• Kilala ang Africa bilang pangalawa sa pinakamalaking kontinente sa buong mundo at pangalawa rin sa dami ng populasyon sumunod sa Asya. Ang kontinenteng ito ay pinalilibutan ng Dagat Mediteranyo sa hilaga, Kanal Suez at Dagat Pula sa may Peninsula ng Sinai sa hilagang-silangan, Karagatang Indiyano sa timog-silangan, at ang Karagatang Atlantiko naman sa kanluran. • Ang Persia naman o mas kilala na bilang Iran sa kasalukuyan ay isa sa may pinakamatandang panitikan sa daigdig. Nagsimula ito sa makatang si Avesta noong 1000 BC. Ang panitikan ng Persia ay sumasalamin sa isang maluwalhating kultura at sibilisasyon, pinalamutian ng mga hiyas ng karunungan, sining at imahinasyon ng mga Persyano sa paglipas ng maraming siglo. Ito ay isa sa mga pinakalumang literatura sa buong mundo. • Naiiba ang mitolohiya ng Africa at Persia sa iba’t ibang panig ng mundo. Ang araling ito ay aakay sa iyo upang lubos mong maunawaan, mapahalagahan at maipaliwanag ang pagkakaiba at pagkakatulad ng mitolohiya ng Africa at Persia.