PAGLINANG NG

KASANAYAN
Pagsusulit sa Filipino
Panuto: Basahin at unawaing mabuti ang mga sumusunod na
katanungan. Isulat lamang ang titik ng tamang sagot sa inyong
sagutang-papel. Sagutan ang bawat aytem sa loob ng kalahating
minuto.
1. Ano ang tawag sa unang paraan ng pagsulat?
A. Abakadang Tagalog C. Baybayin
B. Pinagyamang Alpabeto D. Alfabetong Filipino
2. Ano ang salitang-ugat ng salitang
“kabayanihan”?
A. Bayanihan C. Bayan
B. Kabayan D. Bayani
3. Ilan ang titik na bumubuo sa Alfabetong
Filipino?
A. 17 C. 31
B. 28 D. 25
4. Ano-ano ang panlaping ikinabit sa salitang
“Panitikan”?
A. Pang-, -an C. Pan-, -an
B. Pa-, -an D. -Pang, an-
5. Suriin ang salitang “eroplano”. Anong klaster
ang makikita rito?
A. pl C. no
B. er D. Walang klaster
6. Alin sa mga sumusunod ang hindi wasto ang
pagkabuo o walang kabuuang diwa?
A. Umuulan.
B. Nasagasaan ng kaibigan.
C. Magandang gabi!
D. Nahuli ako sa klase kanina.
7. Saan ang tamang paglalagay ng antala kung ang
pangungusap ay nagpapahayag ng pag-amin?
Hindi siya ang kumuha ng pera.
A. Siya C. Pera
B. Hindi D. Kumuha
8. Alin sa mga sumusunod na salita ang may
diptonggo?
A. Kasoy C. Yoyo
B. Kaliwa D. Tiwala
9. Alin ang tamang diin ng salita na angkop gamitin sa
pangungusap na nasa ibaba?
Nakakita ng kahapon si Joy kaya hindi siya
makatulog.
A. gábi C. labí
B. lábi D. gabí
10. May mga pagkakataon na maaaring palitan
ng ibang ponema o tunog ang isang salita nang
hindi magbabago ang kahulugan nito, tulad ng
_______.
A. ewan – iwan C. lalaki – lalake
B. tila – tela D. uso – oso
11. Sa pamamagitan ng iba’t ibang paraan, maaaring
makabuo ng mga pangngalan mula sa salitang-ugat
na ‘bayan’. Aling salita ang hindi dapat maisama sa
pangkat?
A. bayan-bayan C. kabayanan
B. balikbayan D. kabayanihan
12. May iba’t ibang posisyon ang pagkakabit ng
panlapi sa isang salita. Nasa anong uri ng panlapi
ang matatagpuan sa salitang “pagsumikapan”?
A. Hulapi C. Unlapi
B. Laguhan D. Gitlapi
13. Alin sa mga sumusunod ang HINDI tamang
pag-uulit na di-ganap o parsyal ng isang salita?
A. Uuwi C. Nakakatakot
B. Nakababaliw D. bali-baligtad
14. Ano ang kasingkahulugan ng matayog?
A. Malawak C. Malalim
B. Malaki D. Mataas
15. Alin sa mga sumusunod ang may karaniwan o
simpleng pagpakahulugan na pahayag?
A. Balimbing ang taong iyan.
B. Pakisabi sa kanya, salamat sa pasalubong!
C. Berde ang kanyang utak.
D. Iligtas mo sa putikan si Anna.
16. Anong pagbabagong morfofonemiko ang
naganap sa salitang “nilipad”?
A. Metatesis C. Pagkakaltas ng ponema
B. Asimilasyon D. Pagpapalit ng ponema
17. Ano ang salitang-ugat ng marunong?
A. runong C. unong
B. punong D. dunong
18. Anong pagbabagong morfofonemiko ang
naganap sa salitang “pamalo”?
A. Paglilipat-diin C. Asimilasyon
B. Metatesis D. Pagpapalit ng ponema
19. Alin sa mga sumusunod na pangngalan ang
