-Bagamat iilang buwan pa lamang ang pagkakasilang ng tunay na Republikang Pilipinas ay may mababakas nang pagbabago sa ating panitikan. Ang mga pagbabagong ito ay nadarama na sa ilang tula, awiting Pilipino, sa mga pahayagan, sa mga sanaysay at talumpati, at maging sa mga programa sa telebisyon.
▪Ang Panulaang Pilipino
-Ang mga tula ay naglalaman ng halos walang kakimiang pagpapahayag ng tunay na damdamin ng mga makata, ang kanilang mga tuwirang pagpuri sa mga nanunungkulang nakagagawa ng kabutihan sa bayan at panunuligsa naman sa tiwali ang gawa. Giting ng Bayan ni Francisco Soc. Rodrigo
Akala ni Marcos, ay pampalagiang
Kaniyang mabobola’t mapaglalaruan Ang dati’y maamo at sunud-sunurang Mga matiisin nating taong bayan.
Salamat sa Diyos, ngayon ay gumising
Itong Bayang dati’y waring nahihimbing Salamat at ngayo’y sumiklab ang giting Nitong Bayang dati ay inaalipin.
Kaya nama’t ngayon ay taas ang noo
Nating Pilipino sa harap ng mundo Pagkat tayo’y laang magsakripisyo Sa ngalan ng laya ng tama’t totoo. ▪Ang mga manunulat na nakatamo ng kalayaan sa pamamahayag ay walang pagsidlan sa tuwa at galak. Walang pakundangan nilang naipahayag ang kanilang nais ipahayag tulad ng mga nilalaman ng tulang ito. Lumaya ang Media (Hango sa Taliba, Abril 16, 1986)
Noong dineklara ni Apo Ferdinand
Noong setenta’y-dos (1972) ang Batas militar Kinontrol ang media’t mga pahayagan Hindi tinulutang siya’y mapintasan At pati ang “rumor mongering ay bawal.
Ngayong diktadura’y nilansag ni Cory
Ang lahat ng media’y malaya at libre Na mangagsipuna kahit umatake Sa mga minister, opisyal kawani At maging sa Bise at sa Presidente.
▪Ang Awiting Pilipino
-May mga awiting Pilipino na naririnig natin ngayon, at habang inaawit ito sa telebisyon, ipinakikita naman ang makasaysayang tagpong naganap sa sambayanang Pilipino na hinangaan sa sandaigdigan. Ang mga ito ay ang “Magkaisa”, Handog ng Pilipino sa Mundo” at “Bayan Ko”. -Iminungkahi ng Constitutional Commission na gawing pangalawang pambansang awit ang “Bayan Ko” dahil sa pagiging makasaysayan nito sa nakaraang matahimik na rebolusyon. ▪Maging sa mga sanaysay, damang-dama ang labis na katuwaan ng mga Pilipino sa nakamit na bagong kalayaan. ▪Ang mga programa sa radyo at telebisyon ay nakapagpahayag na ng mga tunay na niloloob nang walang takot at pangamba ang mga tagapagsalita. sa radyo at mga lumalabas sa telebisyon.
-Ang DZRH na isang istasyon ng radyo rito sa ating bansa ay kasalukuyang
tumataguyod sa isang programang “kabayan” na ang mga tao’y nabibigyan ng kalayaang magsalita at magbigay ng kani-kanilang opinyon o kurokuro! Gayundin ang “People Power” na isa ring pagsasadula sa apat na araw na matahimik na rebolusyong naganap sa ating bansa. -Mayroon ding ilang mga dulang katatawanang ipinalalabas sa telebisyon ang nagsasadula ng mga nakaraan at kasalukuyang pangyayari sa ating bansa. ▪Maraming bagong pahayagan ang nagsulputan sa panahong ito. Kabilang ang Midday, Malaya, Daily Inquirer, Masa, Daily Mirror, Veritas, Pilipino Ngayon, at iba pa. ▪Ang Timpalak-Palanca ay patuloy pa rin sa taunang pagbibigay ng gantimpala sa mga pinakamahuusay na akda. Ginanap ang pagbibigay-gawad sa Manila Peninsula Hotel noong Setyembre 4, 1986 sa harap ng Pangulong Corazon Aquino bilang panauhing tagapagsalita. Ang interes ng Pangulong Aquino na lalong mapag-ibayo ang pagtangkilik sa panitikan at kultura ng ating lahi ay kaniyang binanggit sa kaniyang talumpati.
Kahit Na Iilang Buwan Pa Lamang Matapos Ang Pagkakasilang NG Tunay Na Republikang Pilipinas Ay May Mababakas Nang Pagbabago Sa Ating Panitikan Lalo Na Sa Mga Tula