ARALING PANLIPUNAN

Ikaapat na markahan Modyul 3:

Gawaing Pansibiko
 Ang Konsepto at mga Kategorya ng Civic Engagement

Ang Civic Engagement ay tumutukoy sa tuwirang pakikilahok o pakikibahagi ng

mga mamamayan sa mga gawaing pansibiko sa lipunang kinabibilangan. Isinasagawa ito
sa pamamagitan ng isang pagkilos na nakaugat sa adhikaing makapagdala ng pagbabago
at pag-unlad sa pansibikong pamumuhay ng komunidad. Itinuturing itong resulta ng
pagkalinang ng panagsama-samang pagpapahalaga, layunin, kaalaman, at kasanayan ng
bawat miyembro, sektor, at institusyon ng lipunan upang matamasa ang pagbabago at
kaunlaran.
 Nakaugat ang konseptong ito sa pagnanais ng isang indibidwal na
mapabuti ang kalidad ng buhay sa isang pamayanan sa pamamagitan ng
political at non-political na proseso.
Ang isang mamamayang may malalim na moral at pansibikong
tungkulin sa kinabibilangang pamayanan ay may pagturing sa kanyang
sarili bilang kabahagi ng mas malawak na lipunan. Itinuturing din niya
ang mga hamong panlipunan bilang mga suliraning tuwirang
nakaaapekto sa kanya bilang mamamayang kabahagi ng lipunan kung
kaya’t may tngkulin siyang tumugon sa mga ito. Sa pamamagitan ng
pagsusuri sa moral at pansibikong dimensiyon ng mga isyu at hamon ay
nakalilikha siya ng tama at makatuwirang paghuhusga ukol dito at
nakagagawa ng nararapat na pagkilos bilang solusyon sa mga isyu at
hamon.
 Mga Kategorya ng Civic Engagement

Ayon sa artikulong inilathala ng Youth.gov na may pamagat na Civic Engagement,

maaaring maipamalas ang civic engagement mula sa indibiwal at personal na inisyatibo, aktibong
pakikiisa sa mga pansibikong organisasyon hanggang sa tuwirang pakikilahok sa proseso ng
eleksiyon. Ang mga pagkilos ng isang indibidwal o grupo na naglalayong masolusyonan ang isang
partikular na hamon at isyung panlipunan ay bahagi ng civic engagement. Karaniwang nakikipag-
ugnayan at nakikipagtulungan sa mga institusyon ng pamahalaan at iba pang organisasyon at
awtoridad ang mamamayang may malalim na diwa ng pansibikong pakikiklahok upang
epektibong makatugon sa mga hamong panlipunan. Maiuugat ang tunay na diwa ng civic
engagement sa pagkalinang ng personal na responsibilidad ng isang indibidwal sa lipunan. Isang
indibidwal na may pagpapahalaga at ginagampanan ang kaniyang tungkulin sa pagpapaunlad at
pagsasaayos ng lipunang kanyang kinabibilangan.
Narito ang tatlong kategorya ng civic engagement na nakabatay sa iba’t ibang larangan,
layunin, at pamamaraan ng pakikilahok ng mamamayan sa mga usapin at gawaing panlipunan.
1. Kategoryang Civic
• Aktibong pakikibahagi sa mga gawaing, proyekto, at programmang naglalayong matugunan
ang suliranin ng pamayanan.
• Pakikilahok at boluntaryong pakikiisa sa mga organisasyong non-electoral o mga samahang
hindi tuwirang nauukol sa usapin at prosesong panghalalan ngunit may layuning mapaunlad at
maisaayos ang kalidad ng buhay sa pamayanan.
• Pakikiisa sa mga gawain na may adhikaing makatulong sa mga nangangailangan sa
pamamagitan ng pagkakawanggawa at paglilingkod nang walang anumang kapalit at
pansariling interes.

