DIOSTA

MUNAKUYWAN (40)
/Diosta munakuywan tukuy suyanachej,
Chay kutimuynimpi pusasqa kanapaj./

/Cielopiraj tiyan sumaj kawsayqa,

Sapa ujninchejpaj uj qori corona./
/Tuta, p`unchay oray, amataj sayk`uspa.
Mañakuy creespa, yanapaynintaqa./

/Cielopiraj tiyan sumaj kawsayqa,

Sapa ujninchejpaj uj qori corona./
/Dios Tata qosonqa chay sumaj yachayta,
Uj llamp`u sonqota, wiñay kawsaytapis./

/Cielopiraj tiyan sumaj kawsayqa,

Sapa ujninchejpaj uj qori corona./
JUCHAMANTA
JARK`AWAY (42)
/Juchamanta jark`away, Tatay,
Tentaciompitaj atipasaj./
/Kallpata qoway sayanaypaj;
Qanllapipuni confiani./

/Kallpay pisiyapojtin, Diosniy,

Atiyniyoj Qanllamin kanki./
/Sapa p`unchaypi kay noqawan;
/Sonqoyta tijray gustoykiman./
/Sajra kayniyta qhechupuway,
Señor, waqaychay kawsayniyta./
/Cielo wasiyman Qan pusaway,
Guiaway; Qanta qhatisqayki./

/Chimpaykamuyki, Señor, Qanman,

Cuentaypi wañoj Salvawajniy./
/Ni pi Qanjina atiyniyoj;
Wañunaykama waqaychaway./
SUTIYKITA
OQHARISPA (45)
/Sutiykita oqharispa, wiñaypajmin takisaj.
Santo kanki, Cristo, yupaychasqayki./

/Janaj pacha gloriapi Qan kawsanki, Señorniy

Atiyniyoj kanki wiñay wiñaypaj./
/Graciasta qoyki, Señor, salvawasqaykimanta.
Qanllapaj takisaj wiñay wiñaypaj./

/Janaj pacha gloriapi Qan kawsanki, Señorniy

Atiyniyoj kanki wiñay wiñaypaj./
/Nisqasniykeqa, Señor, wiñaynintimpaj
kashan.
Tukuywan ujchasqa kusikamusaj./

/Janaj pacha gloriapi Qan kawsanki, Señorniy

Atiyniyoj kanki wiñay wiñaypaj./
/Kay pacha kawsaypeqa ch`eqerasqa
kawsanchej.
Janaj pachapiraj ujchasqas jasun./

/Janaj pacha gloriapi Qan kawsanki, Señorniy

Atiyniyoj kanki wiñay wiñaypaj./
KUSIKORQANI
CHAY
NISHAWAJTINKU
(46)
Kusikorqani chay nishawajtinku:
“Jakullachejña Señorpa wasinman.
Dios Tatanchejta chay santo wasimpi
Tukuy sonqowan yupaychamunsunchej”.

Gloriataj kachun Diosman, aleluya,

Yupaychaqataj chay santo sutenqa.
Nerqa Señorqa: “Qankunawan kasaj,
Iskay, kinsapis sutiypi kajtinku”.
Kawsaqestapis pusanallachejtaj,
Uyarenqanku Diospa Palabranta.
Nerqa Serñorqa, Palabrayta uyarej,
Diospi creejtaj salvasqa kanata.

Dios wajyasunki; kasullayña, wawqe.

Uyarishaspa, ama qhesachaychu.
Manachus kunan kasukuwaj chayqa,
Wiñaj, wiñaypaj ñak`ariyman rinki.