inuulit?
A. sabi-sabi C. haluhalo
B. salusalo D. gamugamo
20. Saan ang tamang paglalagay ng antala kung ang
pangungusap ay nagpapahayag ng pagkagulat?
Uy ikaw pala iyan!
A. Uy C. pala
B. ikaw D. iyan!
21. “Naglaba si ate kanina”. Tukuyin ang ayos ng
pangungusap nito.
A. Karaniwang ayos C. Di-karaniwang
ayos
B. Kabalikang ayos D. Payak na ayos
22. Tukuyin ang tamang di-karaniwang ayos ng pangungusap sa
ibaba.
Magulong nagsialisan ang mga tao pagkatapos ng parada.
A. Ang mga tao pagkatapos ng parada ay magulong nagsialisan.
B. Pagkatapos ng parada ay magulong nagsialisan ang mga tao.
C. Magulong nagsialisan pagkatapos ng parada ay ang mga tao.
D. Ang mga tao ay magulong nagsialisan pagkatapos ng parada.
23. Tukuyin ang tamang karaniwang ayos ng pangungusap
sa ibaba.
Sina Eli at Diane ay bumili ng pagkain para sa mga
bisita.
A. Para sa mga bisita, bumili ng pagkain sina Eli at Diane
B. Bumili ng pagkain sina Eli at Diane para sa mga bisita.
C. Bumili ng pagkain para sa mga bisita sina Eli at Diane.
D. Para sa mga bisita kina Eli at Diane, bumili ng pagkain.
24. Isang paraan upang maipakita ang pagkakaiba
ng mga ponema o tunog ay sa pamamagitan ng
pares-minimal. Alin ang HINDI kabilang sa mga
nabanggit?
A. talon – talong C. botas – butas
B. punta – punda D. karsada – kalsada
25. May sadyang gamit ang gitling sa
palabaybayang Filipino. Alin ang di-dapat gamitan
ng gitling?
A. sino-sino C. paru-paro
B. de-lata D. ala-una
26. Ano ang tawag sa pinakamaliit na yunit ng
salita na nagtataglay ng kahulugan?
A. Ponema C. Sintaks
B. Morpema D. Semantiks
27. Alin sa pangkat ng salita ang ginamitan ng
gitlapi?
A. sumigaw, sinalo, tumawa, tumalon
B. pamalo, kalaro, sindami, pantali
C. aliw, basa, sulat, bayan
D. samahan, lakaran, inumin , laruan
28. Ito ay ang sistema ng pag-uugnay-ugnay ng mga
salita upang makabuo ng mga parirala at mga
pangungusap.
A. Sintaks C. Ponema
B. Morpema D. Semantiks
29. Sa anong artikulo at seksyon nakasaad na ang
pambansang wika ng Pilipinas ay Filipino?
A. Art. XVI, Sek. 6 C. Art. XVII, Sek. 6
B. Art. XIV, Sek. 6 D. Art. XV, Sek. 6
30. Aling pahayag ang tumutukoy sa kalagayan o
sitwasyon na ipinakikilala mo ang iyong kaibigan sa iyong
nanay at tatay.
A. Nay//ang kaibigan ko //tay.
B. Nanay//ang kaibigan//tatay ko.
C. Nay//tay//ang kaibigan ko.
D. Wala sa mga nabanggit sa itaas.
31. Nasa anong anyo ng pangungusap ang pahayag
sa ibaba?
Nagtanim ng gulay sa bakuran ang aking
nanay.
A. Tambalan C. Langkapan
B. Hugnayan D. Payak
32. Anong pokus ng pandiwa ang makikita sa
pangungusap sa ibaba?
Ipinampunas ko ng mga kasangkapan ang
basahang malinis.
A. Pokus sa Gamit C. Pokus sa Tagatanggap
B. Pokus sa Sanhi D. Pokus sa Layon
33. Nasa anong anyo ng pangungusap ang pahayag
sa ibaba?
Nagkasakit siya dahil sa labis na paghitit ng
opyo.
