FILIPINO

Quarter 2 Week 1
4
Nasasagot ang mga tanong mula sa napakinggan at nabasang alamat, tula, at awit.
F4PN-IIf-3.1
F4PN-IIIb-3.1
F4PB-IVb-c-3.2.1
Naisusulat nang wasto ang baybay ng salitang natutuhan sa aralin; salitang hiram; at
salitang kaugnay ng ibang asignatura
F4PU-IIa-j-1
Nakapagbibigay ng hinuha sa kalalabasan ng mga pangyayari sa napakinggang teskto
F4PN-IIb-12
UNANG
ARAW

Pagsagot sa mga Tanong

mula sa Napakinggan/
Nabasang Alamat, Tula at
Awit
Ano-ano na ang mga
nabasa mong alamat?
Pagmasdan ang mga larawan.

Ano kaya ang kaugnayan ng korona at

bayabas?
 ALAMAT NG BAYABAS
Sa isang kaharian, ay may isang sultan na ubod ng lupit at hindi
kumikilala ng katarungan. Siya si Sultan Barabas. Lubha siyang
kinatatakutan ng mga tao dahil sa kanyang kalupitan.

Batas na dapat sundin ang mga salita ni Sultan Barabas.

Ang hindi sumunod sa kaniya ay may katapat na mabigat
na kaparusahan. Matanda at bata, lalaki at babae ay
pinarurusahan niya. Iyon ay upang magkaroon daw ng
kadalaan at hindi na umulit ang mga taong nagkasala.
Nabibihisan siya ng magagara at mamahaling damit. Laging nakalagay sa
kanyang ulo ang gintong koronang ipinasadya pa niya sa malayong bayan. Ang
koronang iyon ay isinusuot niya saan man magpunta, pagpapakita ito ng
kanyang kapangyarihan at pagiging mataas sa lahat.
Masasarap ang kaniyang mga pagkain ngunit ubod naman siya
ng damot. Walang nakahihingi sa kaniya ng tulong o kahit
konting pagkain. Ang kaniyang malawak na hardin na may
tanim na iba’t-ibang punong namumunga ay hindi niya
hinahayaang mapasok ninoman. Siya lamang at ang mga
aliping tagapitas ng mga bungangkahoy ang nakakapasok doon.
Mas mabuti pa sa kanya ang mabulok ang mga bunga ng puno
kaysa ipakain sa iba
Isang araw ay may isang mangingisda ang ipinahuli ng sultan sa kanyang mga
tauhan dahil masyado itong ginabi sa pangingisda. Walang awa niyang
ipinakulong at iniutos na pahirapan ang pobreng mangingisda upang magtanda.

