ANG PAGHAHANDA

Panimulang Awit
Lektor: Tatayo ang lahat

Pag- aantanda: Sa Pangalan ng

Ama, ng Anak at ng Espiritu
Santo. Amen!
Pari: Makapangyarihang Diyos,
lahat ng puso ay nakahayag sa
Iyo, lahat ng nasa’t hangarin ay
nababatid Mo, at walang lihim na
nalilingid sa Iyo; linisin Mo ang
aming mga puso sa
pamamagitan ng Iyong Espiritu
Santo, upang kami’y maging
tapat na umibig sa Iyo at marapat
na pumuri sa Iyong Banal na
Pangalan; sa pamamagitan ni
Kristo, na aming Panginoon.
Bayan: Amen!
Pari: Pakinggan ninyo ang
sinasabi ng ating Panginoong
Hesukristo: “Ibigin mo ang iyong
Panginoong Diyos nang buong
puso, nang buo mong isip at
nang buo mong lakas.” Ito
ang una at dakilang utos. At ang
pangalawa ay tulad ng una:
“Ibigin mo ang iyong kapwa tulad
ng iyong sarili.” Sa
dalawang utos na ito
napapaloob ang buong
kautusan at ang mga
katuruan ng mga propeta.
 GLORIA IN
EXCELSIS
(Luwalhati sa
Kaitaasan)
Lahat:Luwalhati sa Diyos, sa
kaitaasan, at sa lupa’y
kapayapaan sa mga taong may
mabuting kalooban. Panginoong
Diyos, Haring makalangit, maka-
pangyarihang Diyos at Ama,
sinasamba Ka namin, pinasa-
salamatan Ka namin, pinupuri Ka
namin dahil sa Iyong
kaluwalhatian. Panginoong
Hesukristo, Bugtong na Anak ng
Ama, Panginoong Diyos, Kordero
ng Diyos, Ikaw na nag-aalis ng
kasalanan ng sanlibutan, maawa
Ka sa amin. Ikaw na naluluklok
sa kanan ng Ama, tanggapin Mo
ang aming kahilingan. Sapagkat
Ikaw lamang ang Banal, Ikaw
lamang ang Panginoon, Ikaw
lamang ang kataas-taasang
Hesukristo, kasama ang Espiritu
Santo, sa kaluwalhatian ng Diyos
Ama. Amen!
ANG LITURHIYA NG SALITA NG
DIYOS
Pari: Ang Panginoon ay
sumainyo.
Bayan: At sumainyo rin.
Pari: Tayo’y manalangin…..
Ama naming
makapangyarihan, sa
pagbabagong-anyo ng Iyong
Anak, ang pananda ng aming
sinasampalatayanan ay Iyong
binigyang-patunay sa pag-
saksi ng aming mga ninuno
at inihayag Mong kami’y
lubos na kinukupkop bilang
mga anak. Ngayong kami’y
nakikinig sa Iyong
pinakamamahal na Anak,
kami nawa’y pangindapating
maging tagapagmana ng
Kanyang kaluwalhatian. Sa
pamamagitan Niya kasama
ng Espiritu Santo
magpasawalang-hanggan.
Amen.
 Pagbasa mula sa
aklat ni Propeta
Daniel kabanta 7
talata 9 hanggang 10
patuloy sa talata 13
hanggang 14.
Habang ako’y nakatingin,
may naglagay ng mga trono.
Naupo sa isa sa mga ito ang
isang nabubuhay
magpakailanman.Kumikinan
g sa kaputian ang kanyang
kasuutan at parang lantay na
lana ang kanyang buhok.
Ang trono niya’y
nagniningning. Ang mga
gulong nito ay apoy na
nagliliyab. Waring agos ng
tubig ang apoy na bumubuga
mula sa trono, ang
naglilingkod sa kanya’y isang
milyon bukod pa sa
milyon-milyong nakaantabay.
Humanda na siya sa
paggagawad ng hatol at
binuksan ang mga aklat.
Patuloy ang aking pangitain.
Ang nakita ko naman ay
isang tila taong nakasakay
sa ulap. Bumaba ito at
lumapit sa nabubuhay
magpakailanman. Binigyan
siya ng kapamahalaan, ng
karangalan at ng kaharian.
Siya ay paglilingkuran ng
lahat ng tao, bansa at wika.
Ang pamamahala niya ay di
matatapos, at hindi
mawawasak ang kanyang
kaharian.
 Ito ang salita
ng Panginoon!
 SALMONG TUGUNAN
Tugon:

