TEKSTONG ARGUMENTATIBO:

Ipaglaban ang Katuwiran

 Lahat ng tao ay gumagamit ng iba’t ibang porma ng
argumentasyon sa iba’t ibang pagkakataon. Madalas, maging
ang mga simpleng sitwasyon ay nangangailangan ng mahusay
na pangangatuwiran gaya ng paghingi ng permiso sa mga
magulang, panghihiram ng gamit sa kapatid, pamimili ng paksa
o konsepto sa mga gawaing panggrupo sa klase, o kaya ay
panghihingi ng pangalawang pagkakataon sa iniibig. Bagama’t
hindi pormal ang esitilo ng argumentasyon sa mga nabanggit na
pagkakataon, ang mga estratehiyang ito sa pangangatuwiran
ang batayan ng mga tekstong argumentatibo.
 TEKSTONG ARGUMENTATIBO
Ang tekstong argumentatibo ay isang uri ng teksto na
nangangailangang ipagtanggol ng manunulat ang posisyon sa
isang tiyak na paksa o usapin gamit ang Click
mga ebidensya mula
icon to add picture
sa personal na karanasan, kaugnay na mga literatura at pag-
aaral, ebidensyang kasaysayan, at resulta ng empirikal na
pananaliksik. Ang empirikal na pananaliksik ay tumutukoy sa
pangongolekta ng datos sa pamamagitan ng pakikipanayam,
sarbey, at eksperimentasyon.
 TEKSTONG ARGUMENTATIBO
Nangangailangan ang pagsusulat ng tekstong argumentatibo ng
masusing imbestsigasyon kabilang na ang pangongolekta at
ebalwasyon ng mga ebidensya. Mula rito ay paninindigan ang isang
posisyon na isusulat sa maikli ngunit malaman na paraan. Sa
pamamagitan ng detalyadong pag-aaral sa paksa o isyu, mas
nauunawaan ang ibat’t ibang pananaw o punto de bista at nakapipili
ang mananaliksik ng posisyong may matibay na ebidensya.
Kailangang may malinaw na tesis at ginagabayan ng lohikal na
pangangatuwiran ang tekstong argumentatibo, kahit pa ang
pangunahing layunin ay ipahayag ang opinyon ng manunulat sa
isang tiyak na isyu.
 Mga Elemento ng Pangangatuwiran
Ang dalawang element ng pangangatuwiran ay
proposisyon at argumento. Ayon kay Melania L. Abad (2004)
sa “Linangan: Wika at Panitikan”, ang proposisyon ay ang
pahayag na inilalahad upang pagtalunan o pag-usapan. Ito ang
isang bagay na pinagkakasunduan bago ilahad ang katuwiran
ng dalawang panig. Magiging mahirap ang pangangatuwiran
kung hindi muna ito itatakda sapagkat hindi magkakaisa sa
mga batayan ng isyu ang dalawang panig.
Narito ang mga halimbawa ng proposisyon:

• Dapat na ipasa ang Divorce Bill upang mabawasan ang karahasan laban sa
kababaihan.
• Nakakasama sa pamilya ang pag-alis ng isang miyembro nito upang
magtrabaho sa ibang bansa.
• Mas epektibo sa pagkatuto ng mga mag-aaral ang multilingual education
kaysa sa bilingual education.

Ang unang halimbawa ng proposisyon ay tungkol sa pagiging epektibo

ng pagpapatupad ng isang polisiya. Ang ikalawa naman ay tungkol sa
paniniwala sa isang bagay at epekto nito sa tinutukoy na phenomenon, at ang
ikatlo ay paghahambing kung ano ang mas mabuti o hindi.
 Ang pangalawang elemento ng pangangatuwiran ay
argumento. Ito ang paglalatag ng mga dahilan at ebidensya
upang maging makatuwiran ang isang panig. Kinakailangan
ang malalim na pananaliksik at talas ng pagsusuri sa
proposisyon upang makapagbigay ng mahusay na argumento.
 Katangian at Nilalaman ng Mahusay na Tekstong Argumentatibo
• Mahalaga at napapanahong paksa
Upang makapili ng angkop na paksa, pag-isipan ang iba’t ibang
napapanahon at mahahalagang isyu na may bigat at kabuluhan. Makatutulong
din kung may interes ka sa paksa, ngunit hindi ito sapat. Kailangan mo ring
pag-isipan kung ano ang makatuwirang posisyon na masusuportahan ng
argumentasyon at ebidensya.

• Maikli ngunit malaman at malinaw na pagtukoy sa tesis sa unang

talata ng teksto
Sa unang talata, ipinaliliwanag ng manunulat ang konteksto ng paksa sa
pamamagitan ng pagtalakay nito sa pangkalahatan. Tinatalakay rin sa
bahaging ito kung bakit mas mahalaga ang paksa at kung bakit kailangang
makialam sa isyu ang mga mambabasa.
 Maaaring gumamit ng introduksyon na makakakuha ng atensyon ng mambabasa gaya ng
impormasyon, estadistika, makabuluhang sipi mula sa prominenteng indibidwal, o kaya ay anekdota
na may kinalaman sa paksa ng tekso.
• Malinaw at lohikal na transisyon sa pagitan ng mga bahagi ng teksto
Transisyon ang magpapatatag ng pundasyon ng teksto. Kung walang lohikal na pagkakaayos
ng kaisipan, hindi magiging epektibo ang kabuuang teksto sa layunin nito. Nakatutulong ang
transisyon upang ibuod and ideya sa nakaraang bahagi ng teksto at magbigay ng introduksayon sa
susunod na bahagi.
• Maayos na pagkakasunod-sunod ng talatang naglalaman ng mga ebidensya ng argumento
Ang bawat talata ay kailangang tumatalakay sa iisang pangkalahatang ideya lamang. Ito ang
magbibigay-linaw at direksyon sa buong teksto. Tiyakin ding maikli ngunit malaman ng bawat talata
upang maging mas madaling maunawaan ng mambabasa. Kailangan ding isaalang-alang ang lohikal
na koneksiyon ng bawat talata sa kabuuang tesis. Gayunpaman, kailangang banggitin at ipaliwanag
din ang iba’t ibang opinyon at ang kaukulang argumento para dito, lalo na’t kung ito ay taliwas sa
sariling paninindigan.
• Matibay na ebidensya para sa argumento
Ang tekstong argumentatibo ay nangangailangan ng detalyado, tumpak, at napapanahong
mga impormasyon mula sa pananaliksik na susuporta sa kabuuang tesis.
 Bukod sa mga nabanggit, kailangan din na iwasan ang paggamit
ng wikang emosyonal. Mahalagang pagtibayin ang ebidensya at
paghusayin ang lohikal na pangangatuwiran kaysa umapila sa emosyon
ng mambabasa. Huwag ding mag-imbento ng ebidensya at tiyaking
banggitin ang pinagmulan ng mga impormasyon at pagpaptunay.
Makakatulong din ang pagbuo ng balangkas ng kabuuang teksto upang
makita ang kabuuang daloy ng pangangatuwiran at kung maayos ang
pagkakaugnay-ugnay nito. Maging handa na ipagtanggol ang iyong
punto sa pamamagitan ng pag-alam sa pinakamalakas na argumento
laban sa kabilang panig. Maaaring hamunin ang iyong kaalaman at
pangangatuwiran ng guro o kamag-aaral na kailangang sagutin nang may
paninindigan ngunit mahinahon.