ჯუმბერ

ლეჟავა

ნინო ვაშაკიძე
25.10.2023
 ჯუმბერ ლეჟავა დიბადა 23 ივლისს, 1939 — გარდაიცვალა 25 ივლისს 2014— იყო
ქართველი სპორტსმენი, მოგზაური და რეკორდსმენი.

დაიბადა თბილისში. 1966 წელს დაამთავრა საქართველოს პოლიტექნიკური

ინსტიტუტი ინჟინერ-ელექტრიკოსის სპეციალობით. 1987 წელს გადატანილი მუცლის
ღრუს მძიმე ოპერაციის შემდეგ შეიმუშავა ვარჯიშების საკუთარი სისტემა. 1990-92
წლებში დაამყარა მსოფლიო და გინესის რეკორდები ჰორიზონტალური
მდგომარეობიდან მკლავებზე აზიდვებში.
1993 წლის 13 აგვისტოდან 2002 წლის 3 ნოემბრამდე ველოსიპედით იმოგზაურა მსოფლიოს გარშემო:
3333 დღის განმავლობაში გადალახა აზიის, ავსტრალია-ოკეანეთის, ჩრდილოეთ და სამხრეთ ამერიკის,
ევროპისა და აფრიკის 234 ქვეყანა და დამოკიდებული ტერიტორია, 2-ჯერ ეწვია ანტარქტიდას;
გადაიღო 50.000-ზე მეტი ფოტო-კადრი და 200 სთ-ზე მეტი ვიდეო ფირი; შექმნა მოგზაურობის 7.000
გვერდიანი დღიური. ჯუმბერ ლეჟავას ასეთი გატაცება ველოსიპედით მოგზაურობისა დაეწყო მძიმე
ავადმყოფობის შემდეგ. 1986 წლის 6 იანვარს ერთ-ერთი ჩვეულებრივი ვარჯიშის შემდეგ ის აღმოჩნდა
საავადმყოფოში. სასწაულებრივად სიკვდილს გადარჩენილ ჯუმბერ ლეჟავას მშვენიერი იდეა მოუვიდა
თავში - იმოგზაუროს მთელ მსოფლიოში ველოსიპედით.
გარდაიცვალა 2014 წლის 25 ივლისს.