(Kuwentong-bayan mula sa Mindanao) Isinalin mula sa pananaliksik ni Melania Awe Talakayin Natin
Mga Pang- ugnay na
Ginagamit sa Pagbibigay ng Patunay Mahalagang malaman ang iba’t ibang, paraan na makatutulong upang maging mabisa ang pagbibigay ng mga patunay. Magiging mabisa ang pagpapatunay sa pamamagitan ng paglalahad ng mga katibayan tulad ng mga dokumento at batas, at paghaharap ng mga taong edukado na direktang may kaugnayan o kinalaman sa paksa na makapagpapatibay ng sinasabi. Mahalaga rin ang bawat salita o pahayag na gagamitin sa pagpapatunay ng isang paniniwala. Maaaring gamitin ang sumusunod na mga pang- ugnay sa pagpapatunay ng paniniwalang ito. 1.Sa katunayan- ginagamit sa paglalahad ng mahahalagang impormasyong nakalap upang mapatunayan ang mga pahayag na inilatag. Mga halimbawa:
a. Sa katunayan, marami nang pag- uusap ang
ginawa upang malutas ang problema ng kapayapaan sa Mindanao. b. Sa katunayan, malaking tulong ang paglagda sa kasunduan ng MILF at gobyerno sa ikalulutas ng gulo sa Mindanao 2. Ayon kay/ayon sa— pagpapatunay na ginagamit sa pamamagitan ng pagtukoy ng mga pangalan ng mga dalubhasang tao na nagsabi ng pahayag Mga halimbawa: a.Ayon sa editoryal, maraming natuwa sa paglagda ng kasunduang pangkapayapaan, Kristiyano man o Muslim. b.Ayon kay Pangulong Aquino, kikilos ang pamahalaan upang magkaroon ng pangmatagalang kapayapaan sa Mindanao 3. Ang totoo/sa totoo—ginagamit ito bilang pagpapatunay sa ipinahahayag na paniniwala upang mahikayat ang nakikinig o kausap. Mga halimbawa: a.Ang totoo, ang kaguluhan sa Mindanao ay may malaking epekto sa ekonomiya nito dahil takot ang mga negosyanteng mamuhunan doon b b.Sa totoo lang, dapat lahat tayo ay tumulong upang matapos na ang kaguluhan sa Mindanao.