“Ang Paikot na Daloy

ng Ekonomiya”
 M IK S
K O N O k s na
K R O E o n o m i ng
M A y ng e k g a ya n
sa ng a n g k a la
-isa ng a bu u a
on sa k iy a.
nak a tu ek on om
 Kumpara sa maykroekonomiks, hindi tinututukan
ng makroekonomiks ang presyo ng isang espesipikong
produkto sa palengke. Sa halip, ang makroekonomiks
ay nakatutok sa halaga ng lahat ng bagay na ginawa,
ibinenta, binili, at kinonsumo ng lahat ng tao sa isang
bansa, dayuhan man o mamamayan nito.
 John Maynard Keynes
Siya ay itinturing na Ama ng
Makroekonomiks. Siya ay may-
akda ng ilang librong pang-
ekonomiks tulad ng Indian
Currency and Finance, The
Economic Consequences of the
Peace, at A Track on Monetary
Reform.
 John Maynard Keynes
Ang kaniyang pinakapamosong aklat na
The General Theory of Employment,
Interest, and Money ay nagdulot ng
pagbabago sa kaisipang pang-ekonomiko
ng mga tao dahil sa kontrobersiyal na
isinasaad nito. Inilarawan ni Keynes ang
konsepto ng aggregate demand bilang
kabuuan ng lahat ng paggastos ng mga
mamimili, pamumuhunan, at paggastos ng
pamahalaan. Hanggang sa kasalukuyan,
marami pa ring ekonomista ang
nagdedebate kung tama ba si Keynes sa
ilan sa kaniyang mga teorya.
 Aggregate Output
Maaaring mapasailalim sa makroekonomiks ang
konseptong ito o pinagsama-samang kabuuang bahagi ng
ekonomiya tulad ng demand at suplay, trabaho at kita, pag-
iimpok at pamumuhunan, buwis at paggastos, salapi at presyo, at
iba pang panukat sa kalagayan ng isang bansa.
Ito ay may apat na bahagi:
1. Pagkonsumo ng mga mamimili
2. Pamumuhunan ng mga negosyante
3. Paggastos ng pamahalaan
4. Kalakalang panlabas
 Ang makroekonomiks, bilang isang
sangay ng pag-aaral ng ekonomiks, ay nabuo
dahil sa Great Depression sa Estados Unidos
noong dekada 1930.
Ang Great Depression ay isang kalagayang
pang-ekonomiya kung saan bumagsak ang
lahat ng negosyo, nagkaroon ng pagtaas ng
presyo ng mga produkto, at bumaba ang
halaga ng salapi. Dahil sa mga pangyayaring
ito, nahirapan ang mga bansa na matugunan
ang mga pangangailangan ng mga
mamamayan. Naghanap ang mga
ekonomista ng paraan upang mabigyan ng
solusyon ang mga suliraning pang-
ekonomiya.
 Sa panahon ng Great Depression,maraming mamamayan sa Estados
Unidos ang nawalan ng hanapbuhay at napilitang umasa sa kawanggawa.
 Keynesian Analysis

Sinubok ni Keynes na unawain

ang suliranin ng Great Depression. Sa
kaniyang aklat na The General Theory
of Employment, Interest, and Money
(1936), inilahad ni Kynes ang kaniyang
teorya patungkol dito. Isinaad niya
ang suliranin ay nag-ugat sa
pagkakaroon ng hindi pantay na
halaga ng iniimpok at halaga ng
ipinupuhunan.
 Keynesian Analysis
May dalawang pangunahing konsepto si Keynes
sa suliraning ito:
1. Kapag mas mataas ang impok na salapi ng
pamahalaan kumpara sa pamumuhunan na
pumapasok sa bansa, tataas ang presyo ng mga
produkto. Mapipilitan ang mga tao na bumili
ng produkto kaya tataas ang demand at
suplay.
Ngunit, ang ekilibriyong presyo ay susunod sa
paggalaw suplay, kung kaya’t taas din ang
presyo ng mga produkto. Magkakaroon ng
implasyon ng presyo.
 Keynesian Analysis
2. Kung mas mataas ang pamumuhunan na
pumapasok kumpara sa naiimpok na salapi
ng pamahalaan, magkakaroon ng
depresasyon
ang ekonomiya. Dahil kulang o walang salapia
ang pamahalaan, hindi ito maibibigay ang
mga pangunahing serbisyo para sa mga
mamamayan. Bababa ang demand dahil hindi
gumagastos ang mga mamamayan dulot ng
espekulasyon na mahina ang suplay ng
produkto.
 Keynesian Analysis

