Magandang ________ mga bata.

Aawit muna tayo. Sumunod kayo sa akin.

Isa, dalawa tatlo, mabait po ako.

Apat, lima anim, ako’y masunurin.
Pito walo siyam, ako ay magalang.
Sa bilang na sampu, ako’y namumupo.

Pag-usapan ang awit.

Balik-Aral
Kilala Mo ba Ako?

Panuto: Kilalanin ang tunog ng bawat titik sa bawat salita.

m a i s
b a s o
Paghahabi sa layunin

Ngayon ay ipakikilala ko naman sa inyo ang isang pasyalan

doon sa aming lugar.

Ano ang masasabi ninyo sa larawan?

Ano-ano ang nakikita ninyo?
Pag-uugnay
Isasalaysay ko ngayon sa inyo ang tungkol dito.? Ngunit bago iyon, magbigay muna kayo ng mga
pamantayan sa pakikinig.
Ang Saluciana Farm
May isang magandang pasyalan sa Angas. Ito ang Saluciana Farm
na pag-aari ng mag-asawang Mang Salvador at Aling Lucina.
Napapaligiran ng mga luntiang halaman at makukulay na bulaklak.
May iba’t ibang tanim dito gaya ng talong, upo, patola, papaya, sili,
sitaw, kalamansi at iba pa. Mayroon din silang mga alagang hayop
ilan na rito ang baboy, manok at kuneho. Mayroon na din silang
pinararaming mga paruparo.
Maginhawang magpahinga sa malamig nilang kubo. Maliban sa
kanilang kita, kaligayahan na ng mag-asawa ang pag-aasikaso ng
kanilang bukid. Gayundin, kasiyahan ang dulot nito sa mga
nakakikita.
Sagutin ang sumusunod na mga tanong.
1.Anong pasyalan ang nakilala ninyo?
2.Ano-ano ang makikita sa Saluciana?
3.Kaninong Farm ito?
4.Ano ang masasabi ninyo sa mag-asawa? Paano kaya nila
napaganda ang kanilang bukid?
5.Kung kayo ang anak ng magbubukid na gaya nila,
ikahihiya ba ninyo ito? Bakit?
6.Karapat-dapat ba silang tularan? Ipaliwanag.
Pagtalakay 1

Magpakita ng bulaklak.
Ano ang hawak ko?

Ang bulaklak ay isang salita mula sa

tekstong binasa. May iba pang mga salita
mula sa teksto na nakasulat sa unahan.
Basahin natin.

bulaklak at patola upo

papaya kalamansi talong

may paruparo kubo sitaw

baboy manok ang kuneho
Bibilangin natin ngayon kung ilang pantig
mayroon ang mga salita. Ipapalakpak
natin ang bawat bigkas ng pantig upang
mabilang ito. Pagkatapos, ilalagay natin
sa tamang hanay sa tsart.
 Bilang ng Pantig
Isa (1) Dalawa (2) Tatlo (3) Apat (4)
at pa-lay bu-lak-lak ka-la-man-si
may ta-long pa-to-la pa-ru-pa-ro
ang ku-bo pa-pa-ya
si-taw ku-ne-ho
ba-boy
ma-nok
 Bawat salita ay may iba-ibang bilang ng pantig. Tingnan
natin ang tsart.

• Ang salitang at, may at ang ay may iisang (1) pantig lamang.
• Ang upo, talong, kubo, sitaw, baboy at manok ay may
dalawang (2) pantig.
• May tatlong (3) pantig naman ang bulaklak, patola, papaya,
at kuneho.
• Binubuo naman ng apat (4) na pantig ang kalamansi at
paruparo.
 Ang mas mahahabang salita ay binubuo ng
mas marami pang pantig.
Halimbawa:
ka-li-ga-ya-han – 5
ki-na-tu-tu-wa-an – 6
Upang mabilang ito, maaari nating
ipalakpak,ipadyak o bilangin ng daliri kasabay
ng pagbigkas o pagbuka ng bibig.
Pagtalakay 2
Pangkatang Gawain
Pangkatin ang mga bata sa tatlo. Bigyan ng gawain ang bawat pangkat. Ipaliwanag sa bawat grupo ang
nakatakdang gawain.

Pangkat I: Bilangin Mo

Suriing mabuti ang bawat bagay sa Madyik

Kahon. Ibigay ang ngalan ng bawat isa at sabihin
kung ilang pantig ito.

(bato) (dahon)(kutsara) (papel) (helikopter)

Pangkat II: Ipalakpak Mo
Kilalanin ang bawat larawan. Ipalakpak ang ngalan nito at isulat sa tapat ang
bilang ng pantig.
Pangkat III: Kulayan Mo
Kulayan ang tamang bilang ng pantig ng bawat salita.
Paglinang sa
Kabihasaan

Mga Pantig sa Paligid

Pipili tayo ng mga bagay sa paligid. Sasabihin

ninyo ang ngalan nito at kung ilang pantig ang
bumubuo rito.

Halimbawa: pisara - 3
Paglalapat

Hulaan n’yo
Ito ang lugar kung saan tayo
pumapasok? Ano ito?

pa-a-ra-lan

Ilang pantig mayroon ang salitang paaralan?

Paglalahat

Tandaan:

Ano ang tinukoy natin sa bawat

salita?

Paano natin binilang ang mga

pantig?
Pagtataya

Panuto: Bilangin ang pantig ng bawat salita. Pagkatapos,

bilugan ang tamang bilang nito.
Karagdagang Gawain

Panuto: Bilangin at isulat kung ilang pantig mayroon

ang bawat salita.
Salita Bilang ng Pantig
1. watawat
2. payong
3. kalendaryo
4. bus
5. palaka
 Prepared by:
MRS. VILMA V. PILAR
Teacher II