A. Tambalan C. Langkapan
B. Hugnayan D. Payak
34. Anong pokus ng pandiwa ang makikita sa
pangungusap sa ibaba?
Ibinili ko ng bagong aklat ang anak kong
mahilig magbasa.
A. Pokus sa Gamit C. Pokus sa Tagatanggap
B. Pokus sa Sanhi D. Pokus sa Layon
35. Anong pokus ng pandiwa ang makikita sa
pangungusap sa ibaba?
Kumain ng suman at manggang hinog ang bata.
A. Pokus sa Tagaganap C. Pokus sa Tagatanggap
B. Pokus sa Ganapan D. Pokus sa Sanhi
36. Nasa anong pokus ng pandiwa ang pahayag sa
ibaba?
Ipinagkasakit niya ang labis na paghitit ng
opyo.
A. Pokus sa Tagaganap C. Pokus sa Tagatanggap
B. Pokus sa Ganapan D. Pokus sa Sanhi
37. Alin ang tamang pangungusap na patanong na
hango sa batayang pangungusap na pasalaysay?
Bibilhin ko ang laptop ni Rose.
A. Ano ang bibilhin mo? C. Saan ka bibili?
B. Sino ang bibilhin mo? D. Kailan ka bibili?
38. Ano ang angkop na panghalip ng pangungusap
sa ibaba?
Ang klima ay mabuti sa kalusugan.
A. ito C. dito
B. rito D. niyan
39. Ano ang angkop na panghalip ng pangungusap
sa ibaba?
Hahanapin ka raw niya .
A. alinman C. anuman
B. sinuman D. saanman
40. Tukuyin ang aspekto ng pandiwa na ginamit sa
pangungusap.
Nagpagawa siya ng bag na abaka sa Bikol.
A. Perpektibo C. Perpektibong Katatapos
B. Imperpektibo D. Kontemplatibo
41. Tukuyin ang aspekto ng pandiwa na ginamit sa
pangungusap.
Kagigising pa lang ni Mila nang dumating ang
kanyang parcel.
A. Perpektibo C. Perpektibong Katatapos
B. Imperpektibo D. Kontemplatibo
42. Tukuyin ang aspekto ng pandiwa na ginamit sa
pangungusap.
Uunlad ang Pilipinas kapag may pagkakaisa ang
lahat ng mga Pilipino.
A. Perpektibo C. Perpektibong Katatapos
B. Imperpektibo D. Kontemplatibo
43. Tukuyin ang tamang kaantasan ng pang-uri na
gagamitin sa pangungusap.
na laro sa Pilipinas ang basketbol.
A. Mas tanyag C. Di-hamak na tanyag
B. Pinakatanyag D. Kapwa matanyag
44. Tukuyin ang tamang kaantasan ng pang-uri na
gagamitin sa pangungusap.
niya ang kanyang kapatid.
A. Kasingganda C. May kagandahan
B. Maganda D. Kapwa maganda
45. Tukuyin mula sa pangungusap ang pang-abay.
Umalis man sila ay panatag ang kanilang
kalooban.
A. Umalis C. sila
B. man D. kalooban
46. Tukuyin mula sa pangungusap ang pang-abay.
Hindi pa lubusang nagagamot ang sakit na
kanser.
A. sakit, kanser C. Hindi, pa
B. lubusang, nagagamot D. na, kanser
47. Alin sa mga sumusunod ang DI-DAPAT isama
sa pangkat ng pangungusap na walang paksa?
A. Ang tapang mo pala! C. Aray!
B. Umuulan. D. Ginto ang alahas.
48. Piliin ang wastong pangatnig na gagamitin sa
pangungusap.
Marami raw dadalo walang pasok sa
mga paaralan.
A. kaya C. kapag
B. subalit D. palibhasa
49. Tukuyin ang wastong pang-angkop ng parirala.
medalya gantimpala
A. g C. na
B. ng D. ang
50. Piliin ang wastong pangatnig na gagamitin sa
pangungusap.
Walang kasalanang di mapapatawad ang Diyos