Nabalitaan ng asawa ng mangingisda ang nangyari at

agad siyang nagtungo sa kaharian ng sultan kahit
malalim na ang gabi. Ang asawang ito ng mangingisda
ay mahusay gumawa ng isdang daing. Ito ang
nagdadaing ng mga isdang nahuhuli ng asawa.
Matapang na nagtuloy sa palasyo ang
magdadaing. Kinatok nito ang natutulog na
sultan. Dahil naabala sa tulog ay galit na
galit na bumangon ang sultan. Nang
malaman nito kung sino ang umabala sa
pagtulog at kung ano ang sadya nito ay lalo
siyang nagalit. Sa halip na maawa sa babae
ay ipinakulong niya ito. Naisip niyang
makakain na siya ng masarap na daing dahil
naroon na ang asawang babae at ipagluluto
siya ng masarap na isda.
Masaya na rin sana ang mag-asawa kahit
pareho silang nakakulong. Magkasama
naman silang dalawa. Kaya lang ay nag-
aalala sila para sa anak na binatilyo na
naiwang mag-isa sa bahay nila. Alam nilang
walang mag-aasikaso sa mga
pangangailangan nito kung wala silang
dalawa.
Ang hindi nila alam ay inaalagaan ng mga
diwata sa gubat ang kanilang anak. Ang mga
ito ang nagbibigay ng pagkain sa binatilyo
araw-araw. Isang araw, naisipan ng binatilyo
na puntahan si Sultan Barabas. Ibig niyang
hilingin dito na palayain na ang kanyang
ama’t ina. Sinamahan siya ng mga diwata sa
pagtungo sa palasyo.
Nang makaharap ng binatilyo ang sultan ay tahasan nitong sinabi na dapat
siyang bigyan ng pagkain dahil ang kinakain nito ay ang isdang
pinaghirapang hulihin ng kanyang ama at idinaing ng kanyang ina.
Hindi pumayag si Sultan Barabas. Sa halip ay nagtawa lamang ito. Sa galit
ng binatilyo ay bigla nitong inagaw ang suot na korona ng sultan at saka
nagtatakbo. Hinabol ng sultan ang binatilyo hanggang sa makarating sila sa
malawak nitong hardin. Hindi maabutan ng sultan ang binatilyo dahil higit
itong mabilis tumakbo.
Pagod na pagod ang sultan. Humihingal itong huminto sa tapat ng isang
malaking puno. Habol nito ang paghinga at dakot ang dibdib na naninikip. Sa
isang saglit ay bigla na lamang itong natumba at noon din ay agad itong
binawian ng buhay. Sa hardin ding iyon siya ipinalibing.
Nagkaroon ng bagong sultan. Ito ay higit na mabait at makatarungan kaysa
kay Sultan Barabas. Binuksan nito sa lahat ang malawak na hardin upang
makakain ng bungangkahoy ang sinomang may nais kumain.
Nang lumaki na ang mga bunga at muli nilang tinikman ay nasabi ng ilan: “Ang
asim, sing- asim ng mukha ni Sultan Barabas!” “Kung gayon ay si Barabas ang
punong iyan!” sabi ng marami.
Lumipas ang mga araw, napansin ng mga tao na may bagong halaman na
tumubo sa pinag-libingan kay Sultan Barabas. Lumaki at namunga ang nasabing
puno. Nang tikman nila ang bubot pang bunga ay napangiwi silang lahat. “Ang
pait!” sabi ng isa. “Simpait ng ugali ni Sultan Barabas!”
Nang mahinog ang mga bunga ay nasarapan ang lahat dahil matatamis ang mga
iyon. Mula noon ay nakagiliwan ang bunga ng puno at nang lumaon ay tinawag
na Bayabas.
 SAGUTIN ANG MGA TANONG
BATAY SA KUWENTONG ATING
BINASA.
1. Ano ang pangalan ng hari?
2. Bakit ayaw sa kanya ng mga tao?
3. Sino ang kanyang ipinahuli?
4. Ano ang nangyari kay Haring Barabas?
5. Ano ang natagpuan ng mga tao sa hardin?
6. Ano ang aral na napulot mo sa alamat?
 Ang ALAMAT ay kuwento tungkol sa
pinagmulan ng mga bagay o lugar. Ito ay
maaaring totoong bahagi ng kasaysayan o
kathang-isip lamang.
PANGKATANG GAWAIN

Maghanda ng maikling dula-

dulaan ng isang
pangyayaring naibigan sa
kwentong binasa.
 Ano kaya ang mangyayari
kung isang katulad ni Haring
Barabas ang magiging pinuno
natin?
 Ano ang hindi magagandang
pag-uugali ng hari sa kwento?
Saan tumubo ang kakaibang
halaman na nagbunga ng bilog na
prutas?
Ano ang isinisimbolo ng maasim
na prutas na ito?
TAKDANG-ARALIN

Iguhit sa bondpaper ang

pinakanagustuhang bahagi
ng kwentong napakinggan.
Pagsagot sa mga Tanong
mula sa Napakinggan/
Nabasang Alamat, Tula at
Awit
IKALAWANG
ARAW

Balik-Aral

Anong kwento ang ating binasa

noong nakaraang araw?
Anong pag-uugali ang ipinakita
ng hari?
Mahilig ka bang magbasa ng tula
o kumanta?
Ano ang paborito mong tula?
Ano ang paborito mong awitin?
Basahin ang tula.
Kabukiran
Maria Leilane E. Bernabe

Ang kabukiran ay tunay na kay ganda

Bahagi na ito ng aking kabataan
Tumulong upang ako ay makapag-aral
Hindi malilimutan at laging binabalikan

Ang palayan ay tunay na kayamanan

Pagkat nagbibigay pagkain sa hapag-kainan
Ang gintong-araw dito ay kailangan
Upang pananim ay lumaki’t anihin
 Ang ilog na doo’y makikita
Sariwang isda palaging nakukuha
Maberdeng paligid tunay na may ganda
Ang samyo niya ay tunay na nakahahalina

Ang hanging sariwa ay naglilinis ng baga

Langhapin natin talagang ‘di nakakasawa
Parang musika na laging may dalang himig at kanta
Gustong-gusto ni musikero’t makata

