PANLIPUNAN 10 Sir. Aldre Malupeng PAMANTAYAN SA LOOB NG SILID-ARALAN
Umupo ng maayos.
Makinig ng mabuti.
Itaas ang kamay kung may nais na itanong o
magsasalita. PUNAN MO!
Panuto: Punan ng mga letra ang hinihingi sa
bawat patlang. Gamiting batayan ang mga larawang makikita sa presentasyon. D_M__R_S__ DEMOKRASYA _O__T__A POLITIKA K__ANG__R__A_ KAPANGYARIHAN PAMPROSESONG TANONG
• Ano ang inyong napansin sa mga salitang inyong
sinagutan? • Ano sa inyong palagay ang tungkulin ng pamahalaan sa kaniyang mamamayan? • Bilang mamamayan, paano natin mapapanatili ang mabuting pamamahala sa ating lipunan? Mga Hamon ng mga Isyung Pampolitika: Ang Hamon ng Dinastiyang Politikal DINASTIYANG POLITIKAL
Ang Dinastiyang Politikal ay tumutukoy sa alinmang pamilya o grupo
na nananatili na may hawak ng kapangyarihan at ng iba’t ibang katungkulan sa pamahalaan. Nabubuo ang dinastiyang politikal kapag nabibigyan ng pagkakataon ang isang politiko na maihalal sa gobyerno, mamuno ayon sa kanyang kapangyarihan, at magamit ang kapangyarihang ito upang mabigyan ng posisyon ang kanyang mga kamag-anak sa ahensiya ng gobyerno, maging halal man o hindi. MABUTING PAMAMAHALA
Ang mabuting pamamahala o good governance ay
tumutukoy sa prinsipyo ng pamamahala na nagbibigay- kabuluhan sa pananagutan ng pinuno sa mga tao (Carino, 2003). Good governance - Ang pamamahala ng isang komunidad o lipunan nang naaayon sa pamantayang tumutugon sa kapakanan at ikabubuti ng lahat at hindi ng iilan. PANSININ! Ang paglaganap ng dinastiyang politikal ay may negatibong epekto sa isang demokratikong lipunan. Sa konteksto ng demokrasya, ang dinastiyang politikal ay nagpapahina sa prinsipyo ng eleksiyon kung saan dapat ay nakapipili ng pinuno ang mga mamamayan nang malaya at ayon sa kanilang kagustuhan. PANSININ! Ang dinastiyang politikal ay pumipigil sa pagpapatupad ng mabuting pamamahala dahil hindi natatamo ang pagiging bukas, at pagkakaroon ng pananagutan, at pamumunong hindi naaayon sa personal na interes. Ang dinastiya ay pumipigil sa tinatawag na transparency o pagiging bukas ng mga pinuno ng pamahalaan tungkol sa kanilang mga gawain, desisyon, at programa. Pagkilala at Pag-ugnay ng Dinastiyang Politikal sa Demokrasya • Ang isa sa mga pundasyon ng demokrasya ay ang konsepto ng pagkilos at pakikilahok ng tao sa pamamahala. Sa prinsipyo ng demokrasya, ang pamamahala ay hindi lamang limitado sa namumuno, dapat ay may ambag ang mga tao sa pagpapatakbo ng lokal na pamahalaan. • Ang prinsipyo ng demokrasya ay nakabatay sa usapin ng pagiging lehitimo (legitimacy). Ito ay tumutukoy sa pagtanggap ng mga mamamayan sa kapangyarihang mamuno ng napiling lider. • Ang demokrasya sa lipunan at pamahalaan ay nabibigyang- buhay dahil sa prinsipyo ng transparency at accountability. Ito ay tumutukoy sa pananagutan ng pamahalaan sa mga mamamayan kaugnay sa mga gawain at desisyon nito. • Ang demokrasya ay nakasalalay sa integridad at moralidad ng mga namumuno. • Sa demokrasya, ang tungkulin ng mga pinuno ay magtaguyod ng kapakanan ng mamamayan. Iba’t ibang Hamon ng Dinastiyang Politikal • Ang pagyabong ng dinastiyang politikal sa gobyerno ay sagabal sa maayos na ugnayan ng mamamayan at pamahalaan. • Ang higit na natatalo sa usapin ng dinastiyang politikal ay ang demokrasya. • Pinahihina ng dinastiyang politikal ang proseso ng eleksiyon at pagpili ng mga pinuno. Pamamahala sa Dinastiyang Politikal • Ang lipunan ay siya namang naaapektuhan ng pamamahala ng dinastiyang politikal. Madalas, ang mahihirap na mamamayan ng isang komunidad ay napapaniwala ng mga politiko sa kanilang mga programa ng pagbabago at kaunlaran. • Sa ekonomiyang pananaw, ang mga mamamayan ay madalas umaasa sa magandang bunga ng pagpili sa isang pinuno. Ang mga polisiyang pang-ekonomiya na ipinapangako ng isang pinuno ay maaaring tumugon sa kakulangan ng trabaho at pagnenegosyo. KONKLUSYON
Ang pananatili ng dinastiyang politikal ay isang hamon sa bawat
mamamayan. Bagaman hawak lamang ng ilang makapangyarihang pamilyang politikal ang pamamahala, marapat ang pagsasama-sama ng mga mamamayan upang masugpo ang dinastiyang politikal. Kailangan na maging mulat at manindigan ang mga mamamayan sa pagpili ng mga pinuno na tunay na nakapagdadala ng kaunlaran at pagbabago sa kanilang komunidad na hindi naghahangad ng pagpapalawak ng kanilang kapangyarihan.