ang nagkasala ay nagsisisi.

A. ngunit C. kung
B. habang D. saka
51. Tukuyin ang wastong pang-angkop ng parirala.
pamilihan bayan
A. g C. na
B. ng D. ang
52. May ponema o tunog na malayang nagpapalitan.
Alin ang DI-DAPAT isama sa pangkat?
A. pinanunuod - pinanunood C. bakudan - bakuran
B. karsada - kalsada D. pito – pato
Panuto: Basahin at unawain ang sumusunod na talata.

Totoong kailangan ng tao ang salapi sa kanyang pang araw araw

na pangangailangan. Hindi siya mabubuhay nang maayos sa daigdig
na ito kung wala siyang salapi ngunit may pangyayaring ang salapi
ang nagiging ugat ng mga kasamaan. Maraming tao ang
nagpapatayan, marami ring nakukulong dahil sa pagnanakaw at
marami ring pamilya ang nawawasak nang dahil sa salapi. Hindi
dapat maging gahaman sa salapi sapagkat magbubunga ito ng
kapahamakan at maaaring humantong sa kamatayan
53. Ano ang paksa o pangunahing ideya ng talata?
A. Ang Ugat ng mga Kasamaan
B. Ang Pang-araw-araw na Pangangailangan
C. Ang Pagkagahaman ng Tao sa Salapi
D. Ang Pangangailangan ng Tao sa Salapi
54. Ano ang pangunahing detalye?
A. pang-araw-araw na pangangailangan
B. pangangailangan sa salapi
C. kawalan ng salapi
D. pangangailangan ng tao
55. Alin sa mga sumusunod ang hindi kaugnay ng maliliit
na detalye?
A. hindi totoong kailangan ng tao ang salapi
B. hindi mabubuhay ang tao nang maayos kung walang
salapi
C. ang salapi ang nagiging ugat ng mga kasamaan
D. hindi dapat maging gahaman ang tao sa salapi
Basahin at unawain.
Saklaw (Abnormal na Sikolohiya)
May dalawang epekto ng pagkakahiyang sa gamot. Ekis na
pagkakahiyang at baligtad na pagkakahiyang. Ang Ekis na
pagkakahiyang ay kung saan ang isang tao ay nagpapakita ng
pagkakahiyang sa isang gamot at magpapakita din ng
pagkakahiyang sa ibang gamot na pareho lamang ang epekto. Ang
baligtad na pagkakahiyang naman ay nagpapakita ng
pagkakahiyang kahit na mababa ang dosage ng gamot.
- Mula sa: Semorlan, et al. (1999). Pagbasa at Pagsulat sa Iba't
Ibang Disiplina. p. 10
56. Anong dalawang bagay ang pinaghahambing?
A. uri ng tao C. pagkahiyang sa gamot
B. uri ng gamut D. dosage ng gamot
57. Paano nagkakaiba ang dalawang bagay na
pinaghahambing sa babasahin?
A. dosage C. gamot
B. epekto D. tao
Sitwasyon: Nagkaroon ng suliranin si Nena tungkol sa kalusugan ng anak.
Kolustrum ang tawag sa unang labas ng gatas ng ina. Ito ay malapot,
manilawnilaw at masustansya. Ito ay may anti-bodies na panlaban sa pagtatae,
pulmunya at iba pang sakit na maaaring dumapo sa bagong silang na sanggol.
Mainam din ang kolustrum pamurga at laksatibo o pampalabas ng “taon”.
Ganito ang ginawa ni Nena.
Kapanganganak pa lamang ni Nena. Napansin niyang manilaw-nilaw ang gatas na
lumalabas sa kanya. Inisip niyang panis ito. Hindi niya ito ipinasuso sa kanyang
sanggol. Makaraan ang isang buwan, napansin ni Nena na malimit magtae ang
kanyang sanggol. Hindi naman ito tinutubuan ng ngipin. Mahina rin ang katawan
ng kanyang sanggol.
58. Bakit nagkaroon ng suliranin si Nena?
A. Hindi pinasuso ang bata
B. Watang gatas si Nena
C. Panis ang gatas ni Nena
D. Mahina ang gatas ni Nena
59. Paano ipinahiwatig (implikasyon) ng may-
akda/manunulat na may suliranin sa kalusugan ang
bata?
A. malimit magtae C. payat ang katawan
B. tinubuan ng ngipin D. manilaw-nilaw
60. Mula sa pahiwatig, ano sa palagay mo ang
kalagayan ng anak ni Nena?
A. malambing C. masayahin
B. masakitin D. matampuhin
Mga Proseso/Daynamik na Development ng Grupo)
Artikulo:
Pamumuno (Leadership)
Ano ang pamumuno?
Kapag iniisip mo ang tungkol sa pamumuno, ano ang pumapasok sa
iyong isipan? Ang walang takot na tagapag-utos na opisyales na
pinamumunuan ang kanyang tropa patungo sa labanan? Ang presidente ng
Amerika na nagtatalumpati sa kanyang bansa sa pamamagitan ng
telebisyong pangnasyonal? Ang pinuno na representante ng mga
estudyante? Maaari ding iniisip mo ang namumuno ng komite o lupon na
iyong kinabibilangan. Kadalasan, ang pag-aaral tungkol sa pamumuno ay
nakasentro sa mga taong naging matagumpay sa pagkakaroon ng posisyong
namumuno.
 Ayon sa mga mananaliksik, sa pamamagitan ng
pagtingin sa mga matatagumpay na mga pinuno ay
maaari nilang kilalanin at alamin ang mga kadahilanan o
mga indibidwal na katangian na makapagsasabi ng mga
abilidad at kakayahan ng tamang pamumuno. Ang pag-
alam sa mga katangiang ito ay malaki ang magiging
kahalagahan sa larangan ng negosyo, gobyerno, o sa
militar na may responsibilidad sa pagtataguyod o
pagbibigay sa ibang tao ng posisyon ng pagkalider.
61. Halimbawa ito ng artikulo/babasahing may
hulwarang _______.
A. pag-iisa-isa C. paghahambing at
pagkokontras
B. depinisyon D. problema at solusyon
62. Aling salita ang walang kaugnayan sa
pangunahing ideya ng artikulo?
A. pinuno C. presidente
B. tagapag-utos D.mananaliksik
63. Gamit ang graphic organizer-anong salita ang
maiuugnay sa pamumuno?
A. tropa, bansa, komite
B. opisyal, presidente,
kinatawan
PAMUMUNO