Kabukira’y dapat ingatan

Huwag pabayaan tunay na kailangan
Kinabukasan ng kabataa’y dito nakasalalay
Upang pagdating ng araw sila’y makikinabang
 Ang tula ay nagpapahayag
ng magagandang kaisipan at
pananalita sa pamamagitan
ng mga taludtod.
Tukuyin ang mga salitang binibigyang kahulugan ng mga
pangungusap sa binasang tula na “Kabukiran”.
• Ito ay kayamanan na naghahatid ng pagkain sa hapag-
kainan.
• Dito itinatanim ang palay upang pagdating ng araw ay
may aanihin.
• Masarap ditong maligo at manghuli ng sariwang isda.
• Kulay ng paligid ang makikita, ang samyo niya’y tunay
na nakahahalina.
• Ito ay laging may dalang himig, masarap pakinggan at
sabayan ng pag-awit.
 Ang awit ay uri ng
mahabang tulang pasalaysay
na binubuo ng mga saknong
at taludtod. Ito ay
pangkalahatang tawag sa
kanta o musikang pamboses.
Awitin ang kantang “Masdan Mo ang
Kapaligiran” ng Asin.
 BILANG ISANG
MAG-AARAL, ANO
ANG IYONG
MAGAGAWA PARA
SA KALIKASAN?
ANO ANG MENSAHE
NG TULANG
BINASA?
Ano ang mensahe ng
awiting “Masdan Mo
ang Kapaligiran”?
Panuto: Sagutin ng buong pangungusap ang sumusunod na tanong.

• Sa “Ang Alamat ng Bayabas”, ano ang pangalan ng

malupit na hari?
• Bakit ayaw sa kanya ng mga tao?
• 3. Sa tulang “Kabukiran”, ano ang tunay na kayamanan
na nagbibigay ng pagkain sa hapag-kainan/
• -5. Sa awiting “Masdan Mo ang Kapaligiran”, kalian at
paano ka makakatulong para mapanatiling malinis at
kapaki-pakinabang sa tao ang ating kapaligiran.
IKATLONG
ARAW

Wastong
Pagbabaybay ng
mga Salita
Simula noong magsimula
ang klase n, ano ang mga
bagong salitang iyong
natutuhan?
 MAGING LIGTAS SA COVID-19

Para maiwasan at maging ligtas sa COVID-19 may protective measures na dapat sundin. Ito ay
bahagi na ng tinatawag na new normal. Dapat itong gawin at sundin bilang proteksiyon sa sarili
laban sa mapanganib na virus na dulot nito. Narito ang ilan sa mga dapat nating gawin:
1. Kung hindi kailangang lumabas, manatili na lamang sa bahay.
2. Kung kailangang lumabas, umiwas sa matataong lugar. Ugaliin ang pagsuot ng face mask at
face shield at sumunod sa social distancing.
3. Panatilihin ang isang metrong layo sa mga taong may respiratory symptoms o ubo’t sipon.
4. Palaging maghugas ng kamay gamit ang sabon at tubig at gumamit ng hand sanitizer at alcohol.
5. Gumamit ng tissue o panyo at takpan ang bibig sa tuwing uubo at babahing.
6. Palakasin ang immune system at uminom ng vitamin C.
7. Isabay sa pag-aalaga sa sarili ang laging manalangin na patuloy na maging malusog, malakas, at
ligtas.
 1.Ano ang paksa ng iyong binasa?
2. Paano magiging ligtas laban sa COVID-19?
3. Bakit mahalagang ingatan ang sarili at maging ligtas
sa anomang uri ng sakit gaya ng COVID-19?
4. Ano-ano ang bagong salitang natutuhan mo sa
iyong binasa?
5. Ano ang napansin mo sa mga salitang nakaitaliko?
6. Ano kaya ang tawag sa mga salitang ito na
nakaitaliko?
7. Pansinin ang mga salitang nakaitaliko, paano kaya
ito binaybay?
 Ang tawag sa mga bagong
salitang dumadagdag sa ating
wika, na hindi orihinal o hindi
likas sa atin ay mga salitang
hiram.
 PAGBAYBAY NG MGA SALITANG HIRAM

