Kasalukuyan • Nasusuri ang mga pangyayari, at ang kaugnayan nito sa kasalukuyan sa lipunang Asyano batay sa napakinggang akda. F9PN- Ia-b-39 • Nakabasa ka na ba ng mga kuwentong nakaantig sa iyong damdamin? O mga kuwentong nakaimpluwensya sa iyong buhay? Nagkaroon ba ito ng kaugnayan sa iyong kasalukuyang buhay? Alam mo ba kung ano ang maikling kwento? Ang uri ng maikling kuwentong Makabanghay? Halina’t ating simulang basahin at unawain ang maikling kuwentong pinamagatang “Ang Ama” isang Maikling kuwentong Makabanghay mula sa Timog- Silangang Asya sa bansang Singapore na isinalin sa Filipino ni Mauro R. Avena. GAWAIN
• Ang buong klase ay hahatiin sa apat na
pangkat, at ang bawat grupo ay susuriin ang nilalaman ng akda, at pagkatapos ay iuulat ito sa klase. • Alam mo ba... Ang kuwentong “ Ang Ama” ay isang uri ng kuwentong makabanghay na nakatuon sa pagkakabuo ng mga pangyayari? Mahalagang matukoy ang pagkakasunod-sunod ng mga pangyayari at ang estilo na ginamit ng may akda. Ang kwentong makabanghay ay nagbibigay-diin sa banghay o maayos na daloy ng mga pangyayari. Subalit, ano nga ba ang banghay? • Ang banghay ay ang maayos o masinop na daloy ng magkakaugnay na pangyayari sa mga akdang tuluyan tulad ng maikling kwento, anekdota, mito, alamat, at nobela. Ang mga akda ay makapag-iiwan lamang ng kakintalan sa isipan ng mga mambabasa kung may pangyayari at kung masasgot ang mga katanungang tulad ng sumusunod: ano ang nangyari? Bakit iyon nangyari? Ano ang naging wakas? • Mula sa banghay ay makabubuo ng balangkas kung saan makikita ang pagkakaugnay-ugnay at mabilis na galaw ng mga pangyayari. Narito ang karaniwang balangkas ng mga akdang pasalaysay tulad ng maikling kwento.