2. Kategoryang Political Voice

• Pakikipagtulungan at pakikipag-ugnayan sa mga opisyal at institusyon ng pamahalaan
• Paglalahad ng kaisipan at pananaw tungkol sa isang isyung panlipunan at broadcast media
• Paghahain ng adbokasiya tungkol sa isang gawain o pagkilos na maaaring magdulot ng
kabutihan at pag-unlad ng komunidad.
3. Kategoryang Electoral
• Mapanuri at matalinong pagboto sa halalan.
• Pakikibahagi sa mga layunin ng malinis at mapayapang proseso ng halalan sa
pamayanan.
• Malayang pagpilli ng kadidatong iboboto
• Paghahain ng kandidatura or pagtakbo ng isang posisyon sa amahalaang lokal at
pambansa
 Mga Indikasyon ng Mataas na Antas ng Civic Engagment

Maaring mataya ang antas o lebel ng civic engagement ng mamamayan batay sa antas ng
partisipasyon ng mga ito sa iba’t ibang larangan at aspekto ng tuwiran nauugnay sa mga usapin at gawaing
pampolitika at pansibiko.
Narito ang ilan sa mga pangunahing indikasyon ng mataas na antas ng civic engagement ng mamamayan.

Mataas na Antas ng Community Collaboration

Nangangahulugan ang community collaboration ng pagtutulungan ng pamahalaan, mamamayan, at
mga organisasyon sa isang pamayanan sa mga programa at proyektong naglalayong mapabuti at maisaayos
ang kanilang komunidad. Tumatalima ito sa prinsipyo at kaisipang makademokratiko sapagkat binibigyan ng
kalayaan at oportunidad ang mamamayan na makibahagi sa pagsusuri at pagtugon sa mga usapin at isyu sa
pamayanan na tuwirang nakaaaapekto sa kanila.

Ilan sa mga pangunahing halimbawa ng gawaing ito ay ang sumusunod:

1. Aktibong pakikilahok ng mamamayan sa mga lokal na programa para sa kapayapaan, kaayusan, at
kalinisan ng pamayanan tulad ng clean-up drive at tree planting.

2. Pagdalo at partisipasyon ng mamamayan sa mga pagpupulong ng lokal na pamahalaan na

naglalayong masolusyonan ang mga hamon at suliranin ng pamayanan.
 3. Malayang pagpapahayag ng mamamayan ng kanilang pananaw at opinyon ukol sa usaping tuwirang
nakaaapekto sa kalagayan ng pamumuhay sa komunidad.
4. Malayang ugnayan ng mamamayan at DTI hinggil sa price watch upang bantayan ang
pagsasamantala ng mga negosyante sa presyo ng bilihin.

Pagiging Aktibo sa Civic at Political Online Engagements

Bukod sa tuwiran at pisikal na pakikipagtulungan at pakikipag-ugnayan ng mamamayan sa
pamahalaan, isa rin sa paraan ng pakikibahagi sa mga gawaing pansibiko ay ang online engagement. Sa
pamamagitan ng paggamit ng iba’t ibang online platforms, malayang nailalahad ng mamamayan ang kanilang
kaisipan tungkol sa mga isyu at hamon sa kanilang pamayanan.

Mataas na Bahagdan ng Voter Turn-out

Ang voter turn-out ay tumutukoy sa bilang o bahagdan ng mamamayang bumoto sa eleksiyon
kumpara sa kabuuang bilang ng rehistradong botante. Sa pamamagitan nito, natataya ang antas ng tuwirang
pakikilahok ng mamamayan sa isang eleksiyon. Ang mababang kabuuang bilang ng mga bumoto sa isang
halalan ay maaaring nangangahulugan ng kawalan ng interes o tiwala ng mamamayan sa prosesong
pampolitika habang ang mataas na bahagdan nito ay nangangahulugan naman ng mataas na interes at
kagustuhan ng mamamayang makibahagi sa prosesong pampolitikan katulad ng halalan.
 Kung ikukumpara sa ibang sistemang pampolitika, karaniwang mas matataas ang
voter turn-out sa mga bansang demokratiko, ang pamahalaan katulad ng Pilipinas. Ito ay
dahil itinakda ng pamahalaan at batas ang karapatan ng mamamayan na makibahagi sa mga
gawaing pampolitika katulad ng eleksiyon. Gayumpaman, maaari pa ring maging mababa
ang voter turn-out sa ganitong pamahalaan kapag umiiral ang takot ng mamamayan dahil sa
banta ng panganib at kaguluhan sa proseso ng eleksiyon. Ang kawalan ng tiwala ng
mamamayan sa integridad ng eleksiyon at pagkadismaya sa mga prosesong nauugnay rito na
maaari ding dahilan ng mababang voter turn-out.
 Kahalagahan ng Aktibong Pakikilahok ng Mamamayan sa
mga Gawaing Pansibiko