Kung gayon, isinasaad ni Keynes na

mahalaga ang gampanin ng pamahalaan
sa pagpapaunlad ng ekonomiya. Para sa
kaniya, ang pamahalaan lamang ang may
kakayahan na gumawa ng paraan upang
hindi humina ang ekonomiya ng bansa.
Gayundin, kung masyado namang
masigla ang ekonomiya ng bansa o
nagkakaroon ng overheated economy,
maaari ding makontrol ito ng
pamahalaan.
“Konsepto ng Paikot
na Daloy ng
Ekonomiya”
 Bagama’t komplikado ang konsepto ng makroekonomiks, maaari
itong mailarawan ng simpleng dayagram na nagpapakita kung paano
dumadaloy ang salapi at produkto sa isang bansa.
Ang daloy ng ekonomiya ay pangunahing nakaangkla sa dalawang
proseso- produksiyon at pagkonsumo. Kapag naprodyus ang isang
produkto, ito ay dapat na makonsumo. Kung hindi, masasayang lamang
ang yaman na ginamit sa pagagwa ng produkto. Maaaring sa uulitin,
hindi na gumawa ang isang prodyuser ng produkto kung alam naman
niya na hindi na ito makokonsumo.
Gayundin, ang mga mamimili ay wala nanng mabibiling produkto
mula sa mga prodyuser. Hindi na nila mapapakinabangan ang kanilang
salapi at kakayahang bumili.
 Sa madaling salita, ito ay palitan ng
demand at suplay. Kung may demand sa
produkto, magkakaroon ng suplay. Kung
may suplay ng produkto, magkakaroon
ng
demand para rito. At upang agkaroon ng
sapat na produksiyon at pagkonsumo,
kinakailangan din ng ekilibriyong
pamilihan.
 “Mga Modelo ng Paikot na Daloy ng Ekonomiya”
⁕Bahay-Kalakal –ang ganap na prodyuser ng mga produktong maaaring
ibenta at ikonsumo ng mga tao. Nagmumula sa bahay-
kalakal ang lahat ng produkto na gumagamit ng mga salik
ng produksiyon. Ang lahat ng produkto ng bahay-kalakal
ay bibilhin, gagamitin, at ikukunsumo ng sambahayan.
⁕Sambahayan –ang nagsasagawa g pagkonsumo sa mga produkto upang
matugunan ang mga pangangailangan at kagustuhan nito.
 Maliban sa dalawang salik naa ito, ang ekonomiya ay binubuo rin ng
mga pamilihan kung saan nagaganap ang pagbebenta at pagpapalitan ng
salapi at produkto.
1. Pamilihan ng mga salik ng produksiyon
→ nagmumula ang lahat ng gamit upang makagawa ang bahay-kalakal ng
mga produkto at serbisyo.
→ dito nagmumula ang mga likas na yaman, manggagawa, kapital at
entreprenyur na kakailanganin ng bahay-kalakal.
2. Pamilihan ng mga natapos na produkto
→ lahat ng mga produktong nagawa ay dinadala sa pamilihang ito, na siya
namang nagbebenta ng mga ito sa sambahayan.
 Unang Modelo
(Simpleng Modelo)
 Ang unang modelo ng paikot na daloy ng
ekonomiya ay nagpapakita ng simpleng pagdaloy ng
produkto at serbisyo. Ipinagpapalagay sa unang
modelo na ang palitan ng mga produkto at serbisyo
ay isang pagdaloy lamang na wala munang kapalit
na
salapi o halaga ng bawat produktong umiikot.
 Makikita sa modelo ang pag-ikot ng mga produkto na