IKAW, YAHWEH, AY
DAKILA AT HARI NG
BUONG LUPA!
Si Yahweh ay maghahari,
magalak ang kalupaan!
Lahat kayong mga pulo ay
magsaya at magdiwang! Ang
paligid niya’y ulap na lipos ng
kadiliman, kaharian niya’y
tapat at salig sa katarungan.
TUGON!
IKAW, YAHWEH,
AY DAKILA AT
HARI NG
BUONG LUPA!
Yaong mga kabunduka’y
natutunaw, parang pagkit, sa
harapan ng dakilang
Panginoon ng daigdig. Sa
langit ay nahahayag yaong
kanyang katuwiran, sa lupa
ay makikita ang kanyang
kadakilaan. TUGON!
IKAW, YAHWEH,
AY DAKILA AT
HARI NG
BUONG LUPA!
Ikaw, Yahweh, ay Dakila at
hari ng buong lupa, Dakila ka
sa alinmang mga Diyos na
ginawa TUGON!
IKAW, YAHWEH,
AY DAKILA AT
HARI NG
BUONG LUPA!
 Pagbasa mula sa
ikalawang sulat ni San
Pedro kabanta 1 talata
16 hanggang 19.
Ang ipinahayag namin sa inyo
tungkol sa muling pagparito
ng ating Panginoong Jesu-
Cristo, na puspos ng
kapangyarihan, ay hindi sa
mga alamat na katha lamang
ng tao. Nasaksihan namin
ang kanyang kadakilaan nang
ipinagkaloob sa kanya ng
Diyos Ama ang karangalan at
kapurihan. Ito’y nangyari
nang marinig ang tinig mula
sa Dakilang Kaluwalhatian ng
langit: ”Ito ang
pinakamamahal kong Anak;
siya ang lubos kong
kinalulugdan.” Narinig namin
ito sapagkat kami’y kasama
niya sa banal na bundok.
Kaya naman lalong tumibay
ang aming paniniwala sa
ipinahayag ng mga propeta.
Makabubuting ito’y pag-
ukulan ninyo ng pansin,
sapagkat ang nakakatulad
nito ay isang ilaw sa karimlan
na tumatanglaw sa inyo
hanggang sa mamanaag
ang Araw ng Panginoon at
ang sinag ng tala sa umaga’y
maglagos sa inyong puso.
Ito ang salita ng
Panginoon!
ANG BANAL NA
EBANGHELYO
AYON KAY SAN