C. militar, gobyerno, negosyo

D. walang tamang sagot
Artikulo: Malikhaing Sining at Musika
Sa Kulay (Colors)
May isang araling tinatalakay sa kursong ito tungkol sa mga kulay
na pwedeng gamitin. Ito ay ang kahalagahan ng mga kulay. Sa
pagtuturo tungkol sa kulay, maaaring gamitin itong pagkukuwento
para lalong maintindihan ng mga bata ang leksyon. Halimbawa ng
kwento; minsan daw, nag-away-away ang mga kulay. Nagsalita ang
kulay berde at ang sabi, siya raw ang pinaka-importanteng kulay dahil
ang kalawakan na sinasaka ay kulay berde at ang mga gulay rin ay
kulay berde. Ngunit hindi sumang-ayon ang kulay asul dahil para sa
kanya siya ang pinaka-importanteng kulay dahil ang kalangitan daw
ay kulay asul.
 Subalit hindi sumang-ayon ang kulay dilaw, siya raw ang pinaka-
importanteng kulay dahil ang kulay ng araw ay dilaw. Ngunit
sumagot naman ang kulay kahel, sabi niya siya raw ang pinaka-
importanteng kulay dahil ang lahat ng kulay kahel ay nagbibigay ng
sustansiya sa kalusugan. Patuloy ang kanilang naging pagtatalo.
Hanggang dumating ang kulog at bumuhos ang ulan. Pagkatapos ay
may tinig na nagsalita. “magkapit kamay kayo." At ano ang nakita
nila? Isang babaghari na tinataglay ang kulay nila. Naging mas
malaki at malapad sila at nagkaroon ng pagkakaisa.
64. Ibigay ang pangunahing ideya na ipinahihiwatig ng
awtor.
A. kahalagahan ng mga kulay
B. pagtatalo ng mga kulay
C. sama-samang pakikisama at pagkakaisa
D. ang kulay ay bahaghari
Aytem 65-69. Gamit ang graphic organizer na T-chart paghambingin mo ang
mga kulay. Piliin ang titik ng tamang sagot sa mga tanong na makatutulong sa
pagbuo nito.
URI NG KULAY KATANGIAN