nagpapakita ng demand at suplay. Mayroong dalawang
pangunahing pamilihan- ang pamilihan ng mga salik ng
produksiyon at ang pamilihan ng mga natapos na
produkto.
Ang dalawang pamilihan na ito ay ang pinagmumulan ng
mga pangangailangan ng ekonomiya ng bansa.
Mayroon ding dalawang pangunahing aktor sa loob ng
ekonomiya---- ang sambahayan at ang bahay-kalakal. Ang
mga aktor na ito ay mahalaga upang maipagpatuloy ang pag-
ikot at pagdaloy ng produkto at serbisyo sa bansa.
Ikalawang Modelo
(Modelo ng Salapi)
 Kung ang unang modelo ay simple
lamang, ipinapakita naman ng ikalawang
modelo ang pag-ikot ng produkto na may
katumbas na salapi o halaga sa bawat pag-
ikot ng daloy.
 Kung susuriin ang ikalawang modelo ng daloy ng ekonomiya,
makikita na mayroong katumbas na salapi o halaga ang bawat
gawain ng pamilihan at ng mga aktor. Ang demand ng bahay-
kalakal ay may katumbas na paggastos sa produksiyon dahil
kailangan nitong bayaran ang pamilihan ng mga salik ng
produksiyon sa mga salik na kaniyang ginamit sa paggawa.
Ang pagsusuplay naman ng bahay-kalakal sa pamilihan ng
mga natapos na produkto ay nagbibigay ng kita sa bahay-kalakal.
Ang bawat produktong ginawa ng bahay-kalakal ay may katumbas
na halaga o presyo na lalagyan ng interes ng pamilihan ng mga
natapos na produkto.
 Gayundin, ang bawat suplay na ibibigay ng sambahayan sa
pamilihan ng mga salik ng produksiyon ay may katumbas na kita
ng sambahayan. Ang kita ay maaaring magmula sa suweldo ng
mga manggagawa, interes sa mga produkto, upa sa lupa, o tubo
ng entreprenyur.
Kapag ang sambahayan naman ang may demand sa
produkto o serbisyo na mula sa pamilihan ng mga natapos na
produkto, kailangan nama niya itong bayaran upang mabili ang
mga produktong ito.
Ikatlong Modelo
(Modelo ng
Bangko)
 Sa ikatlong modelo, mayroong
nadagdag na pamilihan- ang
pamilihan ng pananalapi.
⁕Pamilihan ng pananalapi
-ang pamilihang ito ay tumutukoy sa mga
institusyong pananalapi tulad ng bangko,
sanglaan, insurance companies, pre-need
companies, foreign exchange facilities, money
remittance companies, loan companies, at iba
pang sektor na may kaugnayan sa
pagpapalitan at pagpapalawak ng daloy ng
salapi sa bansa.
 Sa ikatlong modelo, ang daloy ng mga produkto at seerbisyo
sa dalawang ppamilihan at dalawang aktor ay pareho lamang.
Ngunit sa pagkakaroon ng ikatlong pamilihan, nadagdagan ang
paggalaw at nabago ang pag-ikot ng ekonomiya. Ang sambahayan
ay maaaring mag-impok sa pamilihan ng pananalapi, habang ang
bahay-kalakal ay maaaring mangutang sa pailihan ng
pananalapi.
Gayundin, ang bahay-kalakal ay maaaring mamuhunan sa
iba’t ibang pamilihan ng pananalapi upang mapaunlad ang
ekonomiya ng bansa.
Sanggunian:

Paglinang sa Kasaysayan Ekonomiks 9,

Lemark B. Viloria,2018, Pahina 176-181.