Mahalagang malinang ang diwa ng civic engagement sa lahat ng mamamayan

bilang pangunahing salik sa tagumpay ng mga tunguhin ng pamayanan para sa
kabutihang panlahat. Nakakamit ang kaunlarang pampamayanan ata pambansa sa
pamamagitan ng aktibo at mapanagutang partisipasyon ng mamamayan sa mga
layunin, usapin, gawain, programa, at proyektong panlipunan sa halip na inaaasa
lamang ng mga ito sa pamahalaan.

Narito ang ilang mga pangunahing positibong bunga ng aktibong pakikilahok

sa mga gawaing pansibiko ng mamamaya batay sa artikulong inilathala ng Making All
Voices Count na may pamagat na The Effect of Civic Leadership Training on Citizen
Engagement and Goverment Responsiveness: Experimental Evidence from the
Philippines:
• Nalilinang ang diwa ng mapanagutang tungkulin ng mamamayan sa
pagpapaunlad at pagsasaayos ng kanilang pamayanan sa pamamagitan ng
aktibong pakikibahagi sa mga gawain at usaping panlipunan.
• Nakabubuo ng mga pagpapasiya, programa at proyektong panlipunan na
nakabatay sa kagustuhan at pangangailangan ng mamamayan.
• Nakalilikha ng akma at epektibomg solusyon sa mga hamin at suliraning
panlipunan.
• Nagiging matatag ang ugnayan ng pamahalaan at mga institusyon nito sa
mamamayan dahil sa pagkakaroon ng mataas na tiwala sa bawat isa.
• Naiiwasan ang pang-aabuso sa kapangyarihan at katiwalian sapagkat tuwirang
nakikibahagi ang mamamayan sa mga proseso at usaping panlipunan
• Nakakamit ng pamayanan ang kaunlatan sapagkat ang lahat ay nagbabahi ng
kanilang oras, kakayahan, at lakas para sa pagpapabuti ng kalidad ng buhay sa
pamayanan.
 Ang pagbibigay ng pamahalaan ng pagkakataon at
kalayaan sa mamamayan na makibahagi sa mga usapin at
gawaing panlipunan tulad ng aktibong pakikibahagi ng
mamamayan sa mga gawaing pansibiko ay nangangahulugan
ng pagbibigay-pansin sa kanilang pangangailangan at saloobin
na siyang tunay na diwa ng demokrasya. Sa pamamagitan nito,
nakabubuo ng mga akmang pagpapasiya, programa, at
proyekto upang mapabuti ang kalidad ng buhay sa mga
pamayanan.
 Linangin:
• Ang civic engagement ay tumutukoy sa aktibong pakikibahagi, pakikilahok, at
pakikiisa sa mga gawain at tunguhing pansibiko na naglalayong makabuo at
makapagdala ng pagbabago at reporma sa pansibikong pamumuhay ng pamayanan
at lipunan.
• Tumutukoy rin ito sa paglinang sa pinagsama-samang kaalaman, kasanayan,
pagpapahalaga, at motibasyon upang makamit ang pagbabago at pag-unlad.
Nangangahulugan itong pagsusulong sa kalidad ng buhay sa isang komunindad sa
pamamagitan ng prosesong political at non-political.
• Sa isang demokratikong bansa katulad ng Pilipinas, binibigyan ng malawak na
karapatan at kalayaan ang mamamayan nito na makiisa at makibahagi sa mga
gawain at tunguhing pansibiko para sa kabutihan at kaunlarang panlahat.
• May tatlong pangunahing kategorya ang pakikilahok na pansibiko. Ang mga ito ay
ang kategoryang civic, electoral, at political voice.
 REPORTERS:

• Lauren Ann Iglesia

• Kc Cindy Morales
• Rosedel Pitero
• Leo Shervin Asilo