1. Ginagamit ang walong dagdag na letrang C, F, J,

Ñ, Q, V, X, Z sa sumusunod:
a. pangngalang pantangi
b. salitang teknikal at pang-agham
c. sa mga salitang hiram na mahirap ibaybay sa
wikang Filipino
 PAGBAYBAY NG MGA SALITANG HIRAM

2. Kung walang katumbas sa wikang Filipino at

mahihiram sa katutubong wika, unang batayan sa
pagbaybay ng hiram salita ang wikang Espanyol
bago ang wikang Ingles.
 PAGBAYBAY NG MGA SALITANG HIRAM

3. Panatilihing orihinal o walang pagbabago ang mga hiram na

salita kung–
a. magiging katawa-tawa ito kung ibabaybay sa Filipino;
b. magiging mahirap basahin kaysa sa orihinal nito;
c. masisira ang kabuluhang pangkultura, panrelihiyon, o
pampolitika ng pinagmulan;
d. tanggap na ng nakararami o popular na ang orihinal na baybay
nito; at
e. lilikha ng kaguluhan ang magiging bagong baybay
PANGKATANG GAWAIN
Magtala ng limang salitang hiram
mula sa inyong mga napakinggan,
napanood, at nabasa.
Balikan ang mga naitalang salitang
hiram at suriin kung tama ang inyong
pagbaybay ayon sa tuntunin.
Bumuo ng pangungusap gamit ang
mga salitang hiram na inyong naitala.
Bakit mahalagang matutuhan ang
kasanayan sa wastong pagbaybay
ng mga salitang natutuhan sa
aralin, salitang hiram, at salitang
kaugnay ng ibang asignatura?
Paano binaybay ang salitang
hiram?
Magbigay ng halimbawa.
 Panuto: Isulat ang wastong baybay sa Filipino ng mga
salita sa ibaba at gamitin ito sa pangungusap. Gawin ito
sa sagutang-papel.
IKAAPAT NA
ARAW

Pagbibigay Hinuha sa
Kalalabasan ng mga
Pangyayari sa Napakinggang
Teksto
Ibaybay ang mga sumusunod na larawan.
Balik-Aral

4.

2.

5.

3.
Bakit kaya sila nakasuot ng facemask?
Bakit kaya masakit ang ngipin ng bata?
Ang hinuha ay nangangahulugang isang hula
o palagay na walang kasiguraduhan at di
tiyak ang isang pangyayari. Ito ay tinatawag
na guess, infer o inference sa wikang Ingles.
Ang pagbibigay hinuha o palagay sa
maaaring kahinatnan ng mga pangyayari sa
binasa ay isang paraan nang pagsasagawa ng
mapanuring pag-unawa.
Halimbawa ng mga panandang salita sa
paghihinuha:
Baka, tila, siguro, wari, at marahil
 MAALAGANG INA

Handang-handa na sina Nanay Carmen at Tatay

Ramon. Dadalo sila sa pagtitipon nina Lolo at Lola.
Anibersaryo ng kasal nila. Dapat ay naroon ang
buong pamilya. Tinawag ni Aling Carmen ang mga
anak. “Fe, Rey, nasaan na ba kayo? Bihis na kami
ng Tatay ninyo.”
“Nanay, may sinat po si Rey. Isasama pa po ba
ninyo kami?”, tanong ni Fe.
Dali-daling pumunta si Aling Carmen sa silid ng
anak at hinipo ang ulo ni Rey. Nalaman niyang may
sinat ito. Lumabas siya ng kuwarto.
 Saan pupunta ang mag-anak ni Aling
Carmen?
Sino ang nagkaroon ng sakit?
Mahalaga ba ang kanilang pupuntahan?
Bakit?
Ano kaya ang ipinasiyang gasin ni Aling
Carmen nang malamanng may sakit si
Rey? Ibigaya ang iyong hinuha.
 Ang teksto ay mga babasahin
na may ipinapahayag na ideya.
Ang hinuha ay ang palagay o
hula tungkol sa kalalabasan ng
pangyayari.
 Panuto: Bigyang hinuha ang mga sumusunod na
pangungusap. Gamitan ng mga panandang salita nab aka,
marahil, tila, siguro at wari.

1. Palaging umiinom ng gatas si Angel ______________________.

2. Mahilig magbasa si Juliana_____________________.
3. Hindi ginawa ni Ben nag kanyang takdang-aralin ________________.
4. Pinabayaang bukas ni Rey ang mga gripo __________________.
5. Nagpuyat si Janna kakanood ng telebisyon _________________.