Marcos 9: 2-9
 ANG
HOMILIYA
 ANG KREDO
Pari: Sabay-sabay nating
ipahayag ang Kredo ng Santa
Iglesya.
Lahat: Sumasampalataya kami
sa iisang Diyos, Amang
Makapangyarihan na lumikha ng
langit at lupa, at ng lahat ng
nakikita at di-nakikita.
Sumasampalataya kami sa
iisang Panginoong Hesukristo,
Bugtong na Anak ng Diyos,
nagmula sa Ama bago pa
nagsimula ang panahon, Diyos
buhat sa Diyos, liwanag buhat
sa liwanag, Diyos na totoo
buhat sa Diyos na totoo, inianak
hindi nilikha, kaisa sa pagka-
Diyos ng Ama. Sa pamamagitan
Niya ay nilikha ang lahat, na para
sa ating mga tao at sa ating
kaligtasan ay nanaog Siya buhat
sa langit: sapamamagitan ng
kapangyarihan ng Espiritu Santo
ay ipinanganak Siya ni Mariang
Birhen at naging tao. Ipinako
sa Krus alang-alang sa atin sa
panahon ni Poncio Pilato,
nagpakasakit, namatay at
inilibing. At muling nabuhay sa
ikatlong araw sa katuparan ng
mga kasulatan. Umakyat Siya
sa langit at naluklok sa kanan ng
Ama, at muling darating na
maluwalhati upang hukuman ang
mga buhay at ang mga patay,
at ang kaharian Niya ay walang
hanggan. Sumasampalataya
kami sa Espiritu Santo, ang
Panginoon na tagapagbigay ng
buhay na nagbubuhat sa Ama.
Sinasamba Siya at
niluluwalhating kasama ang Ama
at ang Anak. Nagsalita Siya sa
pamamagitan ng mga propeta.
Nananalig kami sa iisang
Iglesiang Banal, Katolika at
Apostolika. Naniniwala kami sa
iisang binyag, sa ikapag-
papatawad ng aming mga
kasalanan, at hinihintay namin
ang muling pagkabuhay ng mga
namatay at ang buhay na walang
hanggan. Amen!
 PANALANGIN NG BAYAN
Obispo: Nagbagong-anyo si
Hesus habang siya’y
nagdarasal. Tayo rin ay
manalig sa bisa ng
panalangin at idulog natin
ang ating mga kahilingan
sa bukal ng lahat ng biyaya:
 Panginoong
Nagbagong anyo,
Dingin mo Kami!
Para sa Simbahang
panlahat: nawa'y ang
mabuting asal Ng kanilang
mga miyembro ay maging
bukal ng inspirasyon at
kaliwanagan sa ibang tao.
Manalangin tayo!
Manalangin tayo!
 Panginoong
Nagbagong anyo,
Dingin mo Kami!
Para kay Rhee na ating
Obispo Maximo, kay Rowel
na ating Obispo Diyesosano
at ang tanang kaparian:
Nawa'y magtagumpay sila sa
pagtatanim sa puso ng bawat
isa ng pagmamahal sa
Panalangin at pagsunod sa
Mabuting Balita..
Manalangin tayo!
 Panginoong
Nagbagong anyo,
Dingin mo Kami!
Para sa may malubahang
sakit lalo na ang mga
nagdurusa sa COVID 19 na
halos matuksong mawalan
na ng Pag-asa: Nawa ay
makatagpo sila sa
Pagbabagong Anyo ng
Panginoon ng lakas at
pampasiglang kailangan nila
upang ihanda ang kanilang
sarili para sa kanilang
pakikipagtagpo sa kanya.
Manalangin tayo!
 Panginoong
Nagbagong anyo,
Dingin mo Kami!
Para sa kabataang ang
pakiramdam ay hindi sila
nauunawaan ng kanilang
mga magulang at guro:
Nawa makita nila sa mga
turo at halimbawa ni Hesus
ang solusyon sa kanilang
problema. Manalangin tayo!
 Panginoong
Nagbagong anyo,
Dingin mo Kami!
Para sa ating kura paroko at
iba pang pari sa ating
Diyosesis: Nawa
gantimpalaan sila ng
Panginoon ng pagiging
bukas-palad sa pagtugon sa
ating mga pangangailangang
espirituwal, mga Sakramento
at mailapit nila ang kalooban
ng Diyos sa bawat puso ng
mga tao. Manalangin tayo!
 Panginoong
Nagbagong anyo,
Dingin mo Kami!
Para sa ating pamayanan:
Nawa magpasalamat tayo at
makipagtulungan sa
paglilingkod ng ating kura
paroko at ng kanyang mga
katulong sa Banal na Misa
upang magkaroon tayo ng
matibay na ugnayan
pakikiisa natin sa kanilang
sinumpaang pangako noong
sila ay inordenahan.
Manalangin tayo!
 Panginoong
Nagbagong anyo,
Dingin mo Kami!
Lahat: Panginoong Diyos,
itulot Mong malugod kaming
makinig sa turo ng Iyong
nagbagong-anyong Anak at
amin itong isabuhay, upang
kami’y magalak sa Kanyang
presensiya sa Kaharian ng
Liwanag na kung saan Siya
nabubuhay at naghahari
magpakailanman! Amen.
ANG BANAL NA EUKARISTIYA

ANG KAPAYAPAAN
Pari: Mga kapatid, tayo ang
Katawan ni Kristo, sa
pamamagitan ng isang Espiritu,
tayong lahat ay pinag-isang
katawan, nang tayo’y binyagan.
Bayan: Panatilihin natin ang
pagkakaisa na dulot ng Espiritu
sa bigkis ng kapayapaan.
Pari: Lagi nawang sumainyo
ang kapayapaan ng
Panginoon.
Bayan:At sumainyo rin.
 ANG PAG-AALAY

Pari: Buong kagalakang ihan-

dog natin sa Panginoon ang
karangalang nararapat sa
Kanyang Pangalan, tayo ay
magdala ng alay at pumaroon
sa Kanyang harapan.
 
 Sa Pag-aalay ng Abuloy:
Pari: Walang-hanggang Diyos,
Ikaw na pinagmumulan ng lahat ng
bagay at tagapagkaloob ng lahat ng
aming mga pangangailangan; kami,
na Iyong mga abang lingkod ay
nag-aalay sa Iyo nitong sagisag ng
aming pagkilala ng utang na loob
sa lahat ng Iyong kaawaan. Amen!
 Sa Pag-aalay ng Tinapay:
Pari: Walang-hanggang Diyos,
pinatubo Mo ang butil at mula rito
ay ginawa namin ang Tinapay na ito;
iniaalay namin ito sa Iyo upang para
sa amin ay maging Tinapay ng
Buhay. Ipagkaloob Mo na kaming
tatanggap nito ay mapuspos ng
biyaya at mabuklod sa bigkis ng
pagmamahalan. Amen!
 Sa Pag-aalay ng Alak:
Pari: Makapangyarihang Diyos,
tanggapin Mo ang alak na ito na
ginawa mula sa Iyong mga
kaloob; ito nawa ay maging
inuming espiritwal namin, upang
kaming tatanggap nito ay
mapaging-bago at mapasigla sa
paglilingkod sa iyo. Amen!
Pari: Manalangin tayo, mga
kapatid, upang ang ating hain ay
maging marapat sa Diyos Amang
Makapangyarihan.
Bayan: Tanggapin nawa ng
Panginoon ang ating hain, sa
ikapupuri at ikaluluwalhati ng
Kanyang Pangalan, sa ikabubuti
natin at ng buo Niyang Iglesya.
ANG DAKILANG PASASALAMAT
Pari: Ang kagandahang-loob ng
Panginoon ay mananatiling
walang-hanggan sa mga may
takot sa Kanya, at ang Kanyang
pagkamatuwid sa sali’t-saling
lahi.
Bayan: Lalo’t higit sa mga
sumusunod sa Kanyang Tipan at
nakaalalang sumusunod sa
Kanyang kautusan.
Pari: Itinatag ng Panginoon ang
Kanyang luklukan sa langit, at
ang Kanyang paghahari ay
sumasaklaw sa lahat.
Bayan: Purihin ninyo ang
Panginoon, kayong lahat na
anghel Niya, kayong may lakas at
kapangyarihan na tumatalima sa
Kanyang Salita.
Pari: Purihin ninyo ang
Panginoon, kayong lahat na
hukbo Niya, kayong mga lingkod
Niya, na sumusunod sa Kanyang
kalooban.
Bayan: Purihin ninyo ang
Panginoon, kayong lahat na
Kanyang nilikha, sa lahat ng dako
ng Kanyang nasasaklawan,
purihin ang Panginoon.
Pari: Ang Panginoon ay
sumainyo.
Bayan: At sumainyo rin.
Pari: Itaas ang inyong mga
puso.
Bayan: Itinataas namin sa
Panginoon.
Pari: Magpasalamat tayo sa
ating Panginoong Diyos.
Bayan: Nararapat na Siya’y
ating pasalamatan at purihin.
Pari: Tunay na matuwid, aming
tungkulin at kaligayahan, lagi at
saan man, pasalamatan Ka
namin, Panginoon, Banal na
Ama, Makapangyarihan at
walang-hanggang Diyos.
Pari: Kaya nga, kasama ng
Mahal na Birheng Maria, ng mga
anghel at mga arkanghel, at lahat
ng kalipunan ng langit, buong
kagalakan naming ipinahahayag
ang Iyong kaluwalhatian, laging
nagpupuri sa Iyo at nagsasabing,
Pari at Bayan: Banal, Banal,
Banal na Panginoon, Diyos ng
kapangyarihan at lakas, ang
langit at lupa’y napupuspos ng
Iyong kaluwalhatian. Osana sa
Kaitaasan, pinagpala ang
dumarating sa pangalan ng
Panginoon, Osana sa Kaitaasan!
 
Pari: Lahat ng kaluwalhatian ay
sa Iyo, Diyos na
Makapangyarihan, Amang
Makalangit, nang dahil sa Iyong
pag-ibig at kaawaan ay
ipinagkaloob Mo ang Iyong
bugtong na Anak na si Hesukristo
na maging tao tulad namin, at
magdanas mamatay sa Krus
para sa aming katubusan. Doon
ay Kanyang ginawa, sa
pamamagitan ng tanging pag-
aalay ng Kanyang sarili, ang
isang buo at ganap na paghahain
para sa buong sanlibutan at
Kanyang itinatag at iniutos sa
aming ipagpatuloy ang isang
paggunita at pagbuhay sa
Kanyang naging kamatayan at
hain, hanggang sa muli Niyang
pagdating.
Lektor: Lumuhod po ang lahat.

Pari: Sapagkat nang gabing

Siya’y ipagkanulo, kumuha Siya
ng tinapay, at nang Siya’y
makapagpasalamat sa Iyo, ito’y
Kanyang piniraso at ibinigay sa
Kanyang mga alagad at
sinabi:

“Kunin, kanin, ito ang aking

katawan na ipinagkakaloob sa
inyo, gawin ninyo ito sa pag-
alaala sa akin.”
Matapos ang hapunan ay kinuha
Niya ang Kalis na may Alak, at
nang Siya’y makapagpasalamat,
ito’y Kanyang ibinigay sa kanila at
sinabi:

“Inumin ninyo ito, kayong

lahat, sapagkat ito ang aking
dugo ng bagong tipan,
 na ibinubuhos ko para sa inyo
at para sa marami, sa
ikapagpapatawad ng inyong
mga kasalanan, kailanman at
iinumin ninyo ito ay gawin sa
pag-alaala sa akin.”
Lektor: Tumayo po ang lahat.

Pari: Ipahayag nating lahat ang

misteryo ng ating
pananampalataya kay Kristo.
Pari at Bayan:
Si Kristo ay namatay
Si Kristo ay muling nabuhay
Si Kristo ay muling darating.

Pari: Kaya nga, Panginoon at

Amang Makalangit, ginaganap
naming mga abang lingkod Mo
ang pag-alaalang iniutos ng Iyong
Anak, sa aming paggunita at
pagbuhay sa Kanyang
pinagpalang pagpapakasakit at
makabuluhang kamatayan, sa
Kanyang makapangyarihang
pagkabuhay na mag-uli at
maluwalhating pag-akyat sa
langit, at sa aming paghihintay sa
Kanyang maluwalhating pag-
babalik, ay iniaalay namin sa Iyo
itong Tinapay ng buhay at itong
Kalis ng kaligtasan. At kasama ng
mga handog ay iniaalay namin
ang aming mga sarili at
isinasamo namin sa Iyo na
tanggapin sa Iyong makalangit na
altar itong aming haing papuri
at pasasalamat.
Lektor: Lumuhod po ang lahat.

Pari: Butihing Ama, sa

kapangyarihan ng Iyong Espiritu
Santo ay pagpalain Mo at
pakabanalin itong Tinapay at Alak
upang para sa amin ay maging
kamahal-mahalang Katawan at
Dugo ng Iyong Anak na si
Hesukristo. Ang Lahat na
tatanggap ng Banal na
Komunyong ito ay mapuspos
nawa ng Iyong biyaya at
makalangit na pagpapala, at
maging kaisang-katawan Niya,
upang Siya’y manahanan sa
amin at kami’y sa Kanya. At kahit
na kami’y hindi karapat-dapat na
mag-alay sa Iyo ng anumang
hain, gayunman ay isinasamo
namin sa Iyo na tanggapin itong
aming tungkulin at paglilingkod sa
pamamagitan ni Hesukristo na
aming Panginoon, sa pama-
magitan Niya, at kasama Niya, at
sa Kanya, na kaisa ng Espiritu
Santo, ang lahat ng karangalan
at kaluwalhatian ay sa Iyo, O
Amang Makapangyarihan,
ngayon at magpakailanman.
Bayan: Amen.
Lektor: Tumayo po ang lahat.

Pari: Tulad ng itinuro sa atin ng

ating Tagapagligtas na si
Hesukristo, tayo’y manalangin.
 
Lahat: Ama namin na nasa
langit, sambahin namin ang
ngalan Mo. Sumapit nawa ang
kaharian Mo, maganap ang loob
Mo sa lupa gaya ng sa langit. Sa
araw na ito’y bigyan kami ng
kakanin, patawarin Mo kami sa
mga sala namin tulad ng aming
gawa sa may sala sa amin, ilayo
Mo kami sa mga pagsubok
bagkus iadya sa mga masama.
Pagkat Sa’yo ang kaharian at ang
kapangyarihan at ang
kaluwalhatian, kailan pa man.
Amen!
  Ang Pagpiraso ng Tinapay
Pari: Panginoon, isinasamo
namin sa Iyo na iligtas kami sa
lahat ng masama at ipagkaloob
Mo sa amin ang Iyong
kapayapaan, sa tulong ng Iyong
awa ay ilayo kami sa
pagkakasala at iligtas sa ligalig,
sa pamamagitan ng Iyong Anak
na si Hesukristo na aming
Panginoon, na nabubuhay at
naghaharing kasama Mo at ng
Espiritu Santo, iisang Diyos,
ngayon at magpakailanman.
Lahat:Amen!

KORDERO NG DIYOS
Pari: Kordero ng Diyos, Ikaw na
nag-aalis ng kasalanan ng
sanlibutan.
Bayan: Maawa Ka sa amin.
Pari: Kordero ng Diyos, Ikaw na
nag-aalis ng kasalanan ng
sanlibutan.
Bayan: Maawa Ka sa amin.
Pari: Kordero ng Diyos, Ikaw na
nag-aalis ng kasalanan ng
sanlibutan.
Bayan: Ipagkaloob Mo sa amin
ang Iyong kapayapaan.

Ang Banal na Komunyon

Lektor: Lumuhod po ang lahat

Pari at Bayan: Dumudulog kami

sa Iyong hapag, maaawing
Panginoon, na hindi nananalig sa
sarili naming pagkamatuwid,
kundi sa Iyong marami’t dakilang
awa. Hindi kami karapat-dapat na
mamulot ng mga mumo sa ilalim
ng Iyong hapag subali’t likas sa
Iyo ang pagkamaawain.
Ipagkaloob Mo sa amin, kung
gayon, butihing Ama, na aming
tanggapin ang Katawan ng Iyong
Mahal na Anak na si Hesukristo
at inumin ang Kanyang Dugo,
upang kami na pinalalakas at
pinagiging-bago ng Kanyang
buhay ay manahanan sa Kanya
at Siya’y sa amin,
magpakailanman. Amen!
Pari: Ang mga kaloob ng Diyos
para sa Bayan ng Diyos, kunin
ninyo ang mga ito sa pag-alaala
na ibinigay ni Kristo ang Kanyang
sarili para sa inyo, at tanggapin
ninyo Siya sa inyong mga puso,
sa pamamagitan ng
pananampalataya na may
pasasalamat.
Pari: Ito ang Kordero ng Diyos na
nag-aalis ng kasalanan ng
sanlibutan.Pinagpala ang mga
tinatawag sa Kanyang hapunan.
 Pagtanggap ng
Komunyon
Pari: Ang Katawan at
Dugo ni Kristo.
Bayan: Amen.
 ANG PAGHAYO
Lektor: Tumayo po ang lahat.

Pari: Ang Panginoon ay

sumainyo.
Bayan: At sumainyo rin.
Pari: Tayo’y manalangin.
Pari at Bayan:Makapangyarihan
at walang hanggang Diyos,
pinasasalamatan Ka namin,
sapagka’t kami’y Iyong pinakain
ng pagkaing espiritwal, ang
kamahal-mahalang Katawan at
Dugo ng aming Tagapagligtas na
si Hesukristo. At sa mga Banal na
Misteryong ito ay tiniyak Mo na
kami’y mga buhay na bahagi ng
katawan ng Iyong Anak, at mga
tagapagmana ng walang
hanggang kaharian. Ngayon,
Ama, isugo Mo kami upang gawin
namin ang mga tungkuling iniatas
Mo sa amin, bilang mga tapat na
saksi ni Kristo, na aming
Panginoon, sa Kanya, sa Iyo at
sa Espiritu Santo, ang lahat ng
karangalan at kaluwalhatian,
ngayon at magpakailanman.
Lektor: Lumuhod po ang lahat

Pari: Ang kapayapaan ng Diyos

na di-malirip ng buong pang-
unawa, matatag na ingatan kayo
sa kaalaman at pag-ibig sa Diyos,
at sa Kanyang Anak na si
Hesukristo, na ating Panginoon,
at ang pagpapala ng
Makapangyarihang Diyos, ang
Ama, ang Anak at ang Espiritu
Santo, nawa’y sumainyo at laging
manatili sa inyo.
Bayan: Amen!
 
MGA PAALALA
AT
PASASALAMAT
Lektor: Tumayo po ang lahat.

Pari: Ang Panginoon ay

sumainyo.
Bayan: At sumainyo rin.
Pari: Ngayon di’y humayo kayo
upang ibigin at paglingkuran ang
Panginoon at ang ating kapwa.
Lahat:Salamat sa Diyos!