65. kahel A. kalawakan

B. kalangitan
C. sustansiya sa kalusugan
D. gulay

66. berde A. kalawakan na sinasaka

B. pinaka-importante
C. kapayapaan
D. bahaghari
 URI NG KULAY KATANGIAN

67. dilaw A.sustansiya sa kalusugan

B.araw
C.kalangitan
D.gulay
68. asul A. kalawakan ng sinasaka
B. pinaka-importante
C. kalusugan
D. kalangitan
69. Alin naman sa mga sumusunod ang hindi
nagpapaliwanag sa pangunahing ideya?
A. Tumatalakay sa maseselang suliranin ng mga tinedyer
B. Nagpapakita ng mga iba’t ibang balita
C. Tropang Trumpo, Ang TV
D. Nagsisilbing modelo sa kabataan natin ngayon
70. Ang mga pangungusap sa ibaba ay magkaugnay
MALIBAN sa isa. Alin ang pangungusap na ito?
A. Pangarap niyang makarating sa ibang bansa.
B. Masarap magbakasyon sa ibang bansa.
C. Isang araw, may nabasa siyang anunsyo na nangangailangan
ng mga manggagawa sa ibang bansa.
D. Dali-dali niyang kinuha ang adres ng kompanya at sumulat
siya upang magprisinta.
Basahin at unawain.
Sa Makati at Dibisorya,
Denims ang Hanap Nila
Valerio L. Nofuente
Hindi mapasubaliang ang may tangan ng korona sa larangan ng moda sa damit ay
maong o denims. Tila uniporme ng Pinoy ang pantalong maong lalo na sa mga
siyudad, at matatagpuang namamayani sa mga kampus, pabrika, opisina, subdibisyon
at pook-iskwater. Ito'y isinusuot ng traysikel boy at executive, disc jockey at kanto
boy, naka-Mercedes Benz at naka-dyip, babae, bakla, matrona at mukhang tatay,
estudyante at drop-out.

Mula sa: Likha (1998). Santos, Benilda d. 99

71. Anong kongklusyon ang mabubuo mo
pagkatapos mabasa ang artikulo?
A. Usong kasuotan ang maong
B. Matatagpuan sa Makati at Dibisorya
C. Lahat ng uri ng tao’y nagsusuot ng maong
D. Inihahambing ito sa uniporme
72. Tukuyin kung anong antas ng wika ang chat ng magkaibigan sa
ibaba.
Ben: Pre, musta! Nasan si boss ngayon?
Roy: Nandun kina Aleng Mira. Kelan ang balik mo?
Ben: Cguro bukas. Ahh okey, cge. Lamat sa info.
A. Lalawiganin C. Pambansa
B. Kolokyal D. Balbal
Panuto: Suriin at bigyan ng interpretasyon ang bar graph sa ibaba.
Gamitin ang bar graph upang matulungan ka sa pagsagot
sa mga tanong na nasa ibaba.
73. Aling kolehiyo ang may pinakamataas na bilang ng
magsisipagtapos?
A. CASS C. CLLL
B. CED D. COS
74. Alin namang kolehiyo ang may
pinakamababang bilang ng mga magsisipagtapos?
A. CASS C. CLLL
B. CED D. COS
75. Ilan ang bilang ng kolehiyo?
A. 4 B. 2 C. 1 D. 3

