nating mga estudyante ang tinalakay doon. Paula:Mahirap ba unawain ang taglish? Gabby:Hindi mahirap unawain ang taglish? Iyon ang opinyon ko, ewan ko lang ang iba. Paula:Hindi, mahirap unawain ang taglish, iyan naman ang opinyon ko. Gabby: Huwag tayong magtalo. Anumang salita o lenggwahe ang gamitin, ang mahalaga ay nagkakaunawaan tayo, okey? Tungkol saan ang usapan? Ipaliwanag. Ang salitang kahapon ay dalawang beses na inulit sa pahayag. Alin sa dalawa ang nagpapakita ng pagdududa at alin naman ang nagsasalaysay? Sa pahayag na “Galing ako sa paaralan ngayon.” At sa pahayag na, “Ang galing niya!” Kung lalagyan ang mga salita ng haba at din ano ang kahulugan sa Ingles ng “Galing” at “galing” batay sa pagkakagamit sa pahayag. Ibigay o ipaliwanag ang pagkakaiba sa kahulugan ng sumusunod na pahayag dahil ginamit sa pahayag ang antala. 1. “ Hindi, mahirap unawain ang taglish.” Kahulugan:___________________ 2. “Hindi mahirap unawain ang taglish.” Kahulughan:_________________ Tapusin ang pahayag upang mabuo ang kaisipan ng araling tinalakay. Mahalaga ang papel na ginagampanan ng tono, haba, diin at antala sa ating pakikipagkomunikasyon sa ating kapwa sapagkat _________________. Gawin !!
Lumikha ng usapan tungkol sa buhay
estudyante na gagamitan ng suprasegmental at di-berbal na komunikasyon. Gawin !!
Magtala ng mga dalawang sitwasyon
na magpapaliwanag ng kahalagahan ng paggamit ng suprasegmental at mga di-berbal na palatandaan. Karagdagang Gawain 1. Magtala ng limang salita na may iba’t ibang haba at diin.Gamitin ang mga dalawang salita sa isang makabuluhang pangungusap.