76. Anong taong pampaaralan ang datos ng

magsisipagtapos?
A. 2008-2009 C. 2007-2008
B. 2009-2010 D. 2006-2007
77. Palaging pinupuri ni Ben ang sarili sa harap ng kanyang
mga kaibigan. Mula sa bagong damit na bumagay sa kanya,
matataas na marka sa pagsusulit at kagalingan nito
magpatugtog ng iba’t ibang instrumento. Anong sawikaing
pagpapahayag ang naglalarawan sa ikinilos ni Ben?
A. ningas-kugon C. makati ang dila
B. naghalukipkip ng kamay D. nagbuhat ng sariling
bangko
78. Kanina pa kumukulo ang sikmura ni Dianne
bago pa man nagsimula ang pulong. Ano ang
kahulugan ng sawikain na nakasalungguhit?
A. galit C. gutom
B. inip D. pagod
79. Nagiging panatag ang aking damdamin sa tuwing
nakaririnig ako ng kaluskos ng mga dahon, sit-sit ng
mga kuliglig at langitngit ng sahig sa simpleng kubo
namin sa nayon. Anong tayutay ang ginamit sa
pangungusap?
A. Paghihimig C. Pagmamalabis
B. Pagtatambis D. Pagsasatao
80. Tukuyin kung anong tayutay ang ginamit sa
pangungusap.
Hiningi ni Rico ang kamay ni Nida sa kanyang
mga magulang.
A. Pagpapalit-tawag C. Pagwawangis
B. Pagpapalit-saklaw D. Pagsasatao
81. Alin sa mga sumusunod na pangungusap ang di-
angkop ang pagkagamit ng “nang”?
A. Lumapit nang nakatalikod si Jane habang inabot ang
panyo.
B. Umalis nang maaga ang dalaga.
C. Magsikap nang magsikap upang lalong umunlad.
D. Gumagawa ang magkakapatid nang takdang aralin.
82. Ayaw ni Rea ang mga nagsidalo sa burol ng
kanyang kaibigan dahil lumuluha ng buwaya ang
mga ito. Anong tayutay ang ginamit sa
pangungusap?
A. mabuti C. pakitang-tao
B. tsismosa D. madamot
83. Ang nagkakagulong grupo ng mga tao sa midnight
sale ng SM ay nagpapaalala sa hitsura ng mga
langgam na nabulabog sa kanilang taguan.
Ang pahayag na nabanggit ay isang anyong;
A. paglalarawan C. pangangatuwiran
B. pagsasalaysay D. paglalahad
84. “Mas sulit na magbakasyon sa Baguio kaysa sa
Boracay. Mapatutunayan ito kung ikukumpara ang pagkain,
akomodasyon, tanawin, presyo ng mga bilihin at serbisyo
sa dalawang lugar - mga bagay na dapat timbangin ng
sinumang mga bakasyunista.”
Anong anyo ng pagpapahayag ang ginamit sa pahayag?
A. paglalahad C. paglalarawan
B. pagsasalaysay D. pangangatwiran
85. Maaari mong gamiting panawag pansin sa panimula ng
komposisyon ang salawikain o kawikaan. Ang sawikain sa
ibaba ay bagay sa komposisyon tungkol sa;
Kapag may isinuksok, may madudukot
A. katipiran C. katapangan
B. kasipagan D. katamaran
86. Anong idyoma ang gagamitin kung nais mong pawiin
ang nadamang kahihiyan ng kaibigan?
A. “Nagbuhat ka na naman ng bangko”
B. “Itaga mo nga bato!”
C. “Itanim mo sa iyong isip.”
D. “Ilista mo na lang sa tubig.”
87. Ano ang kayarian ng salitang trapiko?
A. KP C. KKP
B. PPK D. KKPKPKP
88. Tukuyin ang tamang pagpapantig ng salitang
triplihin?
A. tri·pli·hin C. tri·plih·in
B. trip·li·hin D. tr·ipli·hin
89. Ilan ang pantig ng salitang karakterisasyon?
A. 6 C. 7
B. 5 D. 4
90. Tukuyin ang tayutay na ginamit sa pangungusap.
Abot-langit ang tuwa ni Vince nang manalo sa
lotto.
A. Pagtatambis C. Pagwawangis
B. Pagsasatao D. Pagmamalabis
91. Tukuyin ang tayutay na ginamit sa
pangungusap.
Nahiya ang buwan sa ganda ni Mayumi.
A. Pagtatambis C. Pagwawangis
B. Pagsasatao D. Pagmamalabis
92. Ano ang nais iparating ng salawikain na “Huwag
magbilang ng manok, hangga’t hindi napipisa ang
itlog.”?
A. Huwag pangunahan ang panahon.
B. Huwag agad-agad aasa sa mga pangyayari.
C. Huwag bilangin ang manok, baka malasin sa sabong.
D. Walang kinabukasan ang nagbibilang sa mga
naitulong.
93. Piliin ang taglay na kahulugan na iba kaysa
karaniwang pakahulugan sa mga sumusunod na
pahayag.
Mataas ang kanilang paminggalan.
A. patay-gutom C. kuripot
B. maramot D. pihikan
94. Alin sa mga sumusunod na pahayag ang pangit sa
pandinig at maaari pang mapaganda sa pamamagitan ng
paglumanay o euphemism?
A. Ninakawan ng puri ang dilag.
B. Matabil ang kanyang bibig.
C. Ang bunso niyang anak ay sumakabilang buhay.
D. Buntis ka ba?
95. Alin sa mga sumusunod na pahayag ang may di-wastong
gamit ng salita?
A. Napalo ang bibig ni Nena dahil walang galang na sumagot
sa ina.
B. May pasa ang bibig ng bata.
C. Kasya sa bunganga ni Hani ang tinapay.
D. Isang sakmal lang sa bunganga ng buwaya ang isang buong
manok.
96. Piliin ang pangungusap na may pinakawastong
pagkakaugnayan o pagkakasunudsunod ng mga salita.
A. Dala siya ng isang pumpon ng bulaklak nang magbalik.
B. Nagbalik ang isang pumpon ng bulaklak na dala niya.
C. Nagbalik siya dala ang isang pumpon ng bulaklak.
D. Nagbalik na dala siya ng isang pumpon ng bulaklak.
97. Alin sa mga sumusunod na pahayag ang may di-
wastong gamit ng salita?
A. Hindi dumaan sa pinto si ate sa halip ay sa bintana.
B. Nakaharang sa pintuan ang mesa.
C. Binutasan ng aso ang pinto.
D. Isara ang pinto.
98. Alin sa mga sumusunod na pahayag ang may di-wastong
gamit ng salita?
A. Alam kong hindi siya dadalo sa kaarawan ni bunso.
B. Kaibigan kong tunay si Nilo mula noong kabataan namin.
C. Bibilhan kita ng bagong selfon kong sakali maipasa mo ang
pagsusulit.
D. Nakalimutan kong paalalahanan ka sa babayarin natin.
99. Alin sa mga sumusunod na pahayag ang may di-wastong
gamit ng salita?
A. Sina Mr. at Mrs. Cahukom ang magpakasal kina Jane at
Miko.
B. Ang mapakasal ay pari sa aming simbahan.
C. Nahuli ang mapakasal sa seremonya.
D. Masaya ang selebrasyon dahil sa mapagbirong
magkakasal.
100. Alin sa mga sumusunod na pahayag ang may di-
wastong gamit ng salita?
A. Walisin mo ang mga papel na nagkalat sa silid.
B. Pinaaalahan ko kayo na walisin ang mga dahon sa
munting hardin.
C. Paki-walisan ang mga dahon sa ating bakuran, Mia.
D. Ang mga mamamayan ay nagtulong-tulong upang